Suro 15:32 - Sura Malelaha

³² Hangko inditi, Yudasi hai Silas mahaehe mololita mopaturo halalu hampepepoinalainda hai mohuweki pepoinalainda, lawi ihira iti nabi worihe.

Suro 15:32 ပူးပေါင်းရင်းမြစ်များ

Matiu 23:34

Toiorumi hangkoia mopapatehe bosa tauna au manoto babehianda, mepongka hangko i Habeli hawe i nabi Sakaria anana Berekia au rapapate i tabangaa Souna Pue Ala i olo sou malelaha hai meja pohuwea popenomba. Mewali, ina kutuduhe nabi, tauna au mapande hai guru-guru laohe irikamu au tuwo ide-ide bona mopaturoakau lolitaNgku. Agaiana arahe au ina nipapate, arahe au ina nipaku i kau mombehape, arahe au ina nipapahai i lalu sou penombaami, hai ara worihe au ina niwuwulai i boea ntanina. Kahopoana, ikamu au tuwo ide-ide ina mohalea ope-ope kanawoana toiorumi hangkoia au mopapatehe tauna au manoto.

Lukasi 11:49

Pue Ala moisa kakadakena babehiami. Babehiami iti himbela hai babehianda toiorumi au kadake. Ido hai hangkoia mongkorami Pue Ala node: ‘Ina Kutuduhe nabi-nabi hai suro-suroNgku lao irihira. Hantangahe ina rapapate, hantangahe ina rapopeahi-ahi.’

Suro 11:23

Baranaba iti, tauna au maroa laluna. Ia nakuasai Inao Malelaha hai maroho pepoinalaina. Kahawena Baranaba i Antiokia, matana mpuu laluna, lawi naita kamahilena pewatina Pue Ala irihira au mepoinalai i Yesu. Mewali, Baranaba mopakaroho lalunda, hai nauliangaahe bona mampeulai liliuhe Pue Yesu hangko i lalunda. Ido hai bosa wori to Antiokia mepoinalai i Pue Yesu.

Suro 11:27

I tempo iti, ara worihe bahangkia nabi i Yerusale au lao i wanua Antiokia.

Suro 13:1

I olonda to Sarani i Antiokia, arahe bahangkia nabi hai guru mopahawe Ngkorana Pue, hanganda: Baranaba, Simeo au rakakio Tomaeta, Lukius hangko i Kirene, Menahem (au rapatuwo sambela hai Datu Herode Antipas i temponda mani kokoi), hai Saulu.

Suro 14:22

I ope-ope boea au rapolumaongi, Paulu hai Baranaba mohuweki hai mopakaroho lalunda tauna au mepoinalai i Yesu bona tetida pepoinalainda, rauliangaahe, “Ikita hangangaa molambi ngkaia pakana kapari hangko damanike mesua i lalu poparentana Pue Ala.”

Suro 15:1

Hambela tempo, bahangkia to Yahudi hangko i tampo Yudea au mepoinalai i Pue Yesu laohe i wanua Antiokia. To Yahudi iti mopaturohe to Sarani i Antiokia, rauliangaahe, “Ane barakau ratile moula atura au napahawe Musa, batena barakau ina tehorema hangko i huku dosami!”

Suro 15:22

Roo indo, suronahe Pue Yesu, penatua-penatua hai ope-ope to Sarani au teruhu inditi mopileihe bahangkia ranganda bona ratuduhe lao i Antiokia hihimbela hai Paulu hai Baranaba. Au rapilei iti, rodua tobalilo au rabila halalu hampepepoinalainda, iami Silas, hai Yudasi, au rahanga wori Barsabas.

Suro 15:27

Mewali, ide-ide kitudumohe Yudasi hai Silas lao irikamu bona mopahaweakau apa au hintoto hai ihi surangki ide.

Suro 15:3

Mewali, Paulu hai Baranaba rapopeangkamohe to Sarani i Antiokia hai raporangaihe hawe i raoa wanua. Hangko inditi, molumaomohe lao i Yerusale. I polumaonda iti, moliuhe i tampo Fenisia hai Samaria, hai i polumaoanda, motuntuhe noumba tauna au barahe to Yahudi mepoinalai worihe i Yesu. Bambari iti mopamatana lalunda ope-ope halalu hampepepoinalainda.

Suro 15:31

Karoonda mobasa sura iti, matanamohe lawi tepalindomi lalunda.

Suro 15:41

Paulu hai Silas mampolumaongi tampo Siria hai propinsi Kilikia, mopakaroho lalunda to Sarani au ara inditi.

Suro 18:23

Bahangkia kamahaena hihimbela hai halalu hampepepoinalaina i Antiokia, meangka mbulimi lao i tampo Galatia hai Frigia mopakaroho pepoinalainda tauna au mepoinalai i Pue Yesu.

Suro 2:40

Bara iti pea au nauli Peturu, agaiana ngkaia mani au napololita. Ia mopaturohe tauna bosa hai napopaingaahe, nauli, “Menosomokau! Ineekau mampeulai tauna au kadakehe ide bona datikau molambi pehukuna Pue Ala au ina morumpahe!”

