Suro 15:9 - Sura Malelaha

⁹ Ikita to Yahudi hai au barahe to Yahudi, bara Napopontani Pue Ala. Napamalelaha lalunda lawi mepoinalaihe i Yesu.

Suro 15:9 ပူးပေါင်းရင်းမြစ်များ

Suro 10:15

Nauli mbuli wotu iti i Peturu, “Apa au nauli Pue Ala maroa, inee nuuli kedai moula ada agamamu.”

Suro 10:28

Nauliangaahe Peturu, “Niisato, moula atura agamangki, ikami to Yahudi barangkai rapaliu mampogaloa tauna au barahe to Yahudi ba mesua i lalu sounda. Agaiana ara pampetudungiana Pue Ala iriko inona kaindi au mopakanotoana kadana ara manusia au kedai. Bara ara tauna au palia kipogaloahe.

Suro 10:34

Napepongkami Peturu mololita, nauli, “Ide-ide kuisa mpuumi, Pue Ala bara mampopontani tauna.

Suro 11:12

I tempo iti, Inao Malelaha mouliangaana: ‘Peturu, ineeko mampopontani tauna; peulamide irihira.’ Mewali, lao mpuumona hihimbela hai ihira. Hai ara wori sabingku inde, lawi halalunta hampepepoinalai au inihe ide mamporangaina lao i Kaisarea. Kahawengki i souna Kornelius, mesuamongkai i lalu.

Suro 14:1

Apa au mewali i wanua Antiokia, iti wori au mewali i wanua Ikonium. Nodo au biasa rababehi Paulu hai Baranaba laohe i sou penombaanda to Yahudi mopahawe Ngkora Marasa i tauna au teruhuhe inditi, alana bosahe to Yahudi hai au barahe to Yahudi mepoinalai i Yesu.

Suro 14:27

Kahawenda i Antiokia, rakakiomohe ope-ope topepoinalai i Pue Yesu, hai ratuntuahe apa au Nababehi Pue Ala i polumaonda. Rapololita wori noumba Pue Ala mobungkahiahe rara bona tauna au barahe to Yahudi mepoinalaihe i Yesu.

Roma 3:22

Pue Ala mopamanotoke i peitaNa ane mepoinalaike i Yesu Kerisitu. Iti Nababehi i ope-ope tauna au mepoinalai, barake Napopontani-ntani.

Roma 3:9

Mewali, node: ikita to Yahudi, bara meliu kamaroanta hangko i tauna ntanina. Lawi nodo au kuuli inona, ope-ope tauna batena masala, lawi ikita ope-ope madosamoke, maroa to Yahudi maroa tauna ntanina.

Roma 9:24

Ikita idemi au Napilei molambi pewati iti, hai bara pea to Yahudi, agaiana ara wori au bara to Yahudi.

1 Korintu 7:18

Pandirina, ane hadua to Yahudi mepoinalai i Pue Yesu, ia bara hangangaa mosapuaka katoYahudina. Nodo wori ane hadua tauna au bara to Yahudi mepoinalai i Pue Yesu, ia bara hangangaa ratile mewali nodo to Yahudi.

Galatia 3:28

Pue Ala bara mampopontani tauna maroa to Yahudi ba bara to Yahudi, maroa hawi ba au bara hawi, maroa tobalilo ba towawine; i peitana Pue Ala himbela haha peake anti pohintuwuta hai Kerisitu Yesu.

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

Epesu 3:6

Tunggaia iti iami: tauna au barahe to Yahudi molambi worihe pewatina Pue Ala hihimbela hai to Yahudi. Napopewalimohe Pue Ala hawata-wata hai to Yahudi bona molambi worihe apa au nadandi Pue Ala i ope-ope anaNa. Iti ralambi anti pohintuwunda hai Kerisitu Yesu, lawi mopoinalaihe Ngkora Marasa.

Kolose 3:11

Mewali, anti kaNapopewalintami manusia au wou, barapi ara pontaniana to Yahudi hai au barahe to Yahudi, lawi i peitana Pue Ala, tauna au ratile hai au bara ratile himbela pea. Ia bara mampopontani tauna au mosikola hai au bara mosikola, tuana ba hawi. Kerisitu iami au tepaioru. Ia au tuwo i lalunta ope-ope.

1 Peturu 1:22

Ide-ide, malelahamokau anti pampeulaimi paturo au tou, ido hai niisami mampokaahi halalumi hampepepoinalai i katou-touana. Mewali kuweikau lolita bona mombepokaahikau hadua hai hadua hangko i lalumi mpuu.