Suro 1:5 - Sura Malelaha

⁵ Lawi Yohane meriu hai owai. Agaiana bahangkia mani alona, ikamu ina rariu hai Inao Malelaha.”

Suro 1:5 ပူးပေါင်းရင်းမြစ်များ

Matiu 3:11

Nauli mbuli Yohane, “Kuriukau hai owai, tanda pampenosoimimi dosami. Agaiana ina hawe hadua tauna au meliu kuasaNa hangko iriko. Mogalori mowosui peana kandupaNa, barana hintoto. Ia au ina moriukau hai Inao Malelaha hai api.

Matiu 3:6

Maihe mopangaku dosanda, hai nariuhe i owai Yarade.

Markus 1:8

Kuriukau hai owai, agaiana Ia ina moriukau hai Inao Malelaha.”

Lukasi 3:16

Mololitami Yohane, nauli, “Ane iko, kuriu peakau hai owai. Agaiana ara hadua au ina mai au meliu kuasaNa hangko iriko. Mogalorina mokakahi pekapu kandupaNa, barana hintoto. Ia au ina moriukau hai Inao Malelaha hai api.

Yohane 1:26

Nauli Yohane, “Iko moriu tauna hai owai pea. Ide-ide arami hadua i olomi, agaiana bara mani niisa.

Yohane 1:31

Nguru-nguruna, bara mani wori kuisa kaIanami Datu Topehompo. Agaiana idemi tunggaiaku, maina moriuhe to Isaraeli hai owai bona tongawa irihira kahemana Datu Topehompo iti.”

Suro 10:45

Tingkaramohe ope-ope to Yahudi au mepoinalai i Yesu, au naporangahe Peturu hangko i Yope, lawi tauna au barahe to Yahudi molambi worihe Inao Malelaha.

Suro 19:4

Hangko inditi, nauliangaahe Paulu, “Periuna Yohane iami tanda pampenosointa dosanta. Agaiana i tempona Yohane meriu, ia mopahawe i to Yahudi bona mepoinalaihe i tauna au ina hawe i bokona, au rahanga Yesu.”

1 Korintu 12:13

Nodo wori ikita. Ikita ope-ope mewali nodo hambua wata, lawi rariuke ope-ope hai Inao Malelaha au hadua pea. Ikita ope-ope molambi Inao Malelaha au himbela, maroa to Yahudi ba au bara to Yahudi, maroa au hawi tuwonda ba au bara hawi.

Titu 3:5

Moapari hai Nahoremake hangko i huku dosanta? Ba Nahoremake lawi manoto babehianta? Bara. Nahoremake anti kamaahina laluNa. Yesu Kerisitu mate mohuru dosanta, mewali Datu Topehoremanta. Ido hai pane Pue Ala moweike Inao Malelaha au mokale i lalunta. Anti kuasana Inao Malelaha iti, Nabahoimoke hangko i dosanta, Napopewalike anaNa haduduaNa, hai Naweike katuwo au wou.