Roma 5:9 - Sura Malelaha

⁹ Mewali ide-ide, manotomoke i peitana Pue Ala, lawi Yesu matemi mohuru dosanta. Ido hai taisa katekabahantami hangko i karumpuna Pue Ala i alo pebotusi anti kanaperuruintami Yesu Kerisitu.

Roma 5:9 ပူးပေါင်းရင်းမြစ်များ

Yohane 5:24

Tou mpuu lolitaNgku ide: hema-hema au mampehadingi lolitaNgku hai mepoinalai i Pue Ala au motuduNa, molambihe katuwo maroa au bara mokahopoa. Barahe ina rahuku anti dosanda. Tekabahamohe hangko i kapate, hai molambihe katuwo.

Roma 1:18

Hangko i suruga Pue Ala mopatongawa karumpuNa i ope-ope tauna au madosa, maroa i pekirinda ba i babehianda au kadake, lawi hinangka babehia kadake ina mohomboki tauna mampeulai paturo au manoto kana i Pue Ala.

Roma 5:1

Mewali, ide-ide manotomoke i peitana Pue Ala anti pepoinalainta. Ido hai maroami pohintuwuta hai Pue Ala anti kanatanga-tangainta Amputa Yesu Kerisitu.

Roma 5:10

Hangkoia, tanganta mani mampoiwali Pue Ala, Ia motudumi mai AnaNa mate mohuru dosanta bona hintuwuke hai Ia. Mewali, ide-ide hintuwumoke hai Pue Ala, hai Yesu ara liliu i lalu katuwonta. Ido hai manotomi katekabahanta hangko i karumpuna Pue Ala i alo pebotusi.

Roma 8:1

Mewali, ide-ide barapi ara pehuku irikita au mohintuwumoke hai Kerisitu Yesu.

Roma 8:30

Mewali ikita au Napileimoke Pue Ala hangko i nguru-nguruna, Nakakioke bona mewalike anaNa. Hai ikita au Nakakioke mewali anaNa, Napakanotomoke i peitaNa. Hai au Napakanotomoke i peitaNa, Naweike katuwo mahile i alo au ina mai.

Epesu 2:13

Agaiana ide-ide, anti pohintuwumi hai Kerisitu Yesu, katuwomi barapi nodo. Ikamu au hangkoia “karao” hangko i Pue Ala, ide-ide “hungkumokau” lawi Kerisitu mohuhumi wataNa rapapate mopahurukau.

Epesu 2:3

Hangkoia, ikita ope-ope nodo wori babehianta. Moula peake peundeana lalunta hai pekirinta au kadake. Nodo ihira, i tempo iti ikita hintoto worike nakarumpui Pue Ala anti babehianta au kadake.

1 Tesalonika 1:10

Tauna iti mampololita worihe noumba pampegiami kahawena Anana Pue Ala hangko i suruga, iami Yesu au napatuwo hule Pue Ala hangko i kapate. Yesu itimi au mohoremake hangko i karumpuna Pue Ala au ina morumpa tauna au barahe mepoinalai Iria.

Ibarani 9:14

pelumbunami wahena Kerisitu! Anti kuasana Inao Malelaha au tuwo hawe i hae-haena, Kerisitu mohuhu wataNa i Pue Ala bona rapapate mewali popenomba au bara ara kamakurana. WaheNa iti mobahoi lalunta hangko i hinangka babehianta au moantike i kapate bona peisake menomba i Pue Ala au tuwo.

Ibarani 9:22

Moula Aturana Musa, paka-pakana hangangaa rabahoi hai wahe. Ane bara ara wahe hangko i kapate, bara teampungi dosanta.

1 Yohane 1:7

Agaiana ane tuwoke i lalu kamabaa, nodo Pue Ala ara i lalu kamabaa, batenta mohintuwu hadua hai hadua, hai wahena Pue Yesu, Anana Pue Ala, ina mobahoike hangko i dosanta.