Roma 7:15 - Sura Malelaha

¹⁵ Kupowuli babehiangku ide lawi babehia maroa au kupeinao kubabehi, barari iti kubabehi, hai apa au kukahihi, itiri au kubabehi!

Roma 7:15 ပူးပေါင်းရင်းမြစ်များ

Yohane 15:15

Barapokau Kuuli hawiNgku, lawi hadua hawi bara moisa apa au i laluna ampuna. Ide-ide, himadaNgku mpuumokau, lawi Kupahaweamokau ope-ope au nauliangaaNa UmaNgku.

Roma 12:9

Nipokaahi rangami hangko i kabulana lalumi, nikaraohi babehia au kadake, hai nibabehi au maroa.

Roma 14:22

Ane nupoinalai kadamu masala mobabehi babehia iti, pelambiamu iti hangangaa nukingki pea i lalumu haduduamu i lindona Pue Ala. Morasimi tauna au mobabehi apa au maroa moula pelambiana, hai barahe mosalai watana.

Roma 7:16

Agaiana ane kubabehi babehia au bara kuunde, lempona kupokana kamaroana Aturana Pue Ala, lawi kusalai babehiangku.

Galatia 5:17

Lawi peundeana lalunta au kadake moewa peundeana Inao Malelaha. Ane tapeulai peundeana lalunta au kadake, bara tababehi apa au maroa moula peundeana Inao Malelaha; hai ane tapeulai peundeana Inao Malelaha, bara tababehi apa au kadake au ara i lalunta.

2 Timotiu 2:19

Nauri nodo, Ngkorana Pue Ala batena maroho peangkana. Ngkorana Pue Ala rapandiri nodo haogu watu au bara ina tedua. I lalu Ngkorana Pue Ala teuki node, “Pue moisa hema au Napilei mewali anaNa,” hai, “Hema-hema au mopangaku kaYesuna Ampunda, hangangaa mokabahahe babehianda au kadake.”

Ibarani 1:9

MoundeKo kanoto hai mokahihiKo dake. Idomi hai natawiKo Pue Ala au Nupenombai, hai lana tanda kaNapileiMu, au melumbu hangko i himadaMuhe.”

Yakobu 3:2

Ikita ope-ope, madahake mobabehi sala. Agaiana ane rapana arahe tauna au bara mobabehi sala i polololitanda, ihira au malelaha tuwonda hai au peisa mokuasai ope-ope peundeana lalunda.

Yudasi 1:23

Ane arahe au mehupe hangko i pepoinalainda, nininihe mesule bona tehoremahe hangko i api pehuku hai molambihe katuwo maroa. Ara worihe tauna au madosa au mampeulai peahe peundeana lalunda au kadake. Nitudungia worihe ahimi, agaiana nikahihi babehianda au kadake hai mainga-ingakau bona datikau tedii i lalu babehianda.