Suro 16:26 - Sura Malelaha

²⁶ I tempo iti, unga pea ara linu rumihi alana tarunggu iti modua-dua. Ope-ope baba, unga pea tebungkahi, hai rante au rapopohilu ope-ope tauna au ratarunggu tebolehi wori.

Suro 16:26 ပူးပေါင်းရင်းမြစ်များ

Matiu 28:2

Unga pea ara linu mahile, lawi hadua malaekana Pue mendaulu hangko i suruga mai mololi watu popetuko talumba, hai mohuda i wongkona.

Suro 12:10

Mewali, molumaomohe moliu surodado au mokampai baba au nguru-nguruna hai baba karombuana, pane hawemohe i babaka besi i rara lao i wanua. Babaka besi iti tebungkahi sadudua. Liliu mesuwumohe hangko i babaka iti moula rara au kokoi. Bara mahae unga pea malaeka iti matanta.

Suro 12:7

Unga pea tarunggu iti mabaa, lawi ara hadua malaekana Pue meangka i holanda. Malaeka iti morua Peturu, nauli, “Pearo holiga!” Liliu rante au rapopotaka taiena Peturu unga pea mabotu.

Suro 4:31

Karoonda mekakae, modua-duami sou au rapaidai, hai nakuasaimohe Inao Malelaha. Ido hai bai mpuumohe mopahawe Ngkorana Pue Ala i tauna bosa.

Suro 5:19

Agaiana kaindi iti, hawemi hadua malaekana Pue mobungkahi baba tarunggu hai moantihe lao i raoa. Nauli malaeka iti irihira,

Pampetudungia 11:13

Tempo iti, unga pea kelinu mahile. Hangkira hampulo hangko i wanua iti magero, hai pitu sabuna tauna mate. Langa mpuumohe tauna ntanina, ido hai motoiahe Pue Ala, rauli, “Mahile mpuu kuasana Pue Ala au i suruga!”

Pampetudungia 6:12

Roo indo, kuita Ana Dimba iti mobungkahi pene au kaini. Unga pea kelinu rumihi, alo mewali maeta nodo buri, hai wula mewali malei nodo wahe.