Suro 14:15 - Sura Malelaha

¹⁵ “Ee! Apari dide au nibabehi? Ide ikami, manusia biasa pea woringkai nodo ikamu. Maingkai mobambari Ngkora Marasa irikamu bona nikabaha penombami i anitu au bara mobundu hai bona menomba peakau i Pue Ala au tuwo, lawi Iami au mampopewali langi, tampo, tahi hai hinangka ihi dunia.

Suro 14:15 ပူးပေါင်းရင်းမြစ်များ

Matiu 16:16

Nahanai Simo Peturu, nauli, “Oiomi Datu Topehompo, Anana Pue Ala au tuwo.”

Yohane 5:26

Lawi UmaNgku makuasa mopatuwo tauna. Nodo wori Iko, AnaNa, NaweiNa kuasa mopatuwo tauna.

Yohane 7:18

Tauna au mopahawe paturona haduduana, mohaoki pea bona ratoia. Agaiana tauna au mohaoki bona hema au motuduna ratoia, manotomi tauna iti bara modongko.

Suro 10:26

Agaiana nadii hule Peturu hai nauliangaa, “Peangka. Ide iko manusia pea worina himbela hai oio.”

Suro 13:32

Napaliliu Paulu lolitana i to Yahudi i sou penombaa iti, nauliangaahe, “Mewali halalu, ikamimi au mopahaweakau Ngkora Marasa ide. Apa au Nadandi Pue Ala hangkoia i toiorunta, Napopewalimi irikita pemuleanda. Pue Ala mopatuwo hule Yesu hangko i kapate nodo au teuki i lalu Petoia au kadua: ‘Oiomi AnaNgku. Alo ide KupoanamoKo.’

Suro 14:21

I wanua Derbe, Paulu hai Baranaba mopahawe worihe Ngkora Marasa, alana bosa tauna mepoinalai i Yesu. Roo indo, mesulemohe lao i wanua Listra hai i wanua Ikonium, pane liliuhe lao i wanua Antiokia i tampo Pisidia.

Suro 14:7

Inditi mopahawe worihe Ngkora Marasa.

Suro 16:30

Roo indo ia moantihe Paulu hai Silas hai nauliangaahe, “Tua, apami wongkoia au hangangaa kubabehi bona nahoremana Pue Ala?”

Suro 27:10

“Halalu, moula pelambiaku, ina marugike ane tapaliliu polumaonta; ina marugi ntepuuke. Bara pea kapala tahi hai antiata au marugi, agaiana ikita ina mate worike.”

Suro 27:21

Anti kadanapi naita inaonda maande, meangkami Paulu i olonda, nauliangaahe, “Halalu-halalu, ane kenipoinalai lolitangku bona ineeke padu hangko i Kreta, kebarake marugi node.

Suro 27:25

Idomi hai hangangaa nipakaroho lalumi. Lawi kupoinalai mpuu pewalina apa au Nauliangaana Pue Ala.

Suro 4:24

Karahadina ranganda lolitanda iti, mekakae sambelamohe i Pue Ala, rauli, “Pue, Oiomi au mampopewali langi hai tampo, tahi hai hinangka ihina.

Suro 7:26

Kahalona, naita mbuli Musa rodua to Yahudi au mombetie. Anti kanapeinaona mopahintuwuhe, ido hai nauliangaahe: ‘Moapari hai mombetiekau? Ikamu topohalalu.’

1 Korintu 8:4

Mewali, kana i paande au rapopenomba i anitu, niuli peisa raande, lawi taisa kadana ara pue ntanina, batena pea Pue Ala. Hai taisa ope-ope lengge anitu au rapenombai, bara ara au tou.

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

1 Timotiu 3:15

bona ane rapana mahae manina pane hawe irio, nuisa babehia au hintoto i ope-ope taunana Pue Ala. Lawi ikita ide, menombake i Pue Ala au tuwo i hae-haena. Ikita au mokingki paturo au tou au hangko i Pue Ala. Maroho mpuu pepoinalainta i paturo iti, hai takampai paturo iti bona dati ara au mobaliki.

Ibarani 3:12

Halalu! Maroa-roakau, datikau ara au kadake lalumi. Ineekau nodo toiorumi iti au mopalehi pepoinalainda i Pue Ala au tuwo!

Yakobu 5:17

Nikatuinao tuntukana nabi Elia hangkoia. Nabi Elia iti, tauna biasa himbela hai ikita. Ia mekakae hangko i laluna mpuu dati keuda. Hai bara mpuu keuda i lalu talu parena hai ini wulana.

Pampetudungia 14:7

Malaeka iti mololita masisimbuku, nauli, “Mengkorumokau i Pue Ala hai nitoiami peawana tuwoNa. Lawi hawemi tempo pehukuaNa. Menombamokau i Pue Ala au mampopewali langi, tampo, tahi hai ope-ope ulu owai.”

Pampetudungia 19:10

Molingkudumona motumpa i lindona malaeka iti menombana iria, agaiana nauliangaana, “Inee! Ineeko menomba iriko. Batena pea Pue Ala au hintoto nupenombai. Lawi ide iko, hawina pea worina Pue Ala himbela hai oio hai ope-ope halalumu au mopangaku kaYesuna au rapenombai. Lawi tunggaiana ope-ope lolitangku ide bona mosabiki kaYesuna Datu Topehompo.”

Pampetudungia 19:19

Roo iti, kuitami binata au kadake, hai datu-datu i dunia hai ope-ope surodadonda, mogulumohe bona mampombealaahe Topesawi i dara au bula hihimbela hai surodadoNa.

Pampetudungia 22:9

Agaiana nakontona, nauli, “Inee! Ineeko menomba iriko. Batena pea Pue Ala au hintoto nupenombai. Lawi ide iko, hawina pea worina Pue Ala himbela hai oio hai hangka nabimu hai ope-ope tauna au mampeulai apa au teuki i lalu sura ide.”

Pampetudungia 4:11

“Ampuki, Pue Ala! Oiomi au hintoto ratoia hai rabila. Oio pea au makuasa! Lawi Oio au mampopewali hinangkana. Anti peundeaMu, Nupopewali hai Nupatuwo hinangkana au ara.”