Suro 15:31 - Sura Malelaha

³¹ Karoonda mobasa sura iti, matanamohe lawi tepalindomi lalunda.

Suro 15:31 ပူးပေါင်းရင်းမြစ်များ

Suro 15:1

Hambela tempo, bahangkia to Yahudi hangko i tampo Yudea au mepoinalai i Pue Yesu laohe i wanua Antiokia. To Yahudi iti mopaturohe to Sarani i Antiokia, rauliangaahe, “Ane barakau ratile moula atura au napahawe Musa, batena barakau ina tehorema hangko i huku dosami!”

Suro 15:10

Mewali, halalu-halalu, moapari hai nipeinao mopaara karumpuna Pue Ala? Moapa hai nipeinao mopakasusahe hai ngkaia parenta au mapari hai palia au mantimi ntepuu? Mepongka i toiorunta hangkoia hawe irikita ide-ide, bara tabuku mampeulai ope-ope parenta hai palia iti!

Suro 15:30

Karoonda mombetabe, tauna au iba iti rapopeangkamohe lao i wanua Antiokia. Kahawenda i Antiokia, mokakiohe ope-ope topepoinalai i Pue Yesu bona raweihe sura au raanti.

Suro 15:32

Hangko inditi, Yudasi hai Silas mahaehe mololita mopaturo halalu hampepepoinalainda hai mohuweki pepoinalainda, lawi ihira iti nabi worihe.

Suro 16:5

Nodomi popakarohonda pepoinalainda to Sarani, hai kamahae-haea kabosa-bosaami tauna au mepoinalai.

Galatia 5:1

Kerisitu mokabahamoke hangko i Aturana Musa bona tou-tou mpuu tekabahake. Ido hai hangangaa tapatetida lalunta. Ineeke rapohawi hule.

Pilipi 3:3

Katouana ikitami au manoto i peitana Pue Ala lawi menombake Iria moula peninina Inaona haduduaNa, hai matana mpuu lalunta anti pohintuwuta hai Kerisitu Yesu. Barake moharunga ada au raita pea i raoa bona mewalike manoto i peitana Pue Ala.