Suro 15:2 - Sura Malelaha

² Agaiana Paulu hai Baranaba, rumihi poewanda paturo iti. Kahopoana, rabotusi bona Paulu, Baranaba, hai bahangkia tauna ntanina au mepoinalai i Yesu lao mopahawe kara-kara iti i surona Pue Yesu hai penatua-penatua i Yerusale.

Suro 15:2 ပူးပေါင်းရင်းမြစ်များ

Suro 10:23

Roo indo, Peturu mokontohe tuduana Kornelius mohambengi i souna. Mohambengi mpuumohe inditi. Kahalona madondo, meangkami Peturu meula irihira lao i boea Kaisarea. Hai ara wori bahangkia halalu hampepepoinalaina hangko i Yope au lao sambelahe.

Suro 11:12

I tempo iti, Inao Malelaha mouliangaana: ‘Peturu, ineeko mampopontani tauna; peulamide irihira.’ Mewali, lao mpuumona hihimbela hai ihira. Hai ara wori sabingku inde, lawi halalunta hampepepoinalai au inihe ide mamporangaina lao i Kaisarea. Kahawengki i souna Kornelius, mesuamongkai i lalu.

Suro 11:30

Kateguluna doi iti, motudumohe Baranaba hai Saulu au rapoinalaia moanti doi iti lao i penatua i Yerusale.

Suro 15:25

Ido hai mogombomongkai inde, hai hampepekirimongkai mopilei bahangkia rangangki au kitudu lao irikamu hihimbela hai Baranaba hai Paulu au kipokaahi.

Suro 15:27

Mewali, ide-ide kitudumohe Yudasi hai Silas lao irikamu bona mopahaweakau apa au hintoto hai ihi surangki ide.

Suro 15:4

Kahawenda i Yerusale, radoko maroahe to Sarani hai surona Pue Yesu hai penatua-penatua au ara inditi. Paulu hai Baranaba motuntuahe ope-ope au nababehi Pue Ala i polumaoanda hangkoia mobambari Ngkora Marasa i tamponda tauna au barahe to Yahudi.

Suro 16:4

Hangko inditi, meangkamohe Paulu, Silas hai Timotiu. I ope-ope boea au rapolumaongi, mopahawe liliuhe i to Sarani pobotusinda surona Pue Yesu hai penatua-penatua i Yerusale, hai mopaturohe bona hinangka hawa au rapakanotomi hangangaa rapeulai.

Suro 21:18

Kahalona laomongkai hihimbela hai Paulu mosondaki Yakobu, penatua i Yerusale. Ope-ope tadulako ntanina teruhu worihe hihimbela hai Yakobu.

1 Korintu 1:1

Sura ide hangko iriko Paulu hai hangko i halalu hampepepoinalainta Sostenes, kipakatu irikamu jumaa au ara i wanua Korintu au nakakiokau Pue Ala mewali taunaNa. Iami au mopamalelahakau anti pohintuwumi hai Kerisitu Yesu hihimbela hai ope-ope tauna au maida iumba-umba pea au mepoinalai i Yesu Kerisitu, Pue au rapenombai hai au tapenombai. Iko, naangkana Pue Ala mewali surona Yesu Kerisitu moula peundeaNa.

2 Korintu 11:5

Guru iti mampomahile peahe watanda haduduanda, agaiana kuperapi bona nipeulai paturongku, lawi bara tepaiwoi tuwongku hangko irihira.

Galatia 2:5

Barangkai mengkoru i paturonda au sala iti. Batena mantahangkai bona Ngkora Marasa inee ragalo hai paturonda au sala bona Ngkora Marasa au nidoko iti mia-mia tou.

Yudasi 1:3

Halalu au kupokaahi! Nguru-nguruna au kekuukiakau i sura ide iami kana i katehorema au tahumba sambela hangko i Pue Ala. Agaiana ide-ide, tediimi lalungku mobaliki tunggaiaku au nguru-nguruna. Ide-ide kuukiakau sura ide bona nipakaroho pepoinalaimi i paturo au tou hai bona niewa liliuhe tauna au moanti paturo au sala. Lawi Pue Ala mopahawe paturo au tou irikita ope-ope au mewali kiraNa bona iti au tapoinalai, hai paturo iti bara peisa rabaliki.