Suro 17:28 - Sura Malelaha

²⁸ Lawi idemi lolitanda toiorunta: ‘Hangko Iria pea katuwonta. Ido hai peisake maida hai mokale i dunia ide.’ Himbela wori au nauki hadua toiorumi hangkoia, nauli: ‘Ikita ope-ope napoanamoke Pue Ala.’

Suro 17:28 ပူးပေါင်းရင်းမြစ်များ

Lukasi 20:38

Mewali, hangko i lolitana Pue Ala iti, taisa ntepuu Burahima, Isaki hai Yako, batena tuwo manihe. Lawi barari tauna au mate au menomba i Pue Ala. Batena pea tauna au tuwo au menomba i Pue Ala. Lawi i Pue Ala ope-ope tauna tuwo.”

Yohane 11:25

Nauli Yesu, “Iko idemi au mampopearo tomate, hai au mepatuwo. Tauna au mepoinalai Iriko, nauri matemohe, ina tuwo hulehe.

Yohane 5:26

Lawi UmaNgku makuasa mopatuwo tauna. Nodo wori Iko, AnaNa, NaweiNa kuasa mopatuwo tauna.

Kolose 1:17

Hangko damani hinangkana ara, Yesu aminami ara. Hai ope-ope au ara, Nakadipura hai kuasaNa.

Titu 1:12

Hangkoia ara hadua tauna au meula i agamanda to Kreta au manguli node, “To Kreta, ope-opehe modongko, nodohe binata maila, mehioro hai lohehe.”

Ibarani 1:3

Hangko Iria tongawa peawana tuwona Pue Ala. Hangko i Yesu moitake poantina hai kuasana Pue Ala. Ia au mokadipura hinangkana au ara hai lolitaNa au makuasa. Ia au mohuhu wataNa rapapate bona mobahoi manusia hangko i dosanda. Hai roo indo, mengkaoremi lao i suruga mohuda ntanda i koanana Pue Ala i lalu poparentaNa.

Ibarani 12:9

Ikita ope-ope rakambaroamoke umanta i dunia, hai tabilahe. Apa mani Umanta au Ampu inaonta. Ane Nakambaroake, hangangaa mengkoru mpuuke alana molambike katuwo maroa.

Ibarani 2:11

Yesu, au mopamalelaha tauna, hai tauna au Napamalelahami, hadua pea Umanda. Ido hai Yesu bara maea mouli kaNapohalalunda.