Suro 17:31 - Sura Malelaha

³¹ Lawi i hambela tempo au Napakanotomi, Pue Ala ina mobotusi kara-karanda tauna i humalele dunia i kanoto-notoaNa. PobotusiNa iti ina napobago hadua tauna au napilei Pue Ala. Hai tauna iti Napatuwo hule hangko i kapate bona tongawa i ope-ope tauna kaIana au Napilei.”

Suro 17:31 ပူးပေါင်းရင်းမြစ်များ

Matiu 10:15

Tou mpuu au Kuuliangaakau, i alo pebotusi i kahopoa dunia, meliu pehukuna Pue Ala i tauna iti pane pehukuNa i ampu boea Sodomo hai Gomora hangkoia.”

Matiu 24:14

Hai Ngkora Marasa kana i poparentana Pue Ala batena rabambari i humalele dunia bona rahadi ope-ope tauna, hangko haweri kahopoa dunia.”

Lukasi 22:22

Iko Ana Manusia hangangaa mateNa nodo au napakanotomi Pue Ala. Agaiana hurewumi tauna au mampobaluNa iti!”

Yohane 12:48

Tauna au mosapuakaNa hai bara modoko lolitaNgku, arami au ina mohuku. Lolita au Kupahawe, itimi au ina mohuku i alo pebotusi.

Yohane 16:10

Ia ina mopatongawa kamanotoNgku, lawi ina laomoNa i UmaNgku, hai barapoNa niita.

Yohane 5:27

Nawei woriNa kuasa mobotusi kara-kara manusia, lawi Iko Ana Manusia worina.

Suro 17:18

I wanua Atena iti, ara worihe tauna mapande au mampeulai paturona Epikuros hai paturona Stoa. Tauna au mapande iti mombehanai hai Paulu. Arahe au manguli, “Mengkamapande mpuu tauna ide ba apa dolou nauli.” Ara worihe au manguli, “Ba ina napahaweake kana i anitu hangko i tampo ntanina.” Nodo lolitanda, lawi i pepaturona, Paulu mepaturo kana i Yesu hai kana i katuwonda hule tauna hangko i kapate.

Suro 17:32

I karahadina lolitana Paulu, arahe au moele-ele, lawi barahe mampoinalai kaarana tauna au peisa tuwo hule. Agaiana, ara worihe au manguli, “Kiunde mampehadingi mbuli lolitamu iti.”

Suro 17:6

agaiana barahe ralambi. Ido hai mohakamohe ampu sou, hangana Yason. Yason iti hai bahangkia to Sarani rabisosohe lao i lindonda tadulako boea, hai monganga-ngangahe, rauli, “Paulu hai rangana ide mopawuli tauna i humalele dunia. Maihe inde mampeinaohe mogero-gero boeanta.

Suro 2:32

Yesumi au natunggai Daudi i lolitana iti. Lawi Iami au napatuwo hule Pue Ala. Ikami ide mewali sabiNa, lawi kiita mata katuwoNa hule.

Suro 4:10

Mewali bona niisa, hai bona raisa wori ope-ope halalunta to Yahudi, tauna ide maoha hai nabuku meangka inde anti kuasana Yesu Kerisitu to Nasare. Yesu iti nipaku i kau mombehape, agaiana Pue Ala mopatuwo hule.

Roma 2:16

Nodo wori i alo pebotusi i kahopoa i dunia. I tempo iti, Pue Ala ina mowei kuasa i Yesu Kerisitu bona mobotusi ope-ope au tewuniangi i laluna manusia. Itimi Ngkora Marasa au kubambari.

Roma 2:5

Anti kamatuana lalumi, hai anti kadami mau mobaliki babehiami au kadake, ina mantimi hukumi i alo pebotusi. I alo pebotusi iti, Pue Ala ina mobotusi ope-ope i kanoto-notoana hai mohuku ope-ope tauna au kadake babehiana.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

2 Korintu 5:10

Lawi hambela tempo, ikita ope-ope hangangaa molindo Kerisitu bona Naparesa babehianta, hai ikita ope-ope ina molambi hurungina hintoto hai apa au tababehi tanganta mani tuwo i dunia ide.

2 Timotiu 4:1

Timotiu! Paturongku ide kupahawe hangko i lalungku mpuu. Ane hawe hulemi Pue Yesu i dunia ide, Ia ina moparenta nodo hadua Datu, hai mobotusi kara-karanda ope-ope tauna, maroa au tuwo manihe, maroa au matemohe. Ido hai i lindona Pue Ala hai Kerisitu Yesu kuweiko lolita ide:

Ibarani 6:2

Hangangaa rapaturoahe kana i periu, noumba tadulako agama moona taienda i tanoananda tauna au rawati, karapatuwo hulenda tomate, hai pehukuna Pue Ala au bara mokahopoa. Paturo iti tou, agaiana ineemi rahuhuleki.

2 Peturu 3:7

Langi hai tampo au ara hawe ide-ide nakadipura Pue Ala hai NgkoraNa duuna i alo pebotusi. I tempo iti, langi hai tampo ide ina Nagero Pue Ala hai api, hai ope-ope tauna au bara mengkoru Iria ina Nahuku.