Suro 12:17 - Sura Malelaha

¹⁷ Hangko inditi, Peturu moangka taiena mopakandiihe, hai natuntuamohe noumba kanapopesuwuna Pue hangko i lalu tarunggu. Napahopomi Peturu lolitana hai naperapi, nauli, “Apa au mewali iti, nipahawe wori i Yakobu hai i halalunta hampepepoinalai au ntanina.” Roo indo, meangkami Peturu lao i paidaa ntanina.

Suro 12:17 ပူးပေါင်းရင်းမြစ်များ

Matiu 10:23

Ane rapopeahi-ahikau i boea au hambua, padukau lao i boea hambuana. Bona niisa, Kuuliangaakau, hangko damanikau roo mobambari Ngkora Marasa i humalele tamponda to Isaraeli, Iko, Ana Manusia, ina hawe.

Markus 6:3

Ia ide basi pea, anana Maria. HalaluNa iamohe: Yakobu, Yoses, Yuda hai Simo. HalaluNa towawine, ara worihe hihimbela hai ikita inde.” Ido hai barahe mepoinalai i Yesu.

Lukasi 1:22

Pesuwuna Sakaria i raoa, ia barapi peisa mololita, mekawe-kawe pearai. Ido hai tongawami i tauna bosa, ara au napetudungia Pue Ala i lalu SouNa.

Yohane 10:40

Hangko indo, meangka mbulimi Yesu lao ntanda i orupena owai Yarade i periuana Yohane hangkoia, hai maida inditi.

Yohane 11:54

Ido hai Yesu barapi mampatongawa i olonda to Yahudi bona datipi raita tauna bosa. Padumi Yesu hangko inditi lao i boea au rahanga Epraim i wiwi pada wungi. Maidami inditi hihimbela hai topeguruNa.

Yohane 13:24

Simo Peturu mokinde tauna iti, nauliangaa, “Nupekune i Guru, ba hema au Natunggai.”

Yohane 7:1

Roo indo, Yesu lao i humalele tampo Galilea. Barapi mau lao i tampo Yudea, lawi arahe tadulakonda to Yahudi inditi au mampeinao mopapate.

Yohane 8:59

Karahadina to Yahudi lolitaNa iti, motimamohe watu rapeinao mowatui Yesu. Agaiana Yesu padu ngkandii hangko i Souna Pue Ala hai barapi raita.

Suro 1:15

Hambela tempo, tauna au teruhu ba aratohe pae hangatu rompulo. I tempo iti, meangkami Peturu mololita i olonda halalu hampepepoinalaina, nauli,

Suro 12:16

Mewali, tangana Rode lao i lalu sou, Peturu motidongko liliu babaka. Roo indo, rabungkahia mpuumi baba, hai moitamohe Peturu, mewali tingkara mpuuhe.

Suro 12:18

Kahalona madondo, mewalimi hambua posisala i olonda surodado topekampai. Wulihe kana i apa au mewali i Peturu.

Suro 13:16

Meangkami Paulu hai moangka taiena, mopakandiihe, nauli, “Halalungku to Yahudi, hai ikamu wori au barakau to Yahudi au menombakau i Pue Ala: nipehadingi lolitangku mopatuntu lolitakana toiorunta hangkoia.

Suro 15:13

Karoonda Baranaba hai Paulu mololita, Yakobu mopahawe wori lolitana, nauli, “Halalu-halalu, nipehadingi lolitangku.

Suro 16:40

Mewali, padu mpuumohe Paulu hai Silas hangko i tarunggu iti lao i souna Lidia. Inditi mampombelambiamohe halalu hampepepoinalainda, hai rapakaroho lalunda. Roo indo, padumohe mopalehi wanua Pilipi.

Suro 19:33

Arahe au manguli hadua to Yahudi au rahanga Aleksander au mewali pongkana posisalanda, lawi ia au ratudu to Yahudi meangka mopahawe lolita i tauna bosa. Ido hai Aleksander moangkami taiena mopakandiihe, lawi mampeinao mohowara notona.

Suro 21:18

Kahalona laomongkai hihimbela hai Paulu mosondaki Yakobu, penatua i Yerusale. Ope-ope tadulako ntanina teruhu worihe hihimbela hai Yakobu.

Suro 21:40

Mewali, raweimi Paulu tempo bona mololita. Ido hai meangkami Paulu i tuka moona taiena mopakandii tauna bosa. Mandiimohe, mepongkami Paulu mololita i lalu basanda to Yahudi.

Suro 28:15

I tanga rara maningkai, halalu hampepepoinalaingki au i Roma mohadihe kaina hawengki. Ido hai maimohe mepohidupaa i Pobalu-balua au rahanga Apius hai i Sou Pehupea Talu. I pohidupangki iti, Paulu motoiami Pue Ala, hai rapamatana laluna.

1 Korintu 15:7

Roo indo, mopatongawa mbulimi watana i Yakobu adiNa, hai i ope-ope suroNa.

Galatia 1:19

Tempo iti, kupohidupaa wori Yakobu halalu ntepuuna Pue Yesu. Agaiana surona Pue Yesu au ntanina, barahe kuita.

Galatia 2:12

Nguru-nguruna ia bara mampopontani to Yahudi hai tauna au barahe to Yahudi, lawi ia biasa maande hihimbela hai halaluna hampepepoinalai au barahe to Yahudi. Agaiana i kahawenda bahangkia rangana Yakobu hangko i Yerusale, Peturu mokaraohihe halaluna hampepepoinalai au bara to Yahudi. Kahopoana, barapi mau maande hihimbela hai ihira, lawi langa rasalai to Yahudi au hangko hawehe.

Galatia 2:9

Mewali, Yakobu, Peturu hai Yohane iti, au rauli tadulakonda ope-ope to Sarani i Yerusale, mololitahe rauli, “Tou, Paulu nakakio Pue Yesu mewali suroNa.” Mewali iko hai Baranaba radoko maroangkai. Mombetabemongkai mewali tanda kahintuwungki. I tempo iti, himpudumongkai bona ihira au mopahawe Ngkora Marasa i to Yahudi, hai ikami au mopahawe Ngkora Marasa i tauna au barahe to Yahudi.

Yakobu 1:1

Tabea hangko iriko, Yakobu, hawinana Pue Ala hai Pue Yesu Kerisitu. Sura ide kupakatuakau to Isaraeli au hampulo hai rontina au mahawukau i humalele dunia.