Roma 6:14 - Sura Malelaha

¹⁴ Ikita, barapoke nakuasai dosa, bara anti pampeulainta Aturana Musa, agaiana anti pampeulainta kabulana laluna Pue Ala.

Roma 6:14 ပူးပေါင်းရင်းမြစ်များ

Matiu 1:21

Maria ina moana hadua tobalilo. Anangkoi iti, hangangaa nuhanga ‘Yesu’, lawi Ia au ina mohorema taunaNa hangko i dosanda.”

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 1:17

Au tadoko hangko i Musa hangkoia iami aturana Pue Ala. Agaiana au tadoko hangko i Yesu Kerisitu melumbu hangko indo iami kabulana laluna Pue Ala hai paturoNa au manoto.

Yohane 8:36

Mewali, ane Kukabahakau hangko i dosami, tekabaha mpuumokau, lawi Iko, AnanaNa Pue Ala.

Roma 11:6

Napileihe bara anti kamaroana babehianda. Lawi ane rapana, Napileihe bona mohurungi babehianda au maroa, lempona kabulana laluna Pue Ala barapi buke.

Roma 4:16

Mewali, naimbake Pue Ala manoto i peitaNa anti pepoinalainta bona apa au nadandi Pue Ala iti tadoko mbero pea hangko i kabulaNa laluNa bona ope-ope pemuleana Burahima batena molambi apa au Nadandi. Dandina Pue Ala iti bara pea kiranda to Yahudi au moisa Aturana Musa. Agaiana mewali wori kiranda au mepoinalai i Pue Ala nodo Burahima. Lawi Burahima tapoumami ope-opeke.

Roma 5:17

Anti peliungina tauna au hadua iti, kapate mokuasai ope-ope tauna anti pohintuwunda hai tauna au hadua iti. Agaiana melumbu mpuu kamaroana babehiana tauna au hadua, iami Yesu Kerisitu! Hema pea au mepoinalai Iria molambihe kuasa hai katuwo maroa au bara mokahopoa. Iti ralambi anti kabulana laluna Pue Ala, lawi mahile mpuu kamaahiNa irikita. Ia moimbake manoto i peitaNa anti pohintuwuta hai Yesu Kerisitu.

Roma 5:18

Mewali, anti kamanawona Adama, ope-ope tauna masalami hai hintoto rahuku. Nodo wori, anti hambua babehia au manoto iami kapatena Yesu i kau mombehape, ope-ope tauna peisa manoto i peitana Pue Ala hai molambi katuwo maroa au bara mokahopoa.

Roma 6:12

Ido hai kuweikau lolita, halalu: inee tapogiangaa dosa mokuasai katuwonta i dunia ide; inee tapeulai peundeana lalunta au kadake.

Roma 6:15

Mewali noumba halalu! Ane nahoremamoke Pue Ala bara anti pampeulainta Aturana Musa, agaiana anti kabulana pea laluna Pue Ala, ba peisamoke mobabehi dosa? Inee nodo halalu.

Roma 8:12

Mewali, halalu, hangangaa moulake Pue Ala. Ineemi tapeulai peundeana lalunta au kadake.

Roma 8:2

Lawi anti pohintuwuta hai Kerisitu Yesu, Inao Malelaha moweike katuwo au wou hai mokabahake hangko i kuasa dosa au mopaara kapate.

Galatia 3:23

Hangkoia, hangko damani taisa rara mepoinalai i Yesu, mengkoruke i Aturana Musa. I tempo iti, nodoke tauna au ratarunggu hai rakampai, lawi natakake atura-atura iti. Nodomi katuwonta duuna Pue Ala mopakanoto noumba raranta mepoinalai i Pue Yesu.

Galatia 4:21

Halalungku, ikamu au mampeinao moula Aturana Musa, nipehadingi lolitangku! Ina kupakanotoakau apa au teuki i lalu Sura Aturana Musa.

Galatia 5:18

Mewali, ane naninimoke Inao Malelaha, barapoke tetaka i Aturana Musa.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Ibarani 8:10

Mewali, idemi podandi au ina Kupaara hai to Isaraeli i alo au ina mai: HawaNgku ina Kuwoli i lalu pekirinda hai Kuuki i lalunda. Ina mewalina Pue Ala au rapenombai, hai ihira ina mewalihe taunaNgku.