Suro 11:30 - Sura Malelaha

³⁰ Kateguluna doi iti, motudumohe Baranaba hai Saulu au rapoinalaia moanti doi iti lao i penatua i Yerusale.

Suro 11:30 ပူးပေါင်းရင်းမြစ်များ

Suro 12:1

I tempo iti, Datu Herode Agripa mepongka mampopeahi-ahi bahangkia tauna au mepoinalai i Pue Yesu.

Suro 12:25

Roomi bagonda Baranaba hai Saulu i Yerusale, mesulemohe lao i Antiokia, hai Yohane au rauli wori Markus raanti hihimbela hai ihira.

Suro 14:23

I polumaonda iti, Paulu hai Baranaba mopilei hai moangkahe penatua i boea-boeana. Mopuasa hai mekakaehe, merapihe bona nakadipurahe Pue lawi Ia pea peharunganda.

Suro 15:2

Agaiana Paulu hai Baranaba, rumihi poewanda paturo iti. Kahopoana, rabotusi bona Paulu, Baranaba, hai bahangkia tauna ntanina au mepoinalai i Yesu lao mopahawe kara-kara iti i surona Pue Yesu hai penatua-penatua i Yerusale.

Suro 15:23

I lalu sura iti, teuki node: “Ikami, surona Pue Yesu hai penatua-penatua hahalalumi hampepepoinalai au arangkai inde, mopakatungkai sura ide irikamu halalu hampepepoinalaingki au barakau to Yahudi i wanua Antiokia hai humalele Siria, hai i propinsi Kilikia. Tabea!

Suro 15:4

Kahawenda i Yerusale, radoko maroahe to Sarani hai surona Pue Yesu hai penatua-penatua au ara inditi. Paulu hai Baranaba motuntuahe ope-ope au nababehi Pue Ala i polumaoanda hangkoia mobambari Ngkora Marasa i tamponda tauna au barahe to Yahudi.

Suro 15:6

Ido hai teruhumohe surona Pue Yesu hai penatua-penatua mampohuda-hudaa kara-kara iti.

Suro 16:4

Hangko inditi, meangkamohe Paulu, Silas hai Timotiu. I ope-ope boea au rapolumaongi, mopahawe liliuhe i to Sarani pobotusinda surona Pue Yesu hai penatua-penatua i Yerusale, hai mopaturohe bona hinangka hawa au rapakanotomi hangangaa rapeulai.

Suro 20:17

Hangko i Miletus, Paulu mopakatu bambari lao i Epesu bona penatua au ara inditi maihe mampohidupaa.

Suro 21:18

Kahalona laomongkai hihimbela hai Paulu mosondaki Yakobu, penatua i Yerusale. Ope-ope tadulako ntanina teruhu worihe hihimbela hai Yakobu.

Suro 4:36

Nodo wori au nababehi Yusupu. I pampobaluna tampona, holona nahuhuahe surona Pue Yesu. Yusupu iti iami hadua pemuleana Lewi au maida i lewuto Siprus. Suronahe Pue Yesu mohanga wori Yusupu iti, Baranaba, lempona topepalindo.

1 Timotiu 4:14

Ineeko mokabaha bagomu au hangangaa nupopolumao moula kapande au naweiko Inao Malelaha. Kapande iti raweiko i temponda penatua moona taienda hangkoia i tanoanamu mopahawe lolita hangko i Pue Ala kana irio.

1 Timotiu 5:17

Penatua au maroa pobagonda, hintoto mpuuhe rawei peadai au rombela hangko i tauna ntanina, pelumbunami penatua au mepaturo hai au mopahawe Ngkorana Pue.

1 Timotiu 5:19

Ane ara hadua penatua au rasalai tauna, inee hoholiga nudoko pesalainda. Ane arami rodua ba talu sabi au mopakanoto katouna kamasalana, hangko peisari nudoko.

Titu 1:5

Titu, anangku, kupopaida liliuko i Kreta bona mourusiko pobagonta au bara mani roo. Mewali, nodo au roomoko kuhawaa, hangangaa nuangka tauna i ope-ope wanua au peisa motadulakoi to Sarani inditi.

Yakobu 5:14

Ane ara au mahai, maroa ane mokakiokau penatua, bona penatua iti peisahe mampekakaea hai morirohi tomahai iti hai lana i lalu hangana Pue.

1 Peturu 5:1

Ara wori pamperapiku irikamu au mewalikau penatua. Kuukiakau ide lawi iko wori hadua penatua, hai moita matamona kapari au morumpa Kerisitu hangkoia. Hai ane hawe Kerisitu i lalu peawana tuwoNa au ina rapatongawa i ope-ope tauna, ina molambi worina kirangku i lalu peawana tuwoNa iti.

2 Yohane 1:1

Sura ide hangko iriko Tosaenda to Sarani, kupakatu irio Ina, au napileiko Pue Ala, hai i ope-opehe anamu au tou-tou mpuuhe kupokaahi. Bara pea iko au mampokaahikau, agaiana ope-ope worihe tauna au moisa paturo au tou mampokaahikau.

3 Yohane 1:1

Sura ide hangko iriko, Tosaenda to Sarani, kupakatu irio Gayu, rangangku au tou-tou mpuuko kupokaahi.