Suro 16:23 - Sura Malelaha

²³ Karoonda rapapahai, liliuhe ratarunggu. Kapala tarunggu rapohawaa bona Paulu hai Silas nakampai maroahe.

Suro 16:23 ပူးပေါင်းရင်းမြစ်များ

Matiu 26:48

Napahawe amiamohe Yudasi hambua tanda bona raisa kahemana Yesu, nauli, “Hema au kuangki, Iami Yesu. Nihakami!”

Lukasi 21:12

Agaiana hangko damani ope-ope iti mewali, ikamu ina rahaka hai rapopeahi-ahi. Ina rasalaikau i lalu sou penombaa hai ratarunggukau. Anti peulami Iriko, ikamu ina rahuhu i datu hai topoparenta.

Suro 12:18

Kahalona madondo, mewalimi hambua posisala i olonda surodado topekampai. Wulihe kana i apa au mewali i Peturu.

Suro 12:4

Mohaka mpuumohe Peturu, hai ratarunggu. Iba tobuna surodado rapohawaa mekampai, hantobu-hantobu ibahe. Tunggaiana Herode bona kara-karana Peturu rapohuda-hudaa i lindonda tauna bosa ane liumi Posusa Pasa.

Suro 16:27

Tingkarami kapala tarunggu hai mearo, hai naita ope-ope baba tebungkahimi. Nawukami pihona ina menoo, lawi napehangu melangkamohe ope-ope tauna au ratarunggu.

Suro 16:36

Kanahadina kapala tarunggu parenta iti, nauli i Paulu hai i Silas, “Ara hawa hangko i topoparenta au mouliangaana bona rakabahakau. Mewali, padumokau, hai maroa-roakau i rara.”

Suro 5:18

Mohakamohe surona Pue Yesu iti hai ratarungguhe.

Suro 5:23

“Kahawengki i tarunggu, kiita baba tarunggu mia-mia tetuko hai tegili. Hai surodado inditi, ara manihe mokampai baba. Kibungkahimi baba, agaiana bara huba hadua au kihumba i lalu!”

Suro 8:3

Hai i tempo iti, Saulu mampopeahi-ahi liliu tauna au mepoinalaihe i Pue Yesu. Ope-ope sounda nasuaki, hai ope-ope tauna au mepoinalai i Yesu, maroa tobalilo maroa towawine, nahakahe hai naantihe lao ratarunggu.

Suro 9:2

merapi sura kuasa au peisa naanti lao i tadulako sou penombaa i wanua Damsik. Tunggaiana ane arahe nahumba tobalilo ba towawine au mampeulai paturona Yesu, ina nahakahe hai naantihe i Yerusale.

2 Korintu 11:23

Rauli, ihira topobagona Kerisitu, apa mani iko! (Mololitana nodo tauna au barapi manoto pekirina.) Meliu pobagongku hangko i pobagonda. Bahangkiami belangku ratarunggu, meliu hangko irihira! Rumihi karapopeahi-ahingku, meliu hangko irihira! Bosami belangku kemate.

2 Korintu 6:5

Rapapahaingkai, ratarunggungkai, radulungkai, hai mobago mantimingkai. Bosa belana barapongkai leta, bosa wori belana bara ara paandeki.

Epesu 3:1

Ido hai, iko Paulu, ratarungguna lawi moantina Ngkora Marasa kana i Kerisitu, irikamu au barakau to Yahudi.

Epesu 4:1

Halalu, nihadimi ope-ope paturongku. Ide iko, au ratarunggu anti pobagongku i Pue Ala, kuperapi mpuu irikamu bona mobabehikau apa au hintoto rababehi anana Pue Ala, lawi Nakakiomokau mewali anaNa.

2 Timotiu 2:9

Anti popahawengku Ngkora Marasa, ido hai narumpana kapari, duuna ratakana inde i lalu tarunggu nodo hadua tauna au kadake. Agaiana Ngkorana Pue Ala bara tetaka.

Pilemo 1:9

Agaiana kukatuinao kamahilena ahimu, ido hai barako kuparentai. Kupahawe pea pamperapiku irio. Iko Paulu, hadua tosae au tangangku ratarunggu anti pobagongku i Kerisitu Yesu,

Pampetudungia 1:9

Iko, Yohane, halalumi i lalu hangana Yesu. Himbela karapopeahi-ahinta anti peulanta i Yesu, hai himbela kamolambita kira i lalu poparentana Pue Ala, hai himbela wori kamantahata mohalea pepopeahi-ahi iti. Ratendena i lewuto au rahanga Patmos lawi mopahawena Ngkorana Pue Ala hai mosabina kana i Yesu au kupenombai.

Pampetudungia 2:10

Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.