Suro 10:38 - Sura Malelaha

³⁸ Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Suro 10:38 ပူးပေါင်းရင်းမြစ်များ

Matiu 12:15

Naisa Yesu kaarana tunggaianda toParisi au kadake Iria. Ido hai padumi hangko inditi, hai bosa tauna meula Iria. Ia mopakaoha ope-ope tauna au mahai,

Matiu 12:28

MampopelohoNa seta mopake kuasana Inaona Pue Ala. Itimi au mopakanoto kahawenami poparentana Pue Ala i olomi.

Matiu 9:19

Laomi Yesu meula i tauna iti, hai topeguruNa meula worihe.

Matiu 9:35

Nodomi Yesu mampolumaongi boea-boeana. Ia mepaturo i sou penombaa, mopahawe Ngkora Marasa kana i poparentana Pue Ala. Napakaoha wori ope-ope tauna au mahai hai au bara masilolonga watanda.

Markus 6:6

Tingkara mpuu Yesu moita kadanda mepoinalai Iria. Roo indo, laomi Yesu molumaohi boea-boea au hungku inditi hai mopaguru tauna.

Lukasi 3:22

hai Inao Malelaha nodo tadasi manggebodo mendaulu Iria. Hai ara hambua wotu hangko i suruga au manguli, “Oiomi AnaNgku au Kupokakaia hai Kupokatana.”

Lukasi 4:18

“Inaona Pue Ala mendaulu Iriko, lawi Ikomi au Napakanoto mobambari Ngkora Marasa i tauna au meahi-ahi tuwonda. NatuduNa mopahawe i toratawani kaina rakabahanda, hai mouliangaahe tobilo kaina meitanda. NatuduNa mokabahahe au rapohawi,

Lukasi 9:42

Tangana mani anangkoi iti molumao monontohi Yesu, madungka mbulimi hai morada-rada anti kanapesuangina seta. Agaiana Yesu mokambaroa tokadake iti, alana anangkoi iti maoha. Roo indo, nauli Yesu i umana, “Maimide ala ide anamu. Maohami.”

Lukasi 9:56

Roo indo, liliumohe lao i boea ntanina.

Yohane 10:32

Nauliangaahe Yesu, “Ngkaiami bago maroa au Kutudungiamokau, au Kubabehi moula hawana UmaNgku. Hangko i ope-ope bagoNgku iti, umba au mewali pongkana pane nipeinaoNa nipapate?”

Yohane 16:32

Nikatuinao! Ina hawe tempona hai katouana hawemi tempo iti, ina nipalehina melangkakau hadua-hadua lao i soumi. Katouana bara haduduaNgku, lawi naporangaiNa UmaNgku.

Yohane 3:2

Hambela tempo, kaindi, ia mai mampohidupaa Yesu, hai mololita nauli, “Guru, kiisa Oio hadua guru au natuduKo mai Pue Ala, lawi bara ara tauna au peisa mobabehi tanda kuasa nodo au Nubabehi, ane bara naporangai Pue Ala.”

Yohane 3:34

Lawi Iami au natudu Pue Ala mohowara NgkoraNa, hai Pue Ala mowei Inao Malelaha Iria au bara ara hokana.

Yohane 6:27

Ineekau mobago mohaoki paande au hampalai pea kaopena hai au polo mawai. Agaiana mobagokau mohaoki paande au bara peisa mawai hai au moweikau katuwo maroa au bara mokahopoa. Iko Ana Manusia au ina moweikau paande iti, lawi Ikomi au Napilei Pue Ala hai au Napokatana.”

Suro 10:37

Niisa wori apa au mewali i humalele tamponda to Yahudi mepongka i Galilea i karoona Yohane moriu tauna bosa au menosohe hangko i dosanda.

Suro 2:22

Hai napaliliu mbuli Peturu lolitana, nauli, “Halalungku to Yahudi! Nipehadingi apa au kuuliangaakau ide. Au kutunggai iami Yesu to Nasare. Ia pea au napilei hai napakanoto Pue Ala mewali TopobagoNa au Malelaha. Iti niisa lawi anti kuasana Pue Ala, Pue Yesu mobabehi ngkaia tanda kuasa hai tanda au metingkarai i olomi.

Ibarani 1:9

MoundeKo kanoto hai mokahihiKo dake. Idomi hai natawiKo Pue Ala au Nupenombai, hai lana tanda kaNapileiMu, au melumbu hangko i himadaMuhe.”

1 Peturu 5:8

Hangangaa manoto pekirimi hai mainga-ingakau! Lawi Datu Tokadake au mewali iwalimi molulumao nodo hambaa singa au melolo-lolo mohahaoki tauna au ina nahaka. Hangko pelolonato, melangakimi.

1 Yohane 2:20

Agaiana ikamu halalu, nidokomi Inao Malelaha au hangko i Kerisitu. Ido hai pane moisamokau ope-ope paturo au tou.

1 Yohane 3:8

Tauna au mobabehi liliu dosa, napoanahe Datu Tokadake. Lawi Datu Tokadake madosami hangko i nguru-nguruna. Mewali, tunggaiana Anana Pue Ala mai i dunia bona mogero bagona Datu Tokadake iti.