Roma 8:26 - Sura Malelaha

²⁶ Nodo wori, Inao Malelaha motulungike i lalu kamaledenta. Lawi bara mpuu taisa apa au hangangaa tauli i lalu pekakaenta. Agaiana Inao Malelaha mamporangaike mohowara perapinta i Pue Ala au melumbu hangko i pebukuanta mohowara.

Roma 8:26 ပူးပေါင်းရင်းမြစ်များ

Matiu 10:20

Mewali, apa au niuli i tempo iti, bara hangko i pekirimi. Lolitami iti ina mesuwu hangko i Inao Malelaha au Naweikau Umami au ara i suruga. Iami au ina mopakanotoakau apa au niuli i tempomi mololita.

Matiu 20:22

Nauliangaahe Yesu, “Bara niisa apa au niperapi? Nibuku pae mohalea kapari au hangangaa Kuhalea?” Rahanai topeguruNa au rodua iti, “Kibuku!”

Lukasi 22:44

Mapari mpuu Nahadi, ido hai napari-pari mekakae. Anti kamasusana laluNa, tumbumi siwuniaNa nodo wahe mougu-ogu tudo i tampo.]

Yohane 14:16

Ina kuperapi i UmaNgku bona Naweikau hadua Topetulungi au ntanina bona Ia mamporangaikau hawe i hae-haena.

Roma 15:1

Ikita au marohomi pepoinalainta i Pue Ala, hangangaa sabarake i kabata-batana lalunda ranganta au bara mani maroho pepoinalainda. Inee peake mohaoki kamatananta haduduanta.

Roma 7:24

Mewali, i pekiringku kuunde mpuu mampeulai Aturana Pue Ala, agaiana batengku madosa liliu anti peundeana lalungku au kadake, alana hintotona rahuku mate hai ragaakina hangko i Pue Ala. Meahi-ahi mpuuna dide! Hema wongkoia au ina mohoremana hangko i rugingku ide? Kuuli ngkaia kamaroana i Pue Ala lawi Iami au mohoremana hangko i rugingku ide anti petanga-tangaina Yesu Kerisitu, Amputa!

Roma 8:15

Hangkoia, nodoke hawi, lawi langake i pehukuna Pue Ala. Agaiana ide-ide, anti polambitami Inao Malelaha, barapoke langa. Lawi Inao Malelaha itimi au mampopewalike anana Pue Ala. Hai anti pokalena Inao Malelaha, baimoke mokakio Pue Ala, “Uma!”

2 Korintu 5:2

Tanganta mani tuwo i dunia ide, mantodihake lawi mampeinaoke molambi paidaa au wou i suruga.

2 Korintu 5:4

Lawi tanganta mani tuwo i dunia ide, mantodihake lawi mantimi haleanta. Agaiana bara taunde mopalehi watanta ide. Bara taunde mate, agaiana taunde bona watanta ide liliu rapahuru hai wata au bara mokahopoa.

Galatia 4:6

Mewali, anti kanapoananta Pue Ala, Ia motudumi Inaona AnaNa maida i lalunta. Anti pobagona Inao Malelaha iti i lalunta, ido hai peisake mokakio Pue Ala, “Uma!”

Epesu 2:18

I lalu pohintuwuta hai Kerisitu, peisake hungku i Pue Ala Umanta, maroa ikami to Yahudi, maroa ikamu au barakau to Yahudi. Peisake hungku i Pue Ala anti kuasana Inao Malelaha.

Epesu 6:18

Hai i lalu pombealami moewa Datu Tokadake, mekakaekau hai merapi tulungi liliukau i Pue Ala. I hinangkana, mekakaekau moula peninina Inao Malelaha. Ineekau oha-oha mekakae hai hangangaa nipekakaea liliuhe ope-ope tauna au mepoinalai i Pue Yesu.

Ibarani 4:15

Lawi Tadulako Mpenomba Mahilenta iti moisa kamaledenta. Naisa ntepuu, lawi Ia rakelo worimi i hinangkana nodo ikita, agaiana Ia bara madosa.

Ibarani 5:2

Tadulako menomba mahile, manusia biasa, hai batena ngkaia wori kamaledena. Ido hai naisa mopamaalusu babehiana mokadipura tauna au bara mani manoto lalunda hai bara manihe moula rara au tou.

Yakobu 4:3

Nauri pae niperapimi, agaiana bara ina nilambi, lawi tunggaiami bara maroa. Lawi apa au niperapi iti, ina nipake pea mopabukei peundeana lalumi haduduami.