Suro 18:12 - Sura Malelaha

¹² I tempona Galio mewali gubernur i tampo Akaya, hintuwumohe to Yahudi moewa Paulu. Paulu raanti i lindona gubernur, hai

Suro 18:12 ပူးပေါင်းရင်းမြစ်များ

Matiu 27:19

I tempona Pilatu mohuda mobotusi kara-kara kana i Yesu, hawemi hadua suro hangko i towawinena au mouliangaa, “Inee nuhuku tauna au bara masala iti! Anti kaIana panena mangipi au mewulungai inona kaindi.”

Yohane 19:13

Kanahadina Pilatu lolitanda, moantimi Yesu lao i raoa. Roo indo, mohudami i pohudaa pobotusia i hambua paidaa au rahanga Lanta Watu. (I lalu basanda to Yahudi hangana Gabata.)

Suro 13:12

Naitami Gubernur apa au mewali iti, tingkara mpuu, lawi tongawami kuasana paturona Pue Ala, hai ia mepoinalai i Pue Yesu.

Suro 13:50

Agaiana to Yahudi mohuwekihe lalunda totosae au raadai i wanua iti hai towawine au pebuku i wanua iti au mepoinalaihe i Pue Ala, pane mampopeahi-ahihe Baranaba hai Paulu duuna rapopesuwu hangko i wanua Antiokia.

Suro 14:19

Bara mahae hangko inditi, bahangkia to Yahudi hangko i wanua Antiokia hai wanua Ikonium hawehe i wanua Listra. To Yahudi iti mohuwekihe lalunda tauna bosa i wanua Listra bona laohe mowatui Paulu. Karoona Paulu rawatui, watana rabisoso lao i raoa wanua hai rapalehi inditi, lawi rapehangu matemi.

Suro 14:2

Agaiana to Yahudi au barahe mepoinalai mohuwekihe lalunda tauna bosa au bara to Yahudi bona mokahihihe tauna au mepoinalai i Pue Yesu.

Suro 17:13

Bara mahae hangko inditi, rahadimi to Yahudi au i wanua Tesalonika popahawenami Ngkorana Pue Ala i wanua Berea. Ido hai laomohe i Berea mohuweki lalunda tauna bosa.

Suro 17:5

Agaiana to Yahudi au bara mepoinalai, mahinahe i Paulu hai Silas. Ido hai mokakiomohe tauna au lohehe mobago hai au mohuda-huda peahe i pobalu-balua. Bosamohe teruhu, hai mobabehimohe silaka i lalu wanua. Kahawenda i sou au rapaidai Paulu hai Silas, pesuanda peami. Tunggaianda mohakahe Paulu hai Silas hai raanti lao i lindonda tauna bosa,

Suro 18:11

Mewali, Paulu maida i Korintu hampare ini wulana kamahaena, hai mopaturo liliu tauna kana i Ngkorana Pue Ala.

Suro 18:27

Roo indo, Apolo moliwo lao i tampo Akaya. Ia ratulungi halalu hampepepoinalaina i Epesu mopakatuhe sura i hangka to Saraninda i Akaya bona modoko maroahe Apolo. Mewali, kahawena Apolo i Akaya, paturona moanti ngkaia pewati i ope-ope tauna au mepoinalaihe i Pue Yesu anti kabulana laluna Pue Ala irihira.

Suro 19:21

Liumi au mewali iti, Paulu moliwo lao i tampo Makedonia hai Akaya, hai roo indo ina lao wori i wanua Yerusale, nauli, “Roona i Yerusale, hangangaa laona i wanua Roma.”

Suro 25:10

Nahanai Paulu, “Ide-ide, meangkana i lindona sarungkorona Kaisar, datunda to Roma. Indemi hangangaa rabotusi kara-karangku. Nuisa mpuu, Tua Gubernur, kadana ara salangku i to Yahudi.

Roma 15:26

Lawi taunana Pue Ala au barahe to Yahudi i propinsi Makedonia hai Akaya ide moruruhe doi bona rawei i halalunda hampepepoinalai au meahi-ahi tuwonda i Yerusale.

Roma 16:5

Nipahawea worina tabeangku i ope-ope halalunta hampepepoinalai au teruhuhe i sounda Priskila hai Akwila. Tabeangku wori i Epenetus au kupokaahi. Iami au nguru-nguruna mepoinalai i Kerisitu i propinsi Asia.

1 Korintu 16:15

Halalu, niisami Setepanu hantambi au nguru-nguruna mewali to Sarani i propinsi Akaya. Ihira mohuhu katuwonda i Pue bona motulungihe halalunda hampepepoinalai. Mewali, kuperapi halalu

2 Korintu 1:1

Sura ide hangko iriko Paulu, au naangka Pue Ala mewali surona Kerisitu Yesu moula peundeaNa, hai hangko i Timotiu, halalunta hampepepoinalai, kipakatu irikamu jumaa au ara i wanua Korintu hai i ope-ope to Sarani au i propinsi Akaya.

2 Korintu 11:10

Tou mpuu apa au kuuli ide, lawi paturona Kerisitu au tou ara i lalungku. Matana lalungku lawi barana merapi ba apa-apa irikamu. Hai apa au kubabehi iti bara ina tebali iumba pea pobagoangku i humalele tampo Akaya.

2 Korintu 11:26

I lalu polumaongku, bosa belangku hurewu; narumpana owai meumbala. Molambina rugi i taienda topanangka. Rapopeahi-ahina to Yahudi. Rapopeahi-ahina tauna au barahe to Yahudi. Molambina rugi i lalu wanua hai i raoa wanua. Molambina rugi i wongko tahi. Molambina rugi hangko i tauna au mouli kaihirana halalungku hampepepoinalai, agaiana katouana bara!

2 Korintu 9:2

Kuisa niunde mpuu metulungi, ido hai kutoia amimokau i to Makedonia, kuuliangaahe: “Ane halalunta au maidahe i tampo Akaya, mepongka pare liu, masilolongamohe motulungi halalunta hampepepoinalai au meahi-ahi tuwonda.” Mewali, kamohadinda kamaahina lalumi mokira doi iti, tehuweki worimi lalunda, alana bosahe au mokira petulunginda.

1 Tesalonika 2:14

Kiisa iti halalu, lawi apa au mewali i halalu hampepepoinalai i tampo Yudea mewali wori irikamu. Nodo halalunta hampepepoinalai, ope-ope jumaa i tampo Yudea rapopeahi-ahihe hangka to Yahudinda, ikamu wori rapopeahi-ahikau to hambomboeami.

1 Tesalonika 2:16

Lawi mohomboki liliuhe rarangki bona datingkai mopahawe Ngkora Marasa i tauna au barahe to Yahudi au peisa mohoremahe hangko i dosanda. Mewali, anti ope-ope babehianda au kadake, melumbu mpuumi dosanda, hai molambihe karumpuna Pue Ala.

Yakobu 2:6

Agaiana ikamu mokakabosairikau tauna au meahi-ahi iti hai moadaikau topebuku. Bara pae tauna au pebuku itimohe au moewakau hai moantikau i lindona topoparenta?