Roma 8:30 - Sura Malelaha

³⁰ Mewali ikita au Napileimoke Pue Ala hangko i nguru-nguruna, Nakakioke bona mewalike anaNa. Hai ikita au Nakakioke mewali anaNa, Napakanotomoke i peitaNa. Hai au Napakanotomoke i peitaNa, Naweike katuwo mahile i alo au ina mai.

Roma 8:30 ပူးပေါင်းရင်းမြစ်များ

Yohane 17:22

Kuweimohe peawa au NuweiNa bona mewalihe hampepekiri, nodo Ikita hampepekiriKe.

Yohane 17:24

Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.

Yohane 5:24

Tou mpuu lolitaNgku ide: hema-hema au mampehadingi lolitaNgku hai mepoinalai i Pue Ala au motuduNa, molambihe katuwo maroa au bara mokahopoa. Barahe ina rahuku anti dosanda. Tekabahamohe hangko i kapate, hai molambihe katuwo.

Roma 1:6

Nodo wori ikamu to Sarani au i Roma, au kabosana barakau to Yahudi, Nakakio worikau Pue Ala mewali kirana Yesu Kerisitu.

Roma 11:29

Lawi ane Pue Ala mopilei hai mowati tauna, pewatiNa iti bara ina Nadii hule.

Roma 8:1

Mewali, ide-ide barapi ara pehuku irikita au mohintuwumoke hai Kerisitu Yesu.

Roma 8:21

Nauri nodo, ara mani peharungana dunia ide, lawi i hambela tempo, Pue Ala ina mokabaha dunia ide hangko i dake duuna barapi ara kapari, haki hai kapate. I tempo iti, dunia ide ina molambi katuwo mahile hihimbela hai ikita, ananake Pue Ala.

Roma 8:28

Taisami ide-ide Pue Ala mobago wori i paka-pakana bona mopaara roa ngkatuwo i ope-ope tauna au mampokaahi Pue Ala, iami i tauna au Nakakio hintoto hai tunggaiaNa.

1 Korintu 1:9

Pue Ala mokakiokau bona mohintuwukau hai AnaNa, Yesu Kerisitu Amputa, hai Ia mopabukei liliu dandiNa irikita.

1 Korintu 2:7

Au kipahaweakau, iami kapande au hangko i Pue Ala. Mopahawengkai tunggaiana Pue Ala moweike katuwo au meawa i alo au ina mai. TunggaiaNa iti, bara mani raisa tauna hangkoia. Agaiana hangko damani dunia ide rapopewali, Pue Ala mopakanoto amimi kaina Naweinta katuwo au meawa iti.

1 Korintu 6:11

Halalu, arakau au nodo babehiami hangkoia. Agaiana Napamalelahamokau Pue Ala hai Napopewalimokau taunaNa. Napamanotomokau i peitaNa anti pohintuwumi hai Pue Yesu Kerisitu hai anti kuasana Inaona Pue Ala Amputa.

2 Korintu 4:17

Kapari au kipolumaongi ide-ide bara hanoumba hai hampalai pea, hai ane mantahangkai ina molambingkai katuwo maroa au bara mokahopoa. Peawana katuwo au ina kilambi iti melumbu kamahilena hangko i kapari au kihampei ide-ide.

Galatia 1:15

Agaiana anti kabulana laluNa Pue Ala, hangko damanina rapoanaka, Napileimona bona mewalina SuroNa.

Galatia 1:6

Kupotingkara mpuu halalu! Bara manikau mahae nakakio Pue Ala anti kabulana laluna Kerisitu bona mampoinalaikau Ngkora Marasa. Agaiana ide-ide barapokau mengkoru i Pue Ala, moularikau paturo au ntanina.

Galatia 5:8

Manotomi, halalu, paturonda iti bara hangko i Pue Ala au mokakioke mewali taunaNa.

Epesu 1:11

Pue Ala mobabehi hinangkana moula peundeaNa hai pobotusiNa haduduaNa. Napileimoke hai Napakanotomi kaikitana au mewali taunaNa anti pohintuwuta hai Kerisitu.

