Suro 10:39 - Sura Malelaha

³⁹ Ikami ide tuduaNa au moita mata ope-ope au Nababehi i tamponda to Yahudi tepesua i wanua Yerusale. Kahopoana, Yesu iti rapaku i kau mombehape hawe mate.

Suro 10:39 ပူးပေါင်းရင်းမြစ်များ

Lukasi 1:2

Au rauki i lalu suranda iami au rapahaweamoke tauna au moita mata apa au mewali hangko i nguru-nguruna, hai tauna iti mewalihe topobambari Ngkora Marasa.

Lukasi 24:48

Ikamumi au mewali sabiNgku lawi niita matami ope-ope au mewali ide.

Yohane 15:27

Hai ikamu wori hangangaa mewali sabiNgku, lawi ikamumi au hihimbela hai Iko hangko i pepongkana bagoNgku i dunia ide.”

Suro 1:8

Agaiana ina nilambi kuasa ane mendaulu mai Inao Malelaha irikamu. Hai ikamu, ina mewalikau sabiNgku i Yerusale, i humalele tampo Yudea hai Samaria, hawe-hawe i humalele dunia.”

Suro 10:41

Agaiana Yesu bara tongawa i ope-ope tauna, batena pea irikami au napilei amimongkai Pue Ala mewali sabiNa. Hai i katuwona hule Yesu, maenu hai maande sambelangkai hai Ia.

Suro 13:31

Roo indo, i lalu bahangkia alona, Yesu mopatongawa wataNa i tauna au meula Iria mepongka i Galilea hawe-hawe i Yerusale. Ihira itimi au mewali sabiNa i ope-ope to Yahudi hai au mopahawehe kaYesuna mpuu Datu Topehompo.”

Suro 2:32

Yesumi au natunggai Daudi i lolitana iti. Lawi Iami au napatuwo hule Pue Ala. Ikami ide mewali sabiNa, lawi kiita mata katuwoNa hule.

Suro 4:10

Mewali bona niisa, hai bona raisa wori ope-ope halalunta to Yahudi, tauna ide maoha hai nabuku meangka inde anti kuasana Yesu Kerisitu to Nasare. Yesu iti nipaku i kau mombehape, agaiana Pue Ala mopatuwo hule.

Suro 7:52

Toiorumi mampopeahi-ahimohe nabi-nabi hangkoia; ihira mopapatehe tuduana Pue Ala au mobambari kaina hawena hadua Tuduana Pue Ala au Manoto. TuduaNa au Manoto iti ide-ide nisapuaka hai nipapatemi.

Galatia 3:13

Ikita ope-ope hintoto napaharara Pue Ala, lawi moliungike Aturana Musa. Agaiana nauri nodo, Nakabahamoke Kerisitu hangko i pepaharara iti. Teuki i lalu Sura Malelaha hangkoia node: “Ane ara tauna au rapapate i kau mombehape, manoto tauna iti harara i Pue Ala.” Mewali, kapatena Kerisitu i kau mombehape, mopahuruke molambi pepaharara hangko i Pue Ala au katouana hangangaa morumpake.

1 Peturu 2:24

Yesu haduduana mohalea huku dosanta i karapapateNa i kau mombehape bona tekabahake hangko i kuasa dosa hai tuwoke moula peundeana Pue Ala. KapateNa iti moanti katuwo maroa irikita.