Roma 6:23 - Sura Malelaha

²³ Hema au mobabehi dosa batena molambi hurungina, hai hurungina iti iami kapate au mogaakike hangko i Pue Ala. Agaiana anti kabulana laluna Pue Ala irikita, ido hai Naweike katuwo maroa au bara mokahopoa. Kabulana laluNa iti tahumba anti pohintuwuta hai Kerisitu Yesu, Amputa.

Roma 6:23 ပူးပေါင်းရင်းမြစ်များ

Matiu 25:46

Napahopo Yesu lolitaNa, Nauli, “Ope-ope tauna au kadake iti ina ratendehe i lalu naraka hai rahuku hawe i hae-haena, hai tauna au manoto ina molambihe katuwo maroa au bara mokahopoa.”

Yohane 10:28

Kuweihe katuwo maroa au bara mokahopoa, hai manotomi kadanda ina rahuku. Bara ara hadua au peisa mamperampaihe hangko i taieNgku.

Yohane 17:2

NuweimoNa kuasa motadulakoi ope-ope tauna bona tauna au NuweimoNa, ina Kukiraiahe katuwo maroa au bara mokahopoa.

Yohane 3:36

Tauna au mepoinalai i Anana Pue Ala iti, molambihe katuwo maroa au bara mokahopoa. Agaiana tauna au bara mengkoru i Anana Pue Ala, barahe molambi katuwo iti. Molambirihe pehukuna Pue Ala au bara mokahopoa.

Yohane 4:14

Agaiana hema au moenu owai au Kuwei, barapi mangkadou hawe i hae-haena. Lawi owai au Kuwei iti, ina moili liliu i laluna; lempona, ina molambi katuwo maroa au bara mokahopoa.”

Yohane 4:36

Tauna au mopahawehe Ngkorana Pue Ala peisa rapandiri nodo tauna au mantuda hai au mepare. Ide-ide masilolongami saronda topepare iti, hai mepongkamohe mogulu wuana. Anti pobagonda, bosa tauna molambi katuwo maroa au bara mokahopoa. Hai kahopoana ina matana-tanahe hihimbela hai tauna au mantuda.

Yohane 5:24

Tou mpuu lolitaNgku ide: hema-hema au mampehadingi lolitaNgku hai mepoinalai i Pue Ala au motuduNa, molambihe katuwo maroa au bara mokahopoa. Barahe ina rahuku anti dosanda. Tekabahamohe hangko i kapate, hai molambihe katuwo.

Yohane 6:27

Ineekau mobago mohaoki paande au hampalai pea kaopena hai au polo mawai. Agaiana mobagokau mohaoki paande au bara peisa mawai hai au moweikau katuwo maroa au bara mokahopoa. Iko Ana Manusia au ina moweikau paande iti, lawi Ikomi au Napilei Pue Ala hai au Napokatana.”

Yohane 6:40

Idemi peundeana UmaNgku: bona ope-ope tauna au moitaNa hai au mepoinalai Iriko AnaNa, ina molambihe katuwo maroa au bara mokahopoa, hai ina Kupopearohe i alo pebotusi.”

Yohane 6:68

Mehana Simo Peturu, nauli, “Ane kipalehiKo Pue, i hemamongkai lao? Oio pea au mohowara lolita au mopaara katuwo maroa hawe i hae-haena.

Roma 1:32

Nauri moisatohe aturana Pue Ala au manguli hema-hema au mobabehi nodo hangangaa rahuku mate. Agaiana batenda mobabehi mpaliliu babehia au kadake iti, hai rapokana wori ane ara ranganda au mobabehi nodo.

Roma 2:7

Ara tauna au mobabehi liliuhe roa, lawi rapeinao molambi petoia, pebila hai katuwo au monono hangko i Pue Ala. I tauna au nodo, ina naweihe Pue Ala katuwo maroa au bara mokahopoa.

