Suro 11:26 - Sura Malelaha

²⁶ Kanalambina, naporangami lao i Antiokia hai maidahe inditi hampare kamahaena. Teruhuhe inditi hihimbela hai tauna au mepoinalai i Yesu, hai mopaturohe tauna bosa. Inditimi nguru-nguruna, tauna au mepoinalai i Yesu rauli to Sarani.

Suro 11:26 ပူးပေါင်းရင်းမြစ်များ

Matiu 28:19

Mewali, laomokau i humalele dunia, nipopewalihe ope-ope tauna topeulaNgku, niriuhe i lalu hangana Uma hai Ana hai Inao Malelaha

Yohane 2:2

Yesu hai topeguruNa rakakio worihe lao i posusa iti.

Suro 1:15

Hambela tempo, tauna au teruhu ba aratohe pae hangatu rompulo. I tempo iti, meangkami Peturu mololita i olonda halalu hampepepoinalaina, nauli,

Suro 11:20

Ara wori hangko irihira au hangko i lewuto Siprus hai wanua Kirene laohe i wanua Antiokia mobambari Ngkora Marasa kana i Pue Yesu i tauna au barahe to Yahudi.

Suro 11:22

Apa au mewali i Antiokia rahadi wori topepoinalai i Yerusale. Ido hai motuduhe Baranaba lao i Antiokia.

Suro 11:27

I tempo iti, ara worihe bahangkia nabi i Yerusale au lao i wanua Antiokia.

Suro 11:29

Karahadina to Sarani i Antiokia bambari iti, hintuwumohe motulungi halalu hampepepoinalainda i tampo Yudea. Ido hai mokiramohe doinda moula pesauruanda hadua-hadua.

Suro 14:20

Agaiana tanganda to Sarani i wanua Listra meangka motoleliki Paulu, unga pea Paulu mearo, hai liliu mesua i lalu wanua. Kahalona, laomohe Paulu hai Baranaba i wanua Derbe.

Suro 14:22

I ope-ope boea au rapolumaongi, Paulu hai Baranaba mohuweki hai mopakaroho lalunda tauna au mepoinalai i Yesu bona tetida pepoinalainda, rauliangaahe, “Ikita hangangaa molambi ngkaia pakana kapari hangko damanike mesua i lalu poparentana Pue Ala.”

Suro 14:23

I polumaonda iti, Paulu hai Baranaba mopilei hai moangkahe penatua i boea-boeana. Mopuasa hai mekakaehe, merapihe bona nakadipurahe Pue lawi Ia pea peharunganda.

Suro 14:27

Kahawenda i Antiokia, rakakiomohe ope-ope topepoinalai i Pue Yesu, hai ratuntuahe apa au Nababehi Pue Ala i polumaonda. Rapololita wori noumba Pue Ala mobungkahiahe rara bona tauna au barahe to Yahudi mepoinalaihe i Yesu.

Suro 14:28

Roo indo, Paulu hai Baranaba maidahe mahae haodi i wanua iti hihimbela hai tauna au mepoinalai i Yesu.

Suro 18:27

Roo indo, Apolo moliwo lao i tampo Akaya. Ia ratulungi halalu hampepepoinalaina i Epesu mopakatuhe sura i hangka to Saraninda i Akaya bona modoko maroahe Apolo. Mewali, kahawena Apolo i Akaya, paturona moanti ngkaia pewati i ope-ope tauna au mepoinalaihe i Pue Yesu anti kabulana laluna Pue Ala irihira.

Suro 19:9

Agaiana ara bahangkia tauna au matua lalunda au bara raunde mepoinalai. I lindonda tauna bosa, mosapuakahe Paturona Pue Yesu. Ido hai napalehimohe Paulu lao hihimbela hai bahangkia to Sarani i paidaa pepaguruana Tiranus. Paidaa iti mahile hai paka raposikolai. Alo-alona Paulu mepaturo inditi.

Suro 20:1

Karoona posisisala i Epesu, Paulu moguluhe tauna au mepoinalai i Yesu hai napakaroho lalunda. Roo indo, mepalakanami hai mopaliliumi polumaona lao i tampo Makedonia.

Suro 20:30

Mainga-ingakau lawi ara worihe i olonta au ina mopawuli tauna au mepoinalai i Yesu bona raantihe i rara au mepakanawo. Nikatuinao, halalu, i lalu talu parena, barana mengkaroo mopaturokau hadua-hadua, maroa mabaa maroa kaindi, hai bosa wori belana tudo owai matangku moteriahikau.

