Suro 15:30 - Sura Malelaha

³⁰ Karoonda mombetabe, tauna au iba iti rapopeangkamohe lao i wanua Antiokia. Kahawenda i Antiokia, mokakiohe ope-ope topepoinalai i Pue Yesu bona raweihe sura au raanti.

Suro 15:30 ပူးပေါင်းရင်းမြစ်များ

Suro 11:19

Mewali, mepongka hangko i karapapatena Setepanu, topepoinalai i Yesu au ara i Yerusale rapopeahi-ahi liliuhe, hai bosahe au melangka lao i boea ntanina. Arahe au hawe i tampo Fenisia, ara worihe au hawe i lewuto Siprus hai i wanua Antiokia. I ope-ope boea au rapolumaongi, mopahawehe Ngkorana Pue Ala i hangka to Yahudinda pea.

Suro 11:20

Ara wori hangko irihira au hangko i lewuto Siprus hai wanua Kirene laohe i wanua Antiokia mobambari Ngkora Marasa kana i Pue Yesu i tauna au barahe to Yahudi.

Suro 11:27

I tempo iti, ara worihe bahangkia nabi i Yerusale au lao i wanua Antiokia.

Suro 15:22

Roo indo, suronahe Pue Yesu, penatua-penatua hai ope-ope to Sarani au teruhu inditi mopileihe bahangkia ranganda bona ratuduhe lao i Antiokia hihimbela hai Paulu hai Baranaba. Au rapilei iti, rodua tobalilo au rabila halalu hampepepoinalainda, iami Silas, hai Yudasi, au rahanga wori Barsabas.

Suro 15:31

Karoonda mobasa sura iti, matanamohe lawi tepalindomi lalunda.

Suro 16:4

Hangko inditi, meangkamohe Paulu, Silas hai Timotiu. I ope-ope boea au rapolumaongi, mopahawe liliuhe i to Sarani pobotusinda surona Pue Yesu hai penatua-penatua i Yerusale, hai mopaturohe bona hinangka hawa au rapakanotomi hangangaa rapeulai.

Suro 21:22

Mewali noumbami? Lawi batena ina rahadi kahawemu inde.

Suro 23:33

Kahawenda i Kaisarea, sura iti raweimi Gubernur, hai rahuhu wori Paulu i kuasana Gubernur.

Suro 6:2

Ido hai, hampulo hai rodua suro iti mokakiohe ope-ope tauna au mepoinalai i Yesu bona teruhuhe, hai rauliangaahe, “Bara maroa ane ikami au mokadipura pokira-kira paande, lawi ane nodo, barapongkai tepaka mobambari Ngkorana Pue Ala.