Epesu 1:5

Anti kamaahina laluNa irikita, Napakanoto amimi kaNaangkata mewali anaNa. Naangkamoke mewali anaNa anti kanahoremanta Yesu Kerisitu, lawi itimi au Natunggai hai au Napokatana.

Epesu 2:6

Anti pohintuwuta hai Kerisitu Yesu, Napatuwo hulemoke Pue Ala hihimbela hai Yesu, bona moparenta sambelake hai Ia i lalu suruga.

Epesu 3:11

Pue Ala mobabehi ope-ope iti moula tunggaiaNa au Napakanotomi hangko damani dunia rapopewali, hai tunggaiaNa iti Napopewali i lalu watana Kerisitu Yesu Amputa.

Epesu 4:4

Ikita ope-ope au mepoinalai i Yesu Kerisitu, nodo peake hawata-wata, hai hadua pea Inao Malelaha au mampaidaike. Hai himbela wori peharunganta ope-ope, lawi nakakiomoke Pue Ala mewali anaNa.

1 Tesalonika 2:12

bona babehiami moula peundeana Pue Ala. Lawi Pue Ala mokakiokau mewali taunaNa i lalu poparentaNa bona molambikau kirami i lalu peawana tuwoNa.

2 Timotiu 2:11

Tou mpuu lolita kana i Yesu au manguli node: Ane mateke hihimbela hai Ia, ina tuwo worike hihimbela hai Ia.

Ibarani 9:15

Anti popenombaNa au bara ara kamakuraNa, Kerisitu mewali Nente au mopahawe podandi au wou, au mopahintuwu manusia hai Pue Ala. Iti Nababehi bona ope-ope tauna au nakakio Pue Ala molambi pewati au bara mokahopoa moula apa au nadandiahe Pue Ala i anaNa. Lawi i tempona mani ara podandi au nguru-nguruna au napahawe Musa, manusia moliungi Aturana Pue Ala. Ido hai Kerisitu mate mohompo peliunginda iti.

1 Peturu 2:9

Agaiana ikamu, halalu, napileimokau Pue Ala au mampopewalikau nodo tadulako mpenomba au mampopolumao bago mpenomba i Datunta. Napatanikau mewali kiraNa hai taunaNa au malelaha. Pue Ala mopileikau hai mokakiokau hangko i kamakaindi mesua i lalu kamabaaNa au merae ntepuu bona mopahawekau bagoNa au maroa i ope-ope tauna.

1 Peturu 3:9

Ane ara tauna au mobabehi dake irikamu, inee nihurungi. Ane rakakabosaikau, inee worihe nikakabosai. Agina babehianda au kadake iti nihurungi hai pekakae au mamperapiahe pewati hangko i Pue Ala. Lawi Pue Ala mokakiokau mewali taunaNa bona molambikau pewati hangko Iria.

1 Peturu 5:10

Hai ane liumi kapari au hampalai iti, Pue Ala ina mopahandai apa au makura irikamu. Lempona, Ia ina mopakaroho pepoinalaimi, mopamanoto tuwomi hai mopatetida lalumi. Lawi Pue Ala iami pongkana ope-ope ahi. Ia mokakiokau mewali anaNa bona anti pohintuwumi hai Kerisitu, ina molambikau kirami i lalu kamahilena tuwoNa au bara mokahopoa.

2 Peturu 1:10

Mewali halalu, lawi Napileimokau Pue Ala hai Nakakiomokau mewali taunaNa, hangangaa nipari-pari moula Pue Ala bona tongawa kaNapileimi hai kaNakakiomimi. Lawi ane nitambai pepoinalaimi hai babehia au kuuli inona, barakau ina manawo.

Pampetudungia 17:14

Ina mampombealaa Ana Dimba. Agaiana ina nanangihe Ana Dimba iti, lawi iami Pue hangko i ope-ope pue hai Datu hangko i ope-ope datu. Ana Dimba iti ina raporangai taunaNa au Nakakio hai au Napilei, hai au meula liliuhe Iria.”

Pampetudungia 19:9

Hangko indo, malaeka iti mouliangaana, “Nuuki node: morasihe tauna au rakakio lao i posusa petauna Ana Dimba.” Hai nauli mbuli, “Idemi lolitana Pue Ala, hai batena tou.”