Suro 17:24 - Sura Malelaha

²⁴ Pue Ala itimi au mampopewali dunia hai hinangka ihina, ia Ampu langi hai tampo. Ia bara maida i sou penombaa au nababehi tauna.

Suro 17:24 ပူးပေါင်းရင်းမြစ်များ

Matiu 11:25

I tempo iti, mekakaemi Yesu, nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia, Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande,

Matiu 5:34

Agaiana ide-ide Kuuliangaakau, ineeko mosumpa! Ane modandiko, inee mosumpa mokabelai langi ba tampo. Lawi langi iami pohudaana Pue Ala, hai tampo pepangkaaNa. Ineeko mosumpa mokabelai wanua Yerusale, lawi iti wanuana Pue Ala, Datu au mahile.

Lukasi 10:21

I tempo iti, matanami Yesu i lalu Inao Malelaha, hai hangko i kamatanana laluNa, Nauli, “O Uma, Ampu langi hai tampo! KutoiaKo, lawi ope-ope au tewuniangi hangkoia Nupopaisaamohe tauna au i woi tuwonda, agaiana Nuwuniangiahe tauna au mapangka posikolanda hai tauna au mapande. Lawi nodomi peundeaMu, Uma.”

Yohane 1:1

Nguru-nguruna, hangko damani dunia rapopewali, arami Ngkora. Ngkora iti, aminami hihimbela hai Pue Ala, hai Ngkora iti iami Pue Ala haduduaNa.

Suro 14:15

“Ee! Apari dide au nibabehi? Ide ikami, manusia biasa pea woringkai nodo ikamu. Maingkai mobambari Ngkora Marasa irikamu bona nikabaha penombami i anitu au bara mobundu hai bona menomba peakau i Pue Ala au tuwo, lawi Iami au mampopewali langi, tampo, tahi hai hinangka ihi dunia.

Suro 4:24

Karahadina ranganda lolitanda iti, mekakae sambelamohe i Pue Ala, rauli, “Pue, Oiomi au mampopewali langi hai tampo, tahi hai hinangka ihina.

Suro 7:48

Halalu-halalu, Pue Alami au melumbu kuasaNa hangko i ope-ope au rapenombai. Ia bara maida i sou au nababehi manusia. Lawi i lalu surana nabi hangkoia, au teuki node:

Roma 1:19

Katouana apa au raisa tauna kana i Pue Ala tongawami, lawi napakanotoamohe Pue Ala haduduaNa.

Ibarani 1:2

Agaiana i alo-alo au ina hawe hangko damani alo pebotusi i kahopoa dunia, lolitana Pue Ala napahaweake AnaNa. Hai AnaNa itimi au Napopatoa mampopewali dunia hai hinangka ihina. Iami au Napakanoto Pue Ala mampoampu hinangkana au ara.

Ibarani 3:4

Ope-ope sou, batena ara au moaro. Agaiana Pue Ala moaro hinangkana.

Pampetudungia 20:11

Roo indo, kuitami hambua kadera kadatua au bula hai mahile, hai kuita wori Hadua au mohuda indo. Anti kamakuasaNa, langi hai dunia unga pea matanta, barapi ara.