Roma 8:36 - Sura Malelaha

³⁶ I lalu dunia ide, batena narumpake kapari, nodo au teuki i lalu Sura Malelaha hangkoia: “Anti kaOiona, rapopara peamongkai rapapate nodomongkai dimba au ina rasambale.”

Roma 8:36 ပူးပေါင်းရင်းမြစ်များ

Yohane 16:2

Ina rawurakau hangko i sou penombaa. Hai bara iti pea, agaiana hambela tempo ane tauna mopapatekau, ina rauli, itimi peundeana Pue Ala.

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

Suro 8:32

Idemi lolita au nabasa hangko i Surana Nabi Yesaya, “Ia nodo hambaa dimba au raanti lao rasambale. Ia nodo hambaa ana dimba au ragundi wuluna agaiana bara mobee-bee; mandii-ndii pea.

1 Korintu 15:30

Ikami ide rapopeahi-ahi liliungkai anti pobagongki mobambari Ngkora Marasa. Agaiana ane tomate bara ina rapatuwo hule, apa bunduna hinangkana au kitodiha iti?

1 Korintu 15:31

Alo-alona molindona kapate anti pobagongku mopahawe Ngkora Marasa. Tou mpuu lolitangku ide, hai matana mpuu lalungku anti kaikamuna halalu, lawi mepoinalaikau i Amputa Kerisitu Yesu.

1 Korintu 4:9

Agaiana, moula pelambiaku, ikami surona Pue Yesu napopewalimongkai Pue Ala tauna au meahi-ahi tuwona hangko i ope-ope tauna. Ikami rapahimbela hai tauna au ina rahuku mate i lindonda tauna bosa. Tepaiwoi tuwongki i lindonda manusia hai malaeka.

2 Korintu 1:9

Pehadingki nodomongkai au rahuku mate. Agaiana narumpangkai kapari iti bona datingkai meharunga i rohongki haduduangki, agaiana meharunga peangkai i Pue Ala, lawi Iami au mopatuwo tomate.

2 Korintu 11:23

Rauli, ihira topobagona Kerisitu, apa mani iko! (Mololitana nodo tauna au barapi manoto pekirina.) Meliu pobagongku hangko i pobagonda. Bahangkiami belangku ratarunggu, meliu hangko irihira! Rumihi karapopeahi-ahingku, meliu hangko irihira! Bosami belangku kemate.

2 Korintu 6:9

Barangkai rahaile hanggaa tauna agaiana hanggaa tauna mopakahile hangangki. Mapari katuwongki. Raawunga peamongkai rapapate, agaiana tuwoto maningkai! Rapapahaimongkai, agaiana bara mani woringkai rapapate.

Pilipi 3:10

Kupeinao moisa ntepuu Kerisitu i lalu katuwongku, bona mohadiana kuasaNa i lalu katuwongku, iami kuasa au mopatuwo hule Yesu hangko i kapate. Kupeinao molambi kapari hai kapate, nodo au Nahumba Yesu,