Suro 21:4

Inditi, mosondakingkai to Sarani hai maidangkai irihira haminggu kamahaena. Anti peninina Inao Malelaha, rangangki i Tirus mampopaingaa Paulu bona inee lao i Yerusale.

Suro 26:28

Nahanai Datu Agripa nauli, “Nupehangu pae, holi-holi pewalingku to Sarani.”

Suro 6:1

Kamahae-haea katetetambaiami tauna au meula i Yesu. I tempo iti, ope-ope tauna au mepoinalai i Yesu, to Yahudi peahe, agaiana hanggaahe mobasa Yunani, hai hanggaa worihe mobasa Yahudi. Au mobasa Yunani, mohume-humehe mosalai ranganda au mobasa Yahudi, rauli, “Tobemba towawine au ara irikami barahe molambi kiranda hangko i apa au rakira-kira alo-alona i topeahi-ahi.”

Suro 6:5

Ope-opehe mampokana lolitanda suro iti. Ido hai rapileimi Setepanu lawi ia mepoinalai mpuu i Pue Yesu hai nakuasai Inao Malelaha. Rapilei worihe: Pilipu, Prokorus, Nikanor, Timon, Parmenas hai Nikolaus to Antiokia. (Nikolaus iti, bara to Yahudi, agaiana mesuami agama Yahudi.)

Suro 9:19

Roo nodo, maandemi, hai maroho hulemi watana. Bahangkia alona kamahaena, Saulu maida i wanua Damsik hihimbela hai topepoinalai i Yesu.

Suro 9:38

Lawi wanua Yope bara karao hangko i wanua Lida, ido hai topepoinalai i Yope mohadihe kaarana Peturu i wanua Lida. Ratudumi rodua tauna lao i Peturu merapi bona hoholiga mai i Yope.

1 Korintu 11:18

Nguru-nguruna, kuhadi bambari au manguli, ane moteruhukau maminggu, ara posisalami hadua hai hadua. Hai kupekiri bambari iti hangangaa tou!

1 Korintu 12:12

Ikita au mepoinalai i Kerisitu peisa rapandiri nodo wata tauna. Ane wata tauna hambua pea, agaiana ngkaia ngaana. Nauri ngkaia ngaana, ope-ope ngaa iti mewali pea hambua wata.

1 Korintu 14:23

Nauri nodo, ane arahe tauna au bara to Sarani ba au bara mani moisa Ngkorana Pue Ala hai laohe maminggu i boeami, apa au ina rauli ane ikamu ope-ope mololita i lalu basa au hangko i Inao Malelaha? Manoto ina rauli magilakau.

1 Korintu 4:17

Mewali, kutudumi Timotiu lao mampohidupaakau. Timotiu iti mampopolumao liliu bagona Pue, hai kuimbami anangku au kupokaahi. Ane hawe irikamu, ia ina mampopaingaakau noumba peulangku i Kerisitu hintoto hai paturo au kupahawe i ope-ope to Sarani i boea-boeana.

Epesu 3:15

Iami pongkana hinangka au ara, maroa i dunia maroa i suruga.

Yakobu 2:7

Bara pae ihirami au mopapakoi hangana Pue Yesu au tebila hai au mewali Amputa?

1 Peturu 4:14

Morasikau, halalu, ane rakakabosaikau anti peulami i Kerisitu, lawi Inao Malelaha au meawa au hangko i Pue Ala maida liliu i lalumi.

1 Peturu 4:16

Agaiana ane rapopeahi-ahikau anti katoSaranimi, inee nipokaea. Niuli ngkaia kamaroana i Pue Ala lawi ikamu au rauli topeulana Kerisitu.

1 Yohane 2:27

Agaiana halalu, modokomokau Inao Malelaha hangko i Kerisitu, hai Inao iti ara liliu i lalumi. Barapokau paraluu rapaguru tauna ntanina, lawi Inao Malelaha iti au mopagurukau i hinangkana. Ope-ope paturoNa tou, bara dongko. Mewali, mohintuwu liliumokau hai Kerisitu moula apa au Napaturoakau.

Pampetudungia 3:18

Ido hai Kuweikau lolita ide: niholomi Iriko bulawa au rapamalelahami i api. Niholo wori Iriko hampi au bula bona mebadukau hai tetabungi eami. Hai niholo wori Iriko pakuli nipoporirohi matami bona meitakau. Ane nodo, ina pebukukau i pepoinalaimi.