Suro 13:52 - Sura Malelaha

⁵² Topepoinalai i Pue Yesu i Antiokia, nakuasaimohe Inao Malelaha hai matana mpuu lalunda.

Suro 13:52 ပူးပေါင်းရင်းမြစ်များ

Matiu 5:12

Nabi-nabi au hangkoia, rapopeahi-ahi worihe. Mewali, nipamatana lalumi, lawi mahile hurungina au ina nihumba i lalu suruga.”

Suro 11:29

Karahadina to Sarani i Antiokia bambari iti, hintuwumohe motulungi halalu hampepepoinalainda i tampo Yudea. Ido hai mokiramohe doinda moula pesauruanda hadua-hadua.

Suro 2:4

Roo indo, ope-ope tauna iti nakuasaimohe Inao Malelaha, hai mepongkamohe mololita i lalu ngkaia pakana basa au bara mani raisa, moula apa au napakanotoahe Inao Malelaha.

Suro 2:46

Alo-alona teruhuhe i Souna Pue Ala. Mokira-kirahe roti anti pokatuinaonda Pue Yesu, hai maande sambelahe i sounda i lalu katana-tana moula kabulana lalunda.

Suro 4:31

Karoonda mekakae, modua-duami sou au rapaidai, hai nakuasaimohe Inao Malelaha. Ido hai bai mpuumohe mopahawe Ngkorana Pue Ala i tauna bosa.

Suro 5:41

Padumohe suro iti mopalehi poteruhuanda. Matana mpuu lalunda, lawi Naweihe Pue Ala katepaka rapopeahi-ahi hai rakakabosai anti peulanda i Yesu.

Roma 14:17

Lawi i lalu poparentana Pue Ala, bara ada mpaande ba paenu au mewali patoana i peitana Pue Ala. Patoana iami lalunta au manoto, pohintuwuta hai ranganta, hai katana lalu au naweike Inao Malelaha.

Roma 15:13

Taperapi Pue Ala, peharunganta, moweikau katana hai roa ngkatuwo i lalu pepoinalaimi i Pue Yesu, bona kamaroho-rohoa peharungami Iria anti kuasana Inao Malelaha.

Roma 5:3

Hai bara iti pea, matana worike i lalu kapari au morumpake, lawi taisa hangko i kapari iti, meguruke bona mantaha.

2 Korintu 8:2

Molambihe pekelo hai kapari au mantimi mpuu. Agaiana i lalu kaparinda iti, matanahe. Hai nauri meahi-ahi mpuu tuwonda, mahile ahinda mogulu doi rapopotulungi ranganda.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

1 Tesalonika 1:6

Hai ikamu halalu, kamohadimi Ngkora Marasa iti, nipeulaimi poantiki hai poantina Pue Yesu. Lawi nauri rumihi karapopeahi-ahimi, matana liliu lalumi modoko Ngkora Marasa. Kamatanami iti naweikau Inao Malelaha.

Yakobu 1:2

Halalungku ope-ope! Ane narumpake mampopengaa kapari hai pekelo, inee masusa lalunta. Aginari tapokatana.

1 Peturu 4:13

Aginari nipokatana, lawi molambimokau kirami i lalu kapari au morumpa Kerisitu. Ido hai halalu, ane hawe tempona Kerisitu mopatongawa peawana tuwoNa i ope-ope tauna, ina matana mpuukau.