Suro 16:14 - Sura Malelaha

¹⁴ I olonda towawine iti, ara hadua au rahanga Lidia hangko i wanua Tiatira. Ia, topobalu-balu bana maroa au masuli holona, hai au menomba wori i Pue Ala. Pue Ala mopakanoto laluna, alana modoko apa au napaturoahe Paulu.

Suro 16:14 ပူးပေါင်းရင်းမြစ်များ

Lukasi 24:45

Roo indo, Yesu mobungkahi pekirinda kana i apa au teuki i lalu Sura Malelaha.

Yohane 12:20

Bosa tauna lao i Yerusale menomba i Pue i Alo Posusa Pasa. I olonda tauna iti, ara worihe bahangkia to Yunani.

Suro 10:2

Ia bara to Yahudi, agaiana mengkoru mpuu i Pue Ala, hai ope-ope hantambiana menomba worihe i Pue Ala. Kornelius motulungi liliuhe to Yahudi au meahi-ahi, hai ia mekakae peami i Pue Ala.

Suro 11:21

Kuasana Pue ara hihimbela hai ihira, alana bosa to Antiokia mepoinalai hai meula i Pue Yesu.

Suro 13:43

Roo indo, padumohe hangko i sou penombaa, hai bosa to Yahudi meula i Paulu hai Baranaba. Ara worihe au bara to Yahudi, agaiana au moagama Yahudihe, meulahe irihira. Paulu hai Baranaba mopaturohe bona maroho liliu pepoinalainda i Pue Ala au moweihe katuwo maroa hangko i kabulana laluNa.

Suro 13:50

Agaiana to Yahudi mohuwekihe lalunda totosae au raadai i wanua iti hai towawine au pebuku i wanua iti au mepoinalaihe i Pue Ala, pane mampopeahi-ahihe Baranaba hai Paulu duuna rapopesuwu hangko i wanua Antiokia.

Suro 16:40

Mewali, padu mpuumohe Paulu hai Silas hangko i tarunggu iti lao i souna Lidia. Inditi mampombelambiamohe halalu hampepepoinalainda, hai rapakaroho lalunda. Roo indo, padumohe mopalehi wanua Pilipi.

Suro 18:7

Hai lao mpuumi Paulu i sou au ara i hola sou penombaa. Ampu sou iti, bara to Yahudi, agaiana ia menomba i Pue Ala. Hangana Titius Yustus.

Suro 8:27

Lao mpuumi Pilipu monontohi rara au natudungia Pue. I tempo iti, ara wori hadua to Etiopia au moliu i rara iti mesule lao i boeana. Tauna iti, mapangka lantina lawi ia au mokingki hinangka ihi souna datu towawine i tampo Etiopia. (Datu towawine iti rahanga Kandake.) Karoona to Etiopia iti menomba i Pue Ala i Yerusale, ia mesawimi i kareta au nadii dara hai mesule lao i boeana. Tangana mohuda i lalu karetana, ia mobasa hambua sura au nauki nabi Yesaya hangkoia.

Roma 9:16

Mewali, ane Pue Ala mampeinao motudungia ahiNa i hadua tauna, bara peundeana manusia au mopakanoto iti, bara wori rapakanoto anti babehiana manusia. Pue Ala peari au mopakanoto.

Pilipi 2:13

Lawi Pue Ala au mampopokale lalumi pane niunde moula peundeaNa, hai Ia au moweikau karoho moula peundeaNa.

Pampetudungia 1:11

nauli, “Apa au nuita, nuuki i sura hai nupakatuahe jumaa au pitu ide: Epesu, Smirna, Pergamus, Tiatira, Sardis, Filadelfia hai Laodikia.”

Pampetudungia 3:20

Peita! MeangkaNa i baba hai Kutidongko. Ane ara au mohadi wotuNgku hai nabungkahiaNa, ina mesuaNa i lalu hai maidaNa indo hihimbela hai ia. Ina maandeNa hihimbela hai ia, hai ia wori ina maande hihimbela hai Iko.

Pampetudungia 3:7

Nauli mbuli Pue Yesu iriko, “Nuukimi lolita ide hawe i tadulako au mokadipura jumaa i wanua Filadelfia: Idemi lolitana Pue Yesu au malelaha hai au manoto. Ia au mokingki pegili baba i kadatuana Daudi. Ane Ia au mobungkahi, bara ara au peisa motuko. Ane Ia au motuko, bara ara au peisa mobungkahi.