Roma 5:12

Dosa mesua i lalu dunia melempo i hadua tauna au moliungi hawana Pue Ala. Dosa iti mopaara kapate i lalu dunia, alana kapate morumpa ope-ope tauna, lawi ope-ope tauna madosami.

Roma 5:17

Anti peliungina tauna au hadua iti, kapate mokuasai ope-ope tauna anti pohintuwunda hai tauna au hadua iti. Agaiana melumbu mpuu kamaroana babehiana tauna au hadua, iami Yesu Kerisitu! Hema pea au mepoinalai Iria molambihe kuasa hai katuwo maroa au bara mokahopoa. Iti ralambi anti kabulana laluna Pue Ala, lawi mahile mpuu kamaahiNa irikita. Ia moimbake manoto i peitaNa anti pohintuwuta hai Yesu Kerisitu.

Roma 5:21

Hangkoia, dosami au makuasa i lalu katuwonda tauna, alanda ope-opehe hangangaa rahuku mate hai ragaakihe hangko i Pue Ala. Agaiana ide-ide, kabulanami laluna Pue Ala au makuasa i lalu katuwonta. Hangko i kabulana laluna Pue Ala, Naimbamoke manoto i peitaNa hai Naweike katuwo maroa au bara mokahopoa i lalu Yesu Kerisitu Amputa.

Roma 6:16

Niisato halalu, pandirina, ane mengkoruke i hadua tauna hai mampeulaike hawana, napohawimoke tauna iti. Nodo wori hai dosa, ane mampeulai liliuke peundeana lalunta au kadake, napohawimoke dosa. Kahopoana ina molambike kapate au mogaakike hangko i Pue Ala hawe i hae-haena. Agaiana ane mengkoruke i Pue Ala, mewalike taunana Pue Ala au mampeulai peundeaNa.

Roma 6:21

Rasi apami au nihumba hangko i katuwomi au hangkoia iti? Bara mpuu ara! Babehiami au hangkoia nipokaeami. Babehia iti moantikau i kapate au mogaakikau hangko i Pue Ala.

Roma 8:13

Ane mampeulai peake peundeana lalunta au kadake, ina mateke. Agaiana ane takabahami babehianta au kadake anti kuasana Inao Malelaha, ina molambike katuwo au bara mokahopoa.

Roma 8:38

Lawi kupoinalai, bara ara au peisa mohomboki ahina Pue Ala irikita. Mate ba tuwo, batena Napokaahi liliuke. Bara ara malaeka ba kuasa tokadake, bara ara pepopalanga maroa ide-ide ba i alo au ina mai, bara ara kuasa i langi ba i tampo, bara ara au peisa mogaakike hangko i ahina Pue Ala au tahumba anti pohintuwuta hai Amputa Kerisitu Yesu.

Roma 8:6

Lawi peundeana lalunda au kadake mopaara kapate, agaiana peundeana Inao Malelaha mopaara katuwo hai roa ngkatuwo.

Galatia 3:10

I lalu Sura Malelaha hangkoia teuki node: “Hema-hema au bara mampeulai hinangka parenta au teuki i lalu Aturana Musa, batenda napaharara Pue Ala.” Mewali, halalu, taisa: ane ara tauna au napeinao mopamanoto watana i peitana Pue Ala anti pampeulaina Aturana Musa, batena ina harara i lindona Pue Ala. Lawi hema pae au peisa mampeulai ope-ope hai au bara ara kamasalana?

Titu 1:2

Ido hai taharunga kaina molambita katuwo maroa au bara mokahopoa, nodo au nadandiake Pue Ala hangko damani dunia ide Napopewali. Hai Pue Ala bara modongko.

Yakobu 1:15

Ane mampeulaike peundeana lalunta, batena mobabehike dake. Hai ane iti au tababehi liliu, kahopoana ina naantike i kapate.

1 Yohane 2:25

Hai idemi dandiNa irikita: katuwo maroa au bara mokahopoa.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”