Roma 8:15 - Sura Malelaha

¹⁵ Hangkoia, nodoke hawi, lawi langake i pehukuna Pue Ala. Agaiana ide-ide, anti polambitami Inao Malelaha, barapoke langa. Lawi Inao Malelaha itimi au mampopewalike anana Pue Ala. Hai anti pokalena Inao Malelaha, baimoke mokakio Pue Ala, “Uma!”

Roma 8:15 ပူးပေါင်းရင်းမြစ်များ

Matiu 25:25

Langana, ido hai laona mowuni doimu i lalu tampo. Mewali, idemi doimu.’

Markus 14:36

Nauli, “UmaNgku! Bara ara au bara Nubuku Nubabehi. Nupakaraoa wongkoia kapari au ina morumpaNa ide. Agaiana bara peundeaKu au Kuula, peundeaMuri Uma.”

Lukasi 11:2

Nauliangaahe Yesu, “Ane mekakaekau, niuli node, Uma, kipomahile hangaMu au malelaha. Nupopewalimi poparentaMu i dunia.

Lukasi 22:42

Nauli, “UmaNgku, ane Nuunde, Nupakaraoa wongkoia kapari au ina morumpaNa ide. Agaiana bara peundeaKu au Kuula, peundeaMuri, Uma.”

Lukasi 8:28

I kamoitana Yesu, meraroami hai molingkudu i lindona Yesu hai mololita masisimbuku, nauli, “Yesu, Anana Pue Ala i suruga, apari mai Nuala? Kuperapi bona inee wongkoia Nupopeahi-ahi.”

Lukasi 8:37

Ido hai ope-ope tauna i tampo Gerasa merapi i Yesu bona padu hangko i tamponda, lawi langa mpuuhe. Mewali mesawi mbulimi Yesu i duanga hihimbela hai topeguruNa, hai padumohe.

Yohane 16:8

Ane hawe Inao Malelaha, Ia au ina mopatongawa kamadosana manusia, kamanotoNgku hai pehukuna Pue Ala.

Yohane 20:17

Nauli Yesu i Maria, “IneeNa nukingki, lawi bara maniNa mengkaore lao i UmaNgku. Laomoko i halaluNgkuhe, nuuliangaahe ina laomona i UmaNgku hai Umamu wori, Pue AlaNgku hai Pue Ala au nipenombai.”

Suro 16:29

Roo indo, kapala tarunggu iti merapi hulo, hai melangkami mesua i lalu tarunggu. Moradami hai tepalingkudu i lindona Paulu hai Silas.

Suro 2:37

Karahadina tauna bosa lolitana Peturu iti, tebalikimi lalunda, hai mekunehe i Peturu hai i surona Pue Yesu au ntanina, rauli, “Halalu-halalu, ane nodo, apami au hangangaa kibabehi?”

Roma 8:16

Anti pokalena Inao Malelaha i lalunta, taisami kaikitana anana Pue Ala.

Roma 8:23

Hai bara pea dunia ide au mantodiha. Ikita au modokomoke Inao Malelaha, mantodiha worike i lalu katuwonta. Mampegiake tempona Pue Ala mokabaha watanta hangko i kapate, Nadokoke nodo anaNa, hai Naweike katuwo mahile moula podandiNa irikita.

Roma 8:26

Nodo wori, Inao Malelaha motulungike i lalu kamaledenta. Lawi bara mpuu taisa apa au hangangaa tauli i lalu pekakaenta. Agaiana Inao Malelaha mamporangaike mohowara perapinta i Pue Ala au melumbu hangko i pebukuanta mohowara.

Roma 9:4

Hangkoia to Isaraeli molambihe ngkaia pewati hangko i Pue Ala, lawi napileimohe Pue Ala hai Napopewalimohe nodo anaNa haduduaNa. Pue Ala mopatongawaahe kuasaNa, hai anti podandiNa i to Yahudi hangkoia, ara pohintuwunda hai Ia. Ia moweihe AturaNa hai Napaturoahe ada mpenomba, hai Ngkaia mani dandina Pue Ala au Naweihe.

1 Korintu 2:12

Hai ikita, barake molambi inao hangko i dunia ide, agaiana molambike Inaona Pue Ala bona taisa hinangkana au nawei mberoke Pue Ala.

2 Korintu 11:4

Arahe guru agama i olomi au mopaturokau kana i Yesu, agaiana paturonda bara himbela hai apa au kipaturoakau. Ane paturonda bara himbela hai paturongki, moapari hai niunde mampehadingi lolitanda? Niunde pae modoko inao ntanina au mosisala hai Inao Malelaha au nidokomi? Niunde pae modoko bambari au mosisala hai Ngkora Marasa au nipoinalaimi? Halalu, inee nodo.

Galatia 2:4

nauri ara au mopari-pari bona ratile. Ihira iti iamohe tauna au mouli katoSaraninda agaiana dongkonda pea. Mesua ngkandii-ndiihe i olongki lawi tunggaianda bona ope-ope to Sarani hangangaa mengkoruhe i Aturana Musa. Agaiana ikita barake paraluu mengkoru i atura iti bona manotoke i peitana Pue Ala. Ikita tekabahamoke hangko i aturana Musa anti pohintuwuta hai Kerisitu Yesu.

Galatia 5:1

Kerisitu mokabahamoke hangko i Aturana Musa bona tou-tou mpuu tekabahake. Ido hai hangangaa tapatetida lalunta. Ineeke rapohawi hule.

Epesu 1:5

Anti kamaahina laluNa irikita, Napakanoto amimi kaNaangkata mewali anaNa. Naangkamoke mewali anaNa anti kanahoremanta Yesu Kerisitu, lawi itimi au Natunggai hai au Napokatana.

2 Timotiu 1:7

Ineeko langa mampopolumao bagomu, lawi Inao Malelaha au naweike Pue Ala bara mopaara kalanga i lalunta, agaiana bona molambike karoho mampopolumao bagonta, mampokaahi hangka ranganta hai morempeki peundeana lalunta.

Ibarani 2:15

Hai kapatena Yesu iti, naporara Pue Ala mokabahake hangko i kapate. Lawi hangkoia, tuwoke nodo hawi. Ikita rapandiri nodo hawina Datu Tokadake lawi mampokalangake kapate.

Yakobu 2:19

Ba nipoinalai hadua pea Pue Ala? Tou mpuu diti. Agaiana ane noiti pea, bara handa! Lawi mogalorihe seta, mampoinalai worihe kahaduana pea Pue Ala. Ido hai moradahe anti kalanganda.

1 Yohane 4:18

Ane taisa mpuu ahina Pue Ala irikita hai tapokaahi halalunta, barapoke langa i Pue Ala. Anti ahina Pue Ala au bara ara kamakurana, ido hai barapoke langa. Ane langa manike ina nahuku Pue Ala, lempona, bara manike moisa ahiNa irikita.