Suro 11:27 - Sura Malelaha

²⁷ I tempo iti, ara worihe bahangkia nabi i Yerusale au lao i wanua Antiokia.

Suro 11:27 ပူးပေါင်းရင်းမြစ်များ

Matiu 23:34

Toiorumi hangkoia mopapatehe bosa tauna au manoto babehianda, mepongka hangko i Habeli hawe i nabi Sakaria anana Berekia au rapapate i tabangaa Souna Pue Ala i olo sou malelaha hai meja pohuwea popenomba. Mewali, ina kutuduhe nabi, tauna au mapande hai guru-guru laohe irikamu au tuwo ide-ide bona mopaturoakau lolitaNgku. Agaiana arahe au ina nipapate, arahe au ina nipaku i kau mombehape, arahe au ina nipapahai i lalu sou penombaami, hai ara worihe au ina niwuwulai i boea ntanina. Kahopoana, ikamu au tuwo ide-ide ina mohalea ope-ope kanawoana toiorumi hangkoia au mopapatehe tauna au manoto.

Lukasi 11:49

Pue Ala moisa kakadakena babehiami. Babehiami iti himbela hai babehianda toiorumi au kadake. Ido hai hangkoia mongkorami Pue Ala node: ‘Ina Kutuduhe nabi-nabi hai suro-suroNgku lao irihira. Hantangahe ina rapapate, hantangahe ina rapopeahi-ahi.’

Suro 11:20

Ara wori hangko irihira au hangko i lewuto Siprus hai wanua Kirene laohe i wanua Antiokia mobambari Ngkora Marasa kana i Pue Yesu i tauna au barahe to Yahudi.

Suro 11:22

Apa au mewali i Antiokia rahadi wori topepoinalai i Yerusale. Ido hai motuduhe Baranaba lao i Antiokia.

Suro 13:1

I olonda to Sarani i Antiokia, arahe bahangkia nabi hai guru mopahawe Ngkorana Pue, hanganda: Baranaba, Simeo au rakakio Tomaeta, Lukius hangko i Kirene, Menahem (au rapatuwo sambela hai Datu Herode Antipas i temponda mani kokoi), hai Saulu.

Suro 14:26

Hangko i wanua Atalia iti, mesawimohe i kapala tahi mesule lao i wanua Antiokia i tampo Siria. I wanua itimi pepongkana polumaonda mobambari Ngkora Marasa, au hangko roo rapobago iti. [I pepongkana polumaonda iti hangkoia, to Sarani au nguru-nguruna i wanua Antiokia mampekakaengaahe hai merapihe bona Pue Ala mokadipura Paulu hai Baranaba hangko i kabulana laluNa, tanganda mampopolumao bago iti].

Suro 15:22

Roo indo, suronahe Pue Yesu, penatua-penatua hai ope-ope to Sarani au teruhu inditi mopileihe bahangkia ranganda bona ratuduhe lao i Antiokia hihimbela hai Paulu hai Baranaba. Au rapilei iti, rodua tobalilo au rabila halalu hampepepoinalainda, iami Silas, hai Yudasi, au rahanga wori Barsabas.

Suro 15:30

Karoonda mombetabe, tauna au iba iti rapopeangkamohe lao i wanua Antiokia. Kahawenda i Antiokia, mokakiohe ope-ope topepoinalai i Pue Yesu bona raweihe sura au raanti.

Suro 15:32

Hangko inditi, Yudasi hai Silas mahaehe mololita mopaturo halalu hampepepoinalainda hai mohuweki pepoinalainda, lawi ihira iti nabi worihe.

Suro 18:22

Kahawena i wanua Kaisarea, laomi Paulu i Yerusale motabe to Sarani au ara inditi, hangko laori i wanua Antiokia i tampo Siria.

Suro 2:17

Nauli Pue Ala: ‘I alo-alo kahopoa dunia, Ope-ope tauna ina Kukiraiahe inaoNgku. Anami tobalilo hai anami towawine ina mohowara lolitaNgku. Anantomoanemi ina moita apa au Kupopaitaahe. Tosaemi ina Kuweihe pangipi.

Suro 21:4

Inditi, mosondakingkai to Sarani hai maidangkai irihira haminggu kamahaena. Anti peninina Inao Malelaha, rangangki i Tirus mampopaingaa Paulu bona inee lao i Yerusale.

Suro 21:9

Ara anana iba towawine bara manihe motambi, ope-opehe mewali nabi to Sarani.

Suro 6:5

Ope-opehe mampokana lolitanda suro iti. Ido hai rapileimi Setepanu lawi ia mepoinalai mpuu i Pue Yesu hai nakuasai Inao Malelaha. Rapilei worihe: Pilipu, Prokorus, Nikanor, Timon, Parmenas hai Nikolaus to Antiokia. (Nikolaus iti, bara to Yahudi, agaiana mesuami agama Yahudi.)

1 Korintu 12:10

I tohaduana, Nawei kapande mobabehi tanda kuasa; i tohaduana, Nawei kapande mopahawe lolita hangko i Pue Ala. I hadua wori, Nawei kapande mampopontani apa au hangko i Inao Malelaha hai apa au bara hangko i Inao Malelaha. I tauna ntanina, Nawei kapande mololita i lalu basa au hangko i Inao Malelaha. Hai i hadua wori, Nawei kapande mopalimba lempona basa iti bona raisa hangka rangana.

1 Korintu 12:28

Hai irikita au mepoinalai, Pue Ala mopakanotomi bona hadua-hadua ara bagona, kaisa arahe au mewali suroNa, kadua arahe au mopahawe NgkoraNa, hai katalu arahe au mepaturo. Ara worihe au Nawei kuasa mobabehi tanda kuasa. Arahe au Nawei kuasa mepakaoha, arahe au molambi kapande motulungi hangka ranganda, arahe au mewali tadulako, arahe au molambi kapande mololita i lalu basa au hangko i Inao Malelaha.

1 Korintu 14:32

Tauna au mopahawe lolita hangko i Pue Ala hangangaa peisahe morempeki peundeanda mololita. Hangangaa rabuku mololita hai mengkaroo moula peundeanda.

Galatia 2:11

Hambela tempo, i kahawena Peturu i wanua Antiokia, barana tontoa mokambaroa. Lawi masala mpuu babehiana i tempo iti.

Epesu 4:11

Iami au mokira-kira pewati i ope-ope tauna au mepoinalai Iria: arahe au Napopewali suroNa, arahe au Napopewali nabi mopahawe lolitaNa, hai ara worihe au Napopewali topobambari Ngkora Marasa, guru jumaa, hai guru agama.