Suro 15:29 - Sura Malelaha

²⁹ Ineekau moande paande au rapopenomba i anitu. Ineekau maande wahe, hai ineekau maande onto binata au matempudu. Ineekau motambi-tambi dele hai ineekau mebualosi. Ane nipakarao ope-ope babehia ide hangko i katuwomi, handami. Hampa indemi lolitangki.”

Suro 15:29 ပူးပေါင်းရင်းမြစ်များ

Lukasi 9:61

Ara wori hadua au mouliangaa Yesu, “Pue, kuunde mpuu meula Irio. Agaiana Nupaliuna hampai mesule mepalakana i tinangku.”

Suro 15:20

Agina taukiahe hambua sura mopaturohe bona ineehe moande paande au rapopenomba i anitu, ineehe maande wahe hai ineehe maande bau hangko i binata au matempudu. Hai tauliangaa worihe bona ineehe motambi-tambi dele hai ineehe mebualosi.

Suro 21:25

Mewali, itimi paturongki irio, halalu. Agaiana i tauna au barahe to Yahudi au mepoinalai i Yesu, roomohe kipakatua sura mopahaweahe pobotusingki bona ineehe moande paande au rapopenomba i anitu, hai inee worihe maande wahe ba bau au bara mani hampai raingihi wahena, hai bona ineehe mobabehi au merikai.”

Suro 23:30

Roo indo, kuhadi kaarana tunggaianda to Yahudi au kadake iria. Ido hai Paulu kupopeanti irikita, Tua Gubernur. Hai kuuliangaahe iwalina inde, hangangaa laori rasalai i lindomu.”

2 Korintu 11:9

I tempo iti, ara wori kamakurangku, agaiana barana merapi irikamu. Lawi arahe halalunta au hawe hangko i tampo Makedonia moanti doi au mopahandai apa au kuparaluu. Barana merapi apa-apa irikamu bona barakau kupakapari. Hai apa au kubabehi hangkoia, iti au ina kubabehi liliu.

2 Korintu 13:11

Kahopoana halalu, hangangaa matana-tanakau. Nipakaroho peulami i Pue! Nipeulai paturongku! Hangangaa hampepekirikau hai tuwo mohintuwukau. Pue Ala ina mamporangaikau, mampopaitaakau ahiNa, hai moweikau roa ngkatuwo.

1 Timotiu 5:22

Ineeko hoholiga moangka tauna mewali penatua, nuparesa hampai babehianda bona dati oio au mohuru ane mobabehihe dosa. Maroa-roako bona manoto liliu babehiamu.

Yakobu 1:27

Ane mampeinaoke mewali tauna au maroa posaraninta hai au bara ara kamakuranta ba kamasalanta i peitana Pue Ala Umanta, idemi au hangangaa tababehi: motulungike anangkoi au ilu hai tobemba au meahi-ahi tuwonda, hai ineeke moula babehianda tauna au barahe moisa Pue Ala.

1 Yohane 5:21

Anangku, hangangaa menomba peakau i Pue Ala, ineekau menomba i apa pea au ara i dunia ide. Hangko iriko YOHANE

Yudasi 1:24

Toiami Pue Ala au makuasa mokampaikau datikau manawo, hai Iami au mokampaikau bona malelaha liliukau duuna Naantikau lao i lindoNa au buke peawa i lalu katana-tana.

Pampetudungia 2:14

Agaiana ara bahangkia pakana au Kusalaiakau, lawi arakau hanggaa au mampeulai paturona Bileam. Hangkoia Bileam iti mopaguru Balak noumba rara mopakanawo to Isaraeli bona madosahe. Nawawahahe moande paande au rapopenomba i anitu, hai nawawahahe mobabehi au merikai.

Pampetudungia 2:20

Agaiana ara mani au Kusalaiakau. Lawi ara hadua towawine au rahanga Isebel, au mouli kaiana hadua nabi, hai nipogiangaa pea mopaguru tauna au mepoinalai Iriko. Towawine iti mopaturohe mobabehi babehia au merikai hai laohe moande paande au rapopenomba i anitu. Bosa hawiNgku napakanawo hai paturona iti.