Suro 15:25 - Sura Malelaha

²⁵ Ido hai mogombomongkai inde, hai hampepekirimongkai mopilei bahangkia rangangki au kitudu lao irikamu hihimbela hai Baranaba hai Paulu au kipokaahi.

Suro 15:25 ပူးပေါင်းရင်းမြစ်များ

Matiu 11:26

lawi nodomi peundeaMu, Uma.”

Lukasi 1:3

Mewali, karoona kuparesa maroa hinangka au mewali hangko i pepongkana, nauli lalungku agina mouki worina hambua sura bona kupakanotoako tuntukana moula pombeusuna.

Suro 1:14

Hampepekiri liliuhe, moteruhuhe mekakae sambela. Inditi ara wori hihimbela hai ihira, bahangkiahe towawine, tepesua Maria inana Yesu. Inditi ara worihe halaluna Yesu.

Suro 15:2

Agaiana Paulu hai Baranaba, rumihi poewanda paturo iti. Kahopoana, rabotusi bona Paulu, Baranaba, hai bahangkia tauna ntanina au mepoinalai i Yesu lao mopahawe kara-kara iti i surona Pue Yesu hai penatua-penatua i Yerusale.

Suro 15:22

Roo indo, suronahe Pue Yesu, penatua-penatua hai ope-ope to Sarani au teruhu inditi mopileihe bahangkia ranganda bona ratuduhe lao i Antiokia hihimbela hai Paulu hai Baranaba. Au rapilei iti, rodua tobalilo au rabila halalu hampepepoinalainda, iami Silas, hai Yudasi, au rahanga wori Barsabas.

Suro 15:35

Paulu hai Baranaba, mahaehe haodi maida i Antiokia. Ihira hai bosa tauna ntanina mopaturo hai mopahawe Ngkorana Pue i tauna inditi.

Suro 15:6

Ido hai teruhumohe surona Pue Yesu hai penatua-penatua mampohuda-hudaa kara-kara iti.

Suro 2:1

Kahawena alo mahilenda to Yahudi au rahanga Alo Pentakosta, ope-ope tauna au mepoinalai i Yesu moguluhe i hambua paidaa.

Suro 2:46

Alo-alona teruhuhe i Souna Pue Ala. Mokira-kirahe roti anti pokatuinaonda Pue Yesu, hai maande sambelahe i sounda i lalu katana-tana moula kabulana lalunda.

Roma 16:12

Tabeangku wori i Tripena hai Triposa, au mobagohe i Pue Yesu, hai i Persis, au kupokaahi, au mobago mantimi wori i lalu bagona Pue.

1 Korintu 1:10

Halalu, hangko i kuasa au naweina Amputa Yesu Kerisitu, kuperapi bona mohintuwukau ope-ope. Ineekau mopaara posisala. Hangangaa mohintuwukau hai hampepekirikau.

Galatia 2:9

Mewali, Yakobu, Peturu hai Yohane iti, au rauli tadulakonda ope-ope to Sarani i Yerusale, mololitahe rauli, “Tou, Paulu nakakio Pue Yesu mewali suroNa.” Mewali iko hai Baranaba radoko maroangkai. Mombetabemongkai mewali tanda kahintuwungki. I tempo iti, himpudumongkai bona ihira au mopahawe Ngkora Marasa i to Yahudi, hai ikami au mopahawe Ngkora Marasa i tauna au barahe to Yahudi.

Epesu 6:21

Mewali bona niisa noumba katuwongku hai pobagongku, kutudu halalunta Tikikus lao mosondakikau bona napahaweakau hinangka apa au mewali inde. Tikikus iti, iami halalunta hampepepoinalai au tapokaahi, hai au mampopolumao liliu bagona Pue Ala i lalu kamatundu.

Kolose 4:7

Kutudumi halalunta Tikikus lao irikamu bona nauliangaakau apa au mewali iriko inde. Tikikus iti iami halalunta au tapokaahi hai rangangku hampopobago au mampopolumao liliu bagona Pue.

Kolose 4:9

Hihimbela hai Tikikus, kutudu worimi Onesimus, halalu hambomboeami au tapokaahi, hai ia tauna au peisa rapoinalai. Ihira rodua ina mouliangaakau ope-ope au mewali inde.

Pilemo 1:16

Hai Onesimus iti, ineemi nuimba hawimu lawi melumbu tuwona hangko i kahawina. Ide-ide hangangaa nuimbami halalumu hampepepoinalai au nupokaahi. Ane iko maahina iria, apa mani oio. Hangangaa nupokaahi lawi ia hangka manusiamu hai halalumu i lalu Pue Yesu.

2 Peturu 3:15

Hangangaa takatuinao apa tunggaiana kasabarana Pue. Ope-ope tauna naweihe Pue Ala katepaka bona tehoremahe. Paturo ide naukia worikau hadua halalunta au tapokaahi, iami Paulu. Hai apa au nauki Paulu i lalu surana moula kanoto lalu au nakiraia Pue.