Suro 12:19 - Sura Malelaha

¹⁹ Herode mohaoki Peturu, agaiana bara nalambi. Ido hai Herode motudu tauna bona surodadonahe au mokampai Peturu raparesa hai rapapatehe. Roo indo, Herode padu hangko i tampo Yudea lao maida i wanua Kaisarea.

Suro 12:19 ပူးပေါင်းရင်းမြစ်များ

Matiu 2:1

I tempona Datu Herode moparenta, Yesu rapoanaka i boea Beteleme i tampo Yudea. I tempo iti, arahe bahangkia tauna au hawe i Yerusale hangko i tamponda au karao ntanda i Mata alo. To Mata alo iti mapandehe mampeita tanda i betue.

Matiu 2:13

I pesulenda to Mata alo, mampatongawa mbulimi malaekana Pue i Yusupu i lalu pangipina. Nauli malaeka iti, “Yusupu! Herode mohaoki Anangkoi iti lawi napeinao napapate. Mearomoko, antimide Anangkoi iti hai inana lao i tampo Masiri! Maidamokau hampai inditi duuna mololita mbulina irikamu.”

Matiu 2:16

Kanaisana Herode karaakalangina to Mata alo, rumihi ntepuu karumpuna. Ido hai napohawaami surodadona lao mopapate ope-ope anangkoi tobalilo i Beteleme hai i boea au hungku inditi bona Anangkoi au ina mewali datu kana wori rapapate. Naisa mpuu Herode impira pesupana betue iti, lawi napekune hangkoia i to Mata alo. Ido hai natuduhe bona ope-ope anangkoi tobalilo i Beteleme rapapate, mepongka i analei au hangko rapoanaka hawe i anangkoi au romparemi tinuwunda.

Suro 12:18

Kahalona madondo, mewalimi hambua posisala i olonda surodado topekampai. Wulihe kana i apa au mewali i Peturu.

Suro 12:4

Mohaka mpuumohe Peturu, hai ratarunggu. Iba tobuna surodado rapohawaa mekampai, hantobu-hantobu ibahe. Tunggaiana Herode bona kara-karana Peturu rapohuda-hudaa i lindonda tauna bosa ane liumi Posusa Pasa.

Suro 12:6

I wengi hangko damani naanti Herode i lindona tauna bosa, Peturu maturu rapaitangai rodua surodado. Taiena rataka hai rante. Ara wori surodado ntanina au mokampai baba tarunggu.

Suro 16:27

Tingkarami kapala tarunggu hai mearo, hai naita ope-ope baba tebungkahimi. Nawukami pihona ina menoo, lawi napehangu melangkamohe ope-ope tauna au ratarunggu.

Suro 21:8

Kahalona, meangka mbulimongkai lao i wanua Kaisarea. Inditi maidangkai i souna Pilipu. Pilipu iti, hadua topobambari Ngkora Marasa, hai ia wori hadua hangko i tauna au pitu au rapilei i Yerusale hangkoia modurei surona Pue.

Suro 25:13

Bahangkia alona hangko inditi, laomohe Datu Agripa hai Bernike adina i wanua Kaisarea mampombelambia Festus anti karaangkana mewali gubernur.

Suro 27:42

Tempo iti, arami tunggaianda surodado mopapate ope-ope tauna au rataha bona datihe ara au monangu lao i lore hai melangka.

Suro 8:40

Hai i tempo iti, Pilipu bila-bila mesupami i boea Asdod, hai mesulemi lao i wanua Kaisarea. I tanga rara, Pilipu mobambari liliu Ngkora Marasa i ope-ope boea au napoliungi.