Roma 8:10 - Sura Malelaha

¹⁰ Agaiana ikita, ane arami Kerisitu i lalunta, kehapiri watanta ide mate lawi madosa, tanoananta batena molambi katuwo maroa au bara mokahopoa, lawi manotomoke i peitana Pue Ala.

Roma 8:10 ပူးပေါင်းရင်းမြစ်များ

Yohane 14:23

Nauli Yesu, “Tauna au mampokaahiNa mampeulaihe lolitaNgku. Ihirami au napokaahi UmaNgku. UmaNgku hai Iko ina mai i tauna iti hai maidaNgkai irihira.

Yohane 15:5

Ikomi patoa anggoro, hai ikamumi pengana. Tauna au mohintuwu liliu hai Iko, hai Iko mohintuwu hai ihira, rumihi powuanda. Agaiana ane megaakikau hangko Iriko, barakau peisa mobabehi apa-apa.

Yohane 17:23

Iko mohintuwu hai ihira, hai Oio mohintuwu hai Iko bona ihira ina mewali mpuuhe hampepekiri. Ane nodo, ope-ope tauna ina moisa kaOiona au motuduna hai kaNupokaahinda tauna au mepoinalai Iriko nodo kaNupokaahiNgku.

Yohane 4:14

Agaiana hema au moenu owai au Kuwei, barapi mangkadou hawe i hae-haena. Lawi owai au Kuwei iti, ina moili liliu i laluna; lempona, ina molambi katuwo maroa au bara mokahopoa.”

Yohane 6:54

Tauna au moande ontoKu hai moenu waheNgku, ina molambihe katuwo maroa au bara mokahopoa, hai ina Kupopearohe hangko i kapate i alo pebotusi,

Yohane 6:56

Tauna au moande ontoKu hai moenu waheNgku, ina mohintuwu liliuhe hai Iko, nodo wori Iko irihira.

Roma 5:12

Dosa mesua i lalu dunia melempo i hadua tauna au moliungi hawana Pue Ala. Dosa iti mopaara kapate i lalu dunia, alana kapate morumpa ope-ope tauna, lawi ope-ope tauna madosami.

Roma 5:21

Hangkoia, dosami au makuasa i lalu katuwonda tauna, alanda ope-opehe hangangaa rahuku mate hai ragaakihe hangko i Pue Ala. Agaiana ide-ide, kabulanami laluna Pue Ala au makuasa i lalu katuwonta. Hangko i kabulana laluna Pue Ala, Naimbamoke manoto i peitaNa hai Naweike katuwo maroa au bara mokahopoa i lalu Yesu Kerisitu Amputa.

Roma 8:11

Pue Ala mopatuwo hule Yesu anti kuasana Inao Malelaha, hai Inao Malelaha iti au maida i lalunta. Mewali, kehapiri watanta mate, batena napatuwo huleke Pue Ala anti kuasana Inao Malelaha au maida i lalunta.

1 Korintu 15:45

Ara teuki i lalu Sura Malelaha au manguli, “Tauna au nguru-nguruna napopewali hai napatuwo Pue Ala iami Adama. Agaiana Kerisitu peisa rauli Adama au kahopoana. Iami au moweike katuwo maroa au bara mokahopoa.”

2 Korintu 13:5

Halalu, nipetandaka hampai watami, ba tou-tou mpuu tuwomokau i lalu pepoinalaimi i Kerisitu. Batena niisa kaarana Yesu i lalumi ba tauli ane pepoinalaimi mbero-mbero.

2 Korintu 4:11

I lalu katuwongki i dunia ide, bosa tauna mampeinaohe mopapatengkai anti peulangki i Pue Yesu. Agaiana iti mewali bona tongawa katuwona Pue Yesu, i lalu watangki au bara monono.

2 Korintu 5:21

Kerisitu, bara madosa, agaiana napahimbela Pue Ala tauna madosa hai Napahaleangi dosanta. Tunggaiana Pue Ala bona ikita au mohintuwu hai Kerisitu raimbamoke manoto i peitaNa.

Galatia 2:20

Hai ide-ide barapona tuwo moula peundeaku haduduangku, agaiana Kerisitumi au tuwo i lalu katuwongku. Mewali, tangangku mani tuwo i dunia ide, batengku mepoinalai i Anana Pue Ala au mampokakaiana hai au mokira wataNa rapapate bona mewalina manoto i peitana Pue Ala.

Epesu 3:17

Kuharunga anti pepoinalaimi, Kerisitu ina maida i lalumi. Mekakaena bona nodo tuda-tuda ina mouakakau, hai moarokau tuwomi i ahiNa.

Pilipi 1:23

Au rompaka iti mombedii mani i lalungku. Kupeinao mopalehi dunia ide hai laona maida hihimbela hai Kerisitu, lawi iti au maroa ntepuu.

Pilipi 3:9

hai mohintuwuna hai Ia. Pue Ala moimbana manoto i peitaNa, bara anti peulangku i Aturana Musa, agaiana anti pepoinalaingku i Kerisitu. Mewalina manoto i peitana Pue Ala anti kabulana laluNa, lawi mepoinalaina i Kerisitu.

Kolose 1:27

Apa au tewuniangi hangkoia, ide-ide Naunde Pue Ala mopatongawa i taunaNa, iami noumba kamaroana hai kameawana tunggaiaNa irikamu au barakau to Yahudi. TunggaiaNa iti iami bona Kerisitu maida i lalumi, bona manoto kamolambimi wori katuwo au meawa hihimbela hai Pue Ala.

1 Tesalonika 4:16

Lawi i tempona Pue Yesu mendaulu hangko i suruga, ina tahadi hampai pekakiona tadulakonda malaeka hai pomoni tatamburuna Pue Ala. Hai i tempo iti, ina tuwo hulehe ope-ope tomate au mepoinalai i Kerisitu.

Ibarani 12:23

Hawemokau i poguluanda ananahe Pue Ala au towutu au teukimi hanganda i lalu suruga. Hawemokau i Pue Ala au mobotusi kara-karanda ope-ope tauna. Molindomokau tanoananda tauna au manoto babehianda hangkoia hai au rapamalelahamohe i peitana Pue Ala.

Ibarani 9:27

Himbela hai manusia au rapatoka hambela pea mate, hai roo indo hangangaa rabotusi kara-karanda.

Pampetudungia 14:13

Roo iti, kuhadi mbuli hambua wotu hangko i suruga au manguli, “Nuuki ide: mepongka ide-ide, morasimohe tauna au mate i lalu pepoinalainda i Yesu.” Nahanai Inao Malelaha, “Tou mpuu! Lawi tauna iti, batenda ina mengkaroo hangko i pobagonda, hai batenda ina molambi wua pobagonda.”