Suro 15:10 - Sura Malelaha

¹⁰ Mewali, halalu-halalu, moapari hai nipeinao mopaara karumpuna Pue Ala? Moapa hai nipeinao mopakasusahe hai ngkaia parenta au mapari hai palia au mantimi ntepuu? Mepongka i toiorunta hangkoia hawe irikita ide-ide, bara tabuku mampeulai ope-ope parenta hai palia iti!

Suro 15:10 ပူးပေါင်းရင်းမြစ်များ

Matiu 23:4

Ihira mopahaleangiahe tauna bosa parenta hai ada agama au mantimi, agaiana bara mpuuhe motulungi tauna bosa mampeulai parenta hai ada iti.

Matiu 4:7

Nahanai Yesu, “Agaiana ara wori teuki i lalu Sura Malelaha au manguli node, ‘Ineeko mampetandaka Ampumu, Pue Ala.’ ”

Suro 5:9

Nauli Peturu, “Moapari hai hampepekirikau hamboko i babehiami iti? Ba nipeinao pae mampetandaka Inaona Pue? Peita! Tauna au hangko roohe motawu tobalilomu, oloumohe i baba. Ina rakowa woriko lao ratawu.”

Galatia 4:9

Agaiana ide-ide moisamokau Pue Ala. Moleri Pue Alami au ioru moisakau! Mewali, moapari hai moula hulekau ada hai hinangka kuasa dunia ide? Nipeulai ope-ope ada agama to Yahudi, mokadipurakau alo, wula hai pare au rapakanoto i lalu Aturana Musa. Ada hai atura iti bara mopaara pewati, hai barakau ina tekabaha hangko i dosami anti peulami i atura iti. Mewali, moapari hai nipeulai hule ada iti?

Galatia 5:1

Kerisitu mokabahamoke hangko i Aturana Musa bona tou-tou mpuu tekabahake. Ido hai hangangaa tapatetida lalunta. Ineeke rapohawi hule.

Ibarani 3:9

I tempo iti toiorumi mampetandakaNa, nauri moitamohe hinangka tanda kuasa au Kubabehiahe i lalu iba pulona parena.

Ibarani 9:9

Ope-ope iti mewali ngkora pandiri irikita au tuwoke ide-ide. Lempona: barake peisa mopamalelaha lalunta i peitana Pue Ala i pohuhunta binata hai popenomba ntanina Iria.