Suro 15:24 - Sura Malelaha

²⁴ Ara kihadi bahangkia tauna hangko irikami inde au lao irikamu mopawulikau i lalu pepoinalaimi hai paturonda. Mewali bona niisa: barahe kitudu.

Suro 15:24 ပူးပေါင်းရင်းမြစ်များ

Suro 15:1

Hambela tempo, bahangkia to Yahudi hangko i tampo Yudea au mepoinalai i Pue Yesu laohe i wanua Antiokia. To Yahudi iti mopaturohe to Sarani i Antiokia, rauliangaahe, “Ane barakau ratile moula atura au napahawe Musa, batena barakau ina tehorema hangko i huku dosami!”

Galatia 1:7

Katouana paturo iti bara peisa mopahaweake noumba rara molambi katuwo maroa hangko i Pue Ala, batena pea Ngkora Marasa au kipahaweakau. Ide-ide arahe tauna au hawe i olomi au mopawulikau hai paturonda au sala, tunggaianda mampeinaohe mobaliki Ngkora Marasa kana i Kerisitu.

Galatia 5:10

Nauri nodo, batena pea kupoinalai kadami mampeulai paturo au mepawuli iti, lawi mohintuwumoke hai Pue Yesu. Hai manoto wori iriko, hema pea au mopawulikau hai paturonda, batena nahukuhe Pue Ala.

Galatia 5:12

Aginami tauna au mopawuio pepoinalaimi bara peahe ratile agaiana rabohokilau peami!

Galatia 5:4

Mewali hema pea au mampeulai Aturana Musa bona raimba manoto, lempona mobotuki pohintuwumi hai Kerisitu. Hai barapokau tuwo i lalu kabulana laluNa Pue Ala.

2 Timotiu 2:14

Timotiu! Ope-ope au kuuli ide hangangaa nupopaingaahe to sarani au ara inditi. Nuweihe lolita i lindona Pue Ala bona ineehe mampombehanaingi rara mpoagama. Lawi pombehahanai iti bara mobundu i lalu katuwonta, agaiana mopakarugi pea pepoinalainda tauna au mohadi.

1 Yohane 2:19

Tauna au mampoiwalihe Kerisitu iti arahe i olonta hangkoia, agaiana katouana barahe ranganta. Ido hai padumohe mopatani hangko irikita. Ane rapana tou-tou rangantahe, kemia-miahe taporanga. Agaiana megaakimohe hangko irikita, ido hai manoto kadanda mpuu huba hadua au himbela hai ikita.