Roma 5:20 - Sura Malelaha

²⁰ Tunggaiana Aturana Pue Ala au napahawe Musa, iami bona tongawa mpuu kamasalanda ope-ope tauna, lawi ngkaiami peliunginda i Atura iti. Agaiana nauri rumihi kamahilena dosa manusia, melumbu mani kamahilena kabulana laluna Pue Ala i manusia!

Roma 5:20 ပူးပေါင်းရင်းမြစ်များ

Matiu 20:9

Mai mpuumohe au mobago mepongka tinti lima kalumba, molambihe saronda hadua-hadua hampeka doi pera.

Matiu 9:13

BaraNa mai mokakio tauna au manoto babehianda. Kamaingku ide, mokakioNa tomadosa bona menosohe hangko i dosanda. Mewali, nipekiri hampai apa lempona Ngkorana Pue Ala au teuki node: ‘Bara Kuperapi binata au nipopenomba Iriko. Au Kuperapi bona maahikau i hangka rangami.’ ”

Lukasi 7:47

Mewali ahina au mahile iti mopatongawa dosana au mahile raampungimi. Agaiana tauna au raampungi hangko i dosana au haodi, haodi pea wori ahina.”

Yohane 10:10

Ane tauna ntanina mouli kaihiranami Datu Topehompo, ihira peisa rapandiri nodo topanangka. Topanangka, mai peahe manangka, mepapate hai mepaope. Agaiana kamaiNgku ide bona manusia molambi katuwo au rumihi kamaroana.

Yohane 15:22

Ane kebaraNa mai mopaturohe, kebara worihe masala. Agaiana, lawi mai mpuumoNa mopaturohe, ido hai barapi ara rara mosapuaka kamasalanda.

Roma 4:15

Lawi au tahumba hangko i Aturana Musa iami karumpuna pea Pue Ala, lawi moliungike Atura iti. Ane rapana Pue Ala barake mowei aturaNa, kebarake masala moliungi atura iti.

Roma 6:1

Pue Ala moampungi dosanta anti kabulana laluNa irikita. Agaiana inee tapehangu ane mobabehi liliuke dosa ina katetetambaiari ahina Pue Ala moampungike.

Roma 6:14

Ikita, barapoke nakuasai dosa, bara anti pampeulainta Aturana Musa, agaiana anti pampeulainta kabulana laluna Pue Ala.