Roma 5:18 - Sura Malelaha

¹⁸ Mewali, anti kamanawona Adama, ope-ope tauna masalami hai hintoto rahuku. Nodo wori, anti hambua babehia au manoto iami kapatena Yesu i kau mombehape, ope-ope tauna peisa manoto i peitana Pue Ala hai molambi katuwo maroa au bara mokahopoa.

Roma 5:18 ပူးပေါင်းရင်းမြစ်များ

Yohane 1:7

Kamaina Yohane, ia mopahawe kana i pewangka iti i ope-ope tauna bona mohadihe posabina hai mepoinalai i pewangka iti.

Yohane 12:32

Agaiana Iko, ane rapamapangkaNa i kau mombehape, ina modiiNa ope-ope tauna mai Iriko.”

Yohane 3:26

Laomohe i Yohane, rauliangaa, “Guru, ba nukatuinao mani hangkoia hadua tauna au hihimbela hai guru ntanda i orupena owai Yarade au nutudungiangkai? Ia meriu wori, hai kabosa-bosaami tauna au lao Iria!”

Suro 13:39

Barake peisa tekabaha hangko i dosanta hai rapakanoto i peitana Pue Ala hangko i pampeulainta Aturana Musa. Agaiana ope-ope tauna au mepoinalai i Yesu, ina tekabahahe hangko i hinangka dosanda hai batena nadokohe Pue Ala, Naimba nodo tauna au manoto.

Roma 3:25

Moula popakanotona Pue Ala, Yesu rapapate hai waheNa tebumbuha. Iti nababehi Pue Ala bona Yesu rahuku mohalea dosa manusia bona teampungi dosanta ane mepoinalaike Iria. Hangko damani Yesu mate, Pue Ala bara mohuku manusia au madosa anti kasabaraNa.

Roma 4:25

Yesu itimi au mokira wataNa rapapate mohuru salanta. Hai roo indo, Pue Ala mopatuwo hule Yesu bona mewalike manoto i peitaNa.

Roma 5:12

Dosa mesua i lalu dunia melempo i hadua tauna au moliungi hawana Pue Ala. Dosa iti mopaara kapate i lalu dunia, alana kapate morumpa ope-ope tauna, lawi ope-ope tauna madosami.

Roma 5:15

Agaiana kabulana laluna Pue Ala irikita melumbu kamahilena hangko peliungina Adama. Anti peliungina Adama, ope-ope tauna batenda mate. Agaiana melumbu mpuu kabulana laluna Pue Ala au Nawei mberoke melempo i hadua tauna, iami Yesu Kerisitu.

Roma 5:19

Anti kadana mengkoru Adama i Pue Ala, alana ope-ope tauna madosa hahami. Nodo wori, anti pengkoruna Yesu i Pue Ala duuna mate i kau mombehape, ope-ope tauna peisami mewali manoto i peitana Pue Ala.

Roma 6:14

Ikita, barapoke nakuasai dosa, bara anti pampeulainta Aturana Musa, agaiana anti pampeulainta kabulana laluna Pue Ala.

1 Korintu 15:22

I lalu pohintuwuta hai Adama ope-ope tauna hangangaa mate, agaiana i lalu pohintuwuta hai Kerisitu ope-ope tauna molambihe katuwo au wou au bara mokahopoa.

Ibarani 2:9

Agaiana ide-ide tongawami kamakuasana Yesu. I katuwoNa au hampalai i dunia ide, kamahilena tuwoNa tepaiwoi hangko i malaeka. Lawi anti kabulana laluna Pue Ala irikita, Napakanoto bona Yesu rapapate mopahuru ope-ope tauna. Hai anti pohuhuNa wataNa rapapate, ide-ide Ia rapomahile hai raweimi pohudaa au meawa hai tebila.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

1 Yohane 2:20

Agaiana ikamu halalu, nidokomi Inao Malelaha au hangko i Kerisitu. Ido hai pane moisamokau ope-ope paturo au tou.