Roma 9:22 - Sura Malelaha

²² Nodo wori Pue Ala makuasa mobabehi apa peundeaNa irikita tauna. Katouana, ara tauna kadake au hintoto mpuu napokarumpu Pue Ala bona tongawa kuasaNa. Hintoto mpuuhe rahuku hawe i hae-haena, agaiana nauri nodo, sabara mani Pue Ala i tauna iti.

Roma 9:22 ပူးပေါင်းရင်းမြစ်များ

Roma 1:18

Hangko i suruga Pue Ala mopatongawa karumpuNa i ope-ope tauna au madosa, maroa i pekirinda ba i babehianda au kadake, lawi hinangka babehia kadake ina mohomboki tauna mampeulai paturo au manoto kana i Pue Ala.

Roma 9:17

Nikatuinao wori lolitana Pue Ala i Pirao, datunda to Masiri hangkoia, au manguli, “Kupopewaliko datu agaiana hampaka pea tunggaiaKu iami bona hangko i pesapuakamu, Kupatongawa kuasaNgku, alana hangaNgku rapomahile i humalele dunia.”

Roma 9:20

Inee tauli nodo, halalu! Hemake pae manusia hai pebaike mosalai Pue Ala? Hintoto pae ane haogu kori mouliangaa topobabehi, “Moapari hai nubabehina node?”

Roma 9:21

Topobabehi kori iti peisa moula peundeana haduduana. Hangko i hangkamumua tampo polo, ia peisa mobabehi roogu kori; haogu au nabati hai haogu au napake alo-alona.

1 Tesalonika 2:16

Lawi mohomboki liliuhe rarangki bona datingkai mopahawe Ngkora Marasa i tauna au barahe to Yahudi au peisa mohoremahe hangko i dosanda. Mewali, anti ope-ope babehianda au kadake, melumbu mpuumi dosanda, hai molambihe karumpuna Pue Ala.

1 Tesalonika 5:9

Napileike Pue Ala bona barake rahuku, agaiana Napileike bona molambike katuwo maroa i lalu kaNahoremanta Amputa Yesu Kerisitu.

2 Timotiu 2:20

I lalu sou au meawa, ara ngkaia pakana parewa. Ara parewa au rababehi hangko i bulawa hai salaka. Ara wori au rababehi pea hangko i kau ba tampo polo. Au maroa, rapake modoko torare au rabila. Hai au bara maroa, rapake alo-alona.

1 Peturu 2:8

Tehubehe Iria, lawi barahe mampoinalai Ngkorana Pue Ala. Iti mewali moula apa au napakanotoamohe Pue Ala.

1 Peturu 3:20

Ihira iti ratarunggu anti pesapuakanda i Pue Ala hangkoia i tempona mani Noho tuwo. Tongawami kasabarana Pue Ala, lawi Ia mampegia katebalikina lalunda tangana Noho mobabehi duanga mahile. Agaiana kahopoana, Pue Ala molaboa dunia hai owai. Ualu peahe tauna au mesua i lalu duanga mahile hai au Nahorema hangko i kapate.

2 Peturu 2:3

Guru au mepakanawo iti mohaoki peahe doi, mewali ina rapahaweakau lolita au rababehi haduduanda bona molambihe rasi hangko irikamu. Agaiana ara pehuku au mahaemi napasilolongaahe Pue Ala, hai karahukunda iti ina holiga mewali.

2 Peturu 2:9

Mewali, hangko i ope-ope pandiri au kupahawe inona, tongawami kuasana Pue Ala motulungi tauna au menomba Iria datihe napakanawo pekelo. Hai tongawa wori kuasaNa mohuku ope-ope tauna duuna hawe alo pebotusi.

2 Peturu 3:15

Hangangaa takatuinao apa tunggaiana kasabarana Pue. Ope-ope tauna naweihe Pue Ala katepaka bona tehoremahe. Paturo ide naukia worikau hadua halalunta au tapokaahi, iami Paulu. Hai apa au nauki Paulu i lalu surana moula kanoto lalu au nakiraia Pue.

Yudasi 1:4

Kuuli ope-ope ide lawi arahe guru agama au mesua i olomi au moantihe paturo au sala. Tauna iti mangulihe, kaihiranami halalunta hampepepoinalai, agaiana katouana barahe mengkoru i Pue Ala. Rauli wori, peisatoke mampeulai peundeana lalunta au kadake, lawi Pue Ala maahi laluNa. Paturo iti kadake, lawi mobalikihe paturo au tou kana i kabulana laluna Pue Ala, hai mosapuakahe Datunta hai Amputa, Yesu Kerisitu. Ia pea au hintoto tapengkorui. Guru au mepakanawohe iti, ina rahukuhe, lawi hangkoia ara mpuuhe nabi au mampololita kana i hukuanda au napakanotoahe Pue Ala.