Roma 8:16 - Sura Malelaha

¹⁶ Anti pokalena Inao Malelaha i lalunta, taisami kaikitana anana Pue Ala.

Roma 8:16 ပူးပေါင်းရင်းမြစ်များ

Matiu 5:9

Morasihe tauna au moanti pohintuwu i hangka ranganda, lawi ihirami au ina rauli anana Pue Ala.

Lukasi 20:36

Lawi katuwonda nodo katuwo malaeka, hai barapohe mate. Ihira iti, napoanahe Pue Ala, lawi Pue Ala mopatuwo hulehe.

Yohane 1:12

Agaiana hema-hema au modoko hai mepoinalai Iria, ihirami au Napopewalihe anana Pue Ala.

Suro 5:32

Ikamimi sabina hinangkana iti, ikami hai Inao Malelaha, au nawei Pue Ala i ope-ope tauna au mengkoru i hawaNa.”

Roma 8:14

Hema-hema au nanini Inaona Pue Ala, ihirami anana Pue Ala.

Roma 8:19

I tempo ide, hinangkana ihi dunia au napopewali Pue Ala tanganda mampegia tempona Pue Ala mopatongawa peawana tuwonda anaNahe.

Roma 8:23

Hai bara pea dunia ide au mantodiha. Ikita au modokomoke Inao Malelaha, mantodiha worike i lalu katuwonta. Mampegiake tempona Pue Ala mokabaha watanta hangko i kapate, Nadokoke nodo anaNa, hai Naweike katuwo mahile moula podandiNa irikita.

Roma 8:26

Nodo wori, Inao Malelaha motulungike i lalu kamaledenta. Lawi bara mpuu taisa apa au hangangaa tauli i lalu pekakaenta. Agaiana Inao Malelaha mamporangaike mohowara perapinta i Pue Ala au melumbu hangko i pebukuanta mohowara.

Roma 9:26

“Hangkoia Pue Ala mouliangaahe tauna au ara i hambua tampo: ‘Barakau kiraNgku.’ Agaiana hambela tempo, Pue Ala au tuwo ina mouliangaahe, ‘AnaNgkumokau!’ ”

Roma 9:8

Lempona bara ope-ope pemuleana Burahima au mewali anana Pue Ala, batena pea au rapoanaka moula dandina Pue Ala.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

2 Korintu 1:22

hai Naweike Inao Malelaha au mopakanoto kamewalintami taunaNa. Inao Malelaha iti mewali tanda i lalunta kaina Napabukeina haha dandiNa irikita.

2 Korintu 5:5

Pue Ala haduduaNa au mopasilolongaake hinangkana iti, hai Ia moweike Inao Malelaha mewali tanda kaina Naweinta wata au wou i suruga.

2 Korintu 6:18

“Iko nipouma, hai ikamu, Kupoana.” Nodomi pangulina Pue Ala Au Makuasa.

Galatia 3:26

Mewali, Napoanamoke Pue Ala ope-ope anti pepoinalainta i Kerisitu Yesu.

Galatia 4:6

Mewali, anti kanapoananta Pue Ala, Ia motudumi Inaona AnaNa maida i lalunta. Anti pobagona Inao Malelaha iti i lalunta, ido hai peisake mokakio Pue Ala, “Uma!”

Epesu 1:13

Nodo wori ikamu. I kamohadimi bambari au tou mewalimokau taunana Pue Ala. Mampoinalaimokau Ngkora Marasa iti, ido hai Nahoremamokau Pue Ala hangko i huku dosami. Hai Naweimokau Inao Malelaha au Nadandi hangkoia, au mewali pekatandaina Pue Ala i lalumi au mopatongawa pewalimimi taunaNa.

Epesu 4:30

Nikampai babehiami datikau mopakasusa Inao Malelaha au naweikau Pue Ala. Nikatuinao, Inao Malelaha iami pampekatandaina Pue Ala i lalumi au mopakanoto kaikamuna taunaNa. Anti kaarana Inao Malelaha i lalumi, niisa kaina hawena tempona Pue Ala mokabahakau hangko i dunia au kadake ide.

1 Yohane 3:1

Anti kamahilena ahina Pue Ala Umanta irikita, ido hai Naimbamoke anaNa, hai ikita tou-tou anaNa mpuuke Pue Ala. Agaiana tauna au bara mepoinalai i Yesu, bara raisa kaikitana anana Pue Ala, lawi bara worihe moisa Pue Ala.

1 Yohane 3:10

Idemi au mopatongawa kahemana au napoana Pue Ala hai kahemana au napoana Datu Tokadake: ope-ope tauna au bara mobabehi apa au manoto, barahe napoana Pue Ala. Nodo wori, ope-ope tauna au bara mampokaahi halalunda, barahe napoana Pue Ala.

1 Yohane 3:2

Halalu au kupokaahi! Ide-ide, ananamoke Pue Ala. Agaiana bara mani taisa noumba kamaroana katuwonta i alo au ina mai, lawi bara manike rapatongawaa. Nauri nodo au taisa iami: ane hawe hule Kerisitu, ina mewalike himbela hai Ia, lawi ina taita mpuu noumba lenggeNa au katou-touana.

1 Yohane 4:13

Hintuwumoke hai Pue Ala, hai Pue Ala mohintuwu hai ikita. Iti taisa lawi Naweike InaoNa.

1 Yohane 5:10

Tauna au mepoinalai i Anana Pue Ala, raisa i lalunda katouna posabina Pue Ala. Hema-hema au bara mampoinalai Pue Ala, mampopodongkomohe Pue Ala, lawi barahe mampoinalai posabina Pue Ala au mampololita kana i AnaNa.

Pampetudungia 21:7

Hema au monangi Datu Tokadake, molambihe ope-ope iti. Ina mewaliNa Pue au rapenombai, hai ihira ina mewali anaNgku.