Roma 8:19 - Sura Malelaha

¹⁹ I tempo ide, hinangkana ihi dunia au napopewali Pue Ala tanganda mampegia tempona Pue Ala mopatongawa peawana tuwonda anaNahe.

Roma 8:19 ပူးပေါင်းရင်းမြစ်များ

Matiu 5:9

Morasihe tauna au moanti pohintuwu i hangka ranganda, lawi ihirami au ina rauli anana Pue Ala.

Yohane 1:12

Agaiana hema-hema au modoko hai mepoinalai Iria, ihirami au Napopewalihe anana Pue Ala.

Suro 3:21

Ide-ide, Yesu maida i suruga, hai batena ara liliu indora duuna hawe tempona Pue Ala mopawou hinangkana, nodo au rapahawe nabiNa au malelaha hangkoia.

Roma 8:14

Hema-hema au nanini Inaona Pue Ala, ihirami anana Pue Ala.

Roma 8:16

Anti pokalena Inao Malelaha i lalunta, taisami kaikitana anana Pue Ala.

Roma 8:18

Moula pelambiaku, ope-ope kapari au morumpake ide-ide bara peisa tapahintoto hai kamahilena tuwonta au ina raweike i alo au ina mai.

Roma 8:23

Hai bara pea dunia ide au mantodiha. Ikita au modokomoke Inao Malelaha, mantodiha worike i lalu katuwonta. Mampegiake tempona Pue Ala mokabaha watanta hangko i kapate, Nadokoke nodo anaNa, hai Naweike katuwo mahile moula podandiNa irikita.

Roma 9:26

“Hangkoia Pue Ala mouliangaahe tauna au ara i hambua tampo: ‘Barakau kiraNgku.’ Agaiana hambela tempo, Pue Ala au tuwo ina mouliangaahe, ‘AnaNgkumokau!’ ”

1 Korintu 1:7

duuna barapi ara kamakurana pewati au nilambi. Nilambimi paka-pakana kamapande hangko i Inao Malelaha, tangami mampegia kahawena hule Amputa Yesu Kerisitu.

1 Korintu 1:8

Ia ina mopakaroho pepoinalaimi duuna i kahopoa dunia bona ane Nakahaweikau Amputa Yesu Kerisitu i kahaweNa hule, barapi ara kamasalami.

2 Korintu 6:18

“Iko nipouma, hai ikamu, Kupoana.” Nodomi pangulina Pue Ala Au Makuasa.

Galatia 3:26

Mewali, Napoanamoke Pue Ala ope-ope anti pepoinalainta i Kerisitu Yesu.

Pilipi 1:20

Peundeaku hai peharungangku hangangaa mampopolumaona bagongku au napatokami Pue Ala iriko i karoa-roakana datina maea. Kuharunga ina baina mopahawe liliu posabingku, pelumbunami ide-ide bona mampomahilena hangana Kerisitu, maroa i tuwongku, maroa i kapatengku.

Ibarani 12:27

NgkoraNa au manguli “hambela mani”, lempona Pue Ala ina mampopoenggo hai mogero dunia au Napopewali ide, lawi dunia ide bara mantaha hawe i hae-haena. Mewali, i alo au ina mai, Pue Ala ina mogero hinangkana bona apa au bara peisa moenggo, iti pearai au tetida.

1 Peturu 1:13

Mewali, halalu, anti kamarohona peharungami, ido hai kuuliangaakau: nipakanoto pekirimi, nirempeki peundeana lalumi au kadake, hai nipakaroho peharungami i kabulana laluNa au ina raweikau ane hawe hulemi Yesu Kerisitu.

1 Peturu 1:7

Narumpakau kapari bona ane mantahakau ina tongawa mpuu kamarohona pepoinalaimi. Ane bulawa rawoli i api, tongawa bulawa ba bara. Agaiana melumbu kamasulina pepoinalaimi pane bulawa, lawi bulawa bara mantaha hawe i hae-haena. Bulawa hangangaa raparesa i lalu api. Nodo wori pepoinalaimi hangangaa rapetandaka i tempomi narumpa kapari. Mewali ane maroho mpuu pepoinalaimi, ikamu ina ratoia, rabila hai rapomahile i kahaweNa hule Yesu Kerisitu i dunia.

1 Yohane 3:1

Anti kamahilena ahina Pue Ala Umanta irikita, ido hai Naimbamoke anaNa, hai ikita tou-tou anaNa mpuuke Pue Ala. Agaiana tauna au bara mepoinalai i Yesu, bara raisa kaikitana anana Pue Ala, lawi bara worihe moisa Pue Ala.

1 Yohane 3:2

Halalu au kupokaahi! Ide-ide, ananamoke Pue Ala. Agaiana bara mani taisa noumba kamaroana katuwonta i alo au ina mai, lawi bara manike rapatongawaa. Nauri nodo au taisa iami: ane hawe hule Kerisitu, ina mewalike himbela hai Ia, lawi ina taita mpuu noumba lenggeNa au katou-touana.

Pampetudungia 21:7

Hema au monangi Datu Tokadake, molambihe ope-ope iti. Ina mewaliNa Pue au rapenombai, hai ihira ina mewali anaNgku.