Suro 20:2

I polumaona iti, ia mosondakihe to Sarani, hai napahaweahe ngkaia lolita bona maroho lalunda. Hangko inditi, lao wori i tampo Akaya, tamponda to Yunani,

Roma 12:6

Hadua-haduake molambi kapande au montani-ntani moula apa au nakiraiake Pue Ala i suka kabulana laluNa. Tauna au molambi kapande mopahawe Ngkorana Pue Ala, hangangaa napopolumao mpuu bago iti moula hokana pepoinalaina.

Roma 12:8

Tauna au molambi kapande mopakaroho laluna rangana, hangangaa napopolumao mpuu bago iti. Hema au mokira apa pea i hangka rangana, hangangaa nababehi hangko kabulana laluna. Hema au molambi kapande mewali tadulako, hangangaa mewali mpuu tadulako au madota. Hai hema au molambi kapande motulungi rangana au meahi-ahi, hangangaa natulungihe hangko i laluna au matana.

1 Korintu 1:8

Ia ina mopakaroho pepoinalaimi duuna i kahopoa dunia bona ane Nakahaweikau Amputa Yesu Kerisitu i kahaweNa hule, barapi ara kamasalami.

1 Korintu 14:29

Ane arahe au mopahawe lolita hangko i Pue Ala, agina rodua ba talu peahe au mololita, hai hangangaa arahe tauna ntanina au moparesa lolitanda, ba tou mpuu hangko i Pue Ala ba bara.

1 Korintu 14:3

Agaiana hema au mopahawe lolita hangko i Pue Ala, mopaturohe tauna, lawi lolitanda mopakaroho pepoinalainda ranganda, mohuweki lalunda hai mopalindohe.

1 Korintu 14:32

Tauna au mopahawe lolita hangko i Pue Ala hangangaa peisahe morempeki peundeanda mololita. Hangangaa rabuku mololita hai mengkaroo moula peundeanda.

Epesu 3:5

Hangkoia, tunggaiaNa iti bara mani Napatongawa i manusia. Agaiana tunggaia iti ide-ide napatongawami Inao Malelaha irikami suroNa hai nabi-nabiNa au malelaha.

1 Tesalonika 2:11

Niisami poantiki irikamu ope-ope, nodo hadua uma i anana. Kipakaroho lalumi hai kiweikau lolita,

1 Tesalonika 4:1

Mewali halalu, kiperapi bona nipeulai ope-ope paturo au nihadimi hangko irikami bona babehiami moula peundeana Pue Ala. Katouana, ide-ide maroami babehiami. Agaiana anti kuasa au naweingkai Pue Yesu, kiperapi hai kipari-pariakau bona nitambai mbuli kamaroana babehiami.

1 Tesalonika 5:14

Halalu, kiperapi bona rangami au lohehe mobago niweihe lolita. Nipalindohe au masusa lalunda. Nipakarohohe au malede pepoinalainda, hai hangangaa sabarakau i ope-ope tauna.

1 Tesalonika 5:20

Inee bara nipoinalai lolitana Pue Ala au rapahawe tuduaNa.

2 Tesalonika 3:12

Mewali, hai kuasa au naweingkai Pue Yesu Kerisitu, tauna iti kipopainga hai kipaturohe bona madotahe mobago mohaoki paandenda.

1 Timotiu 2:1

Nguru-nguruna, kuperapi bona ope-ope tauna au mepoinalai i Pue Yesu, moorehe pekakaenda, pamperapinda hai pangulinda ngkaia kamaroana i Pue Ala. Hangangaa mampekakaeake ope-ope tauna,

2 Timotiu 4:2

Hangangaa masilolonga peamoko mopahawe Ngkorana Pue Ala i tempo au maroa ba i tempo mapari. Nukambaroahe au moanti paturo au sala, nukontohe au kadake babehianda, hai nupakaroho lalunda bona maroa babehianda. Hangangaa sabara liliuko mopaguruhe.

1 Peturu 5:1

Ara wori pamperapiku irikamu au mewalikau penatua. Kuukiakau ide lawi iko wori hadua penatua, hai moita matamona kapari au morumpa Kerisitu hangkoia. Hai ane hawe Kerisitu i lalu peawana tuwoNa au ina rapatongawa i ope-ope tauna, ina molambi worina kirangku i lalu peawana tuwoNa iti.

1 Peturu 5:10

Hai ane liumi kapari au hampalai iti, Pue Ala ina mopahandai apa au makura irikamu. Lempona, Ia ina mopakaroho pepoinalaimi, mopamanoto tuwomi hai mopatetida lalumi. Lawi Pue Ala iami pongkana ope-ope ahi. Ia mokakiokau mewali anaNa bona anti pohintuwumi hai Kerisitu, ina molambikau kirami i lalu kamahilena tuwoNa au bara mokahopoa.

1 Peturu 5:12

Surangku au sosoe ide kuuki hai petulungina Silwanus, halalunta hampepepoinalai i Pue Yesu, hai kuisa ia ina mantaha liliu i lalu pepoinalaina. Inona kupahaweakau i kanoto-notoana noumba kamahilena ahina Pue Ala irikita bona maroho lalumi. Hangangaa tetida liliukau i kamaahiNa iti.