Roma 5:14 - Sura Malelaha

¹⁴ Agaiana nauri nodo, mepongka i Adama hawe i nabi Musa, kapate mangulelemi i ope-ope tauna. Kehapiri poliunginda hawana Pue Ala bara nodo au nababehi Adama, batena matehe nodo Adama. Adama iami pandirina Yesu, hadua tauna au ina hawe i boko.

Roma 5:14 ပူးပေါင်းရင်းမြစ်များ

Roma 5:12

Dosa mesua i lalu dunia melempo i hadua tauna au moliungi hawana Pue Ala. Dosa iti mopaara kapate i lalu dunia, alana kapate morumpa ope-ope tauna, lawi ope-ope tauna madosami.

Roma 5:17

Anti peliungina tauna au hadua iti, kapate mokuasai ope-ope tauna anti pohintuwunda hai tauna au hadua iti. Agaiana melumbu mpuu kamaroana babehiana tauna au hadua, iami Yesu Kerisitu! Hema pea au mepoinalai Iria molambihe kuasa hai katuwo maroa au bara mokahopoa. Iti ralambi anti kabulana laluna Pue Ala, lawi mahile mpuu kamaahiNa irikita. Ia moimbake manoto i peitaNa anti pohintuwuta hai Yesu Kerisitu.

Roma 5:21

Hangkoia, dosami au makuasa i lalu katuwonda tauna, alanda ope-opehe hangangaa rahuku mate hai ragaakihe hangko i Pue Ala. Agaiana ide-ide, kabulanami laluna Pue Ala au makuasa i lalu katuwonta. Hangko i kabulana laluna Pue Ala, Naimbamoke manoto i peitaNa hai Naweike katuwo maroa au bara mokahopoa i lalu Yesu Kerisitu Amputa.

Roma 8:20

Ide-ide arami haki, kapate hai ngkaia kapari i lalu dunia ide. Ope-ope iti mewali bara anti peundeana dunia ide, agaiana anti dosa manusia. Ido hai Pue Ala mampogiangaa ope-ope iti mewali i dunia.

Roma 8:22

Lawi taisa halalu, ide-ide hinangka ihi dunia tanganda mantodiha, mampegia tempona Pue Ala mopawou ope-ope, nodo pantodihana hadua towawine au ina moana.

1 Korintu 15:22

I lalu pohintuwuta hai Adama ope-ope tauna hangangaa mate, agaiana i lalu pohintuwuta hai Kerisitu ope-ope tauna molambihe katuwo au wou au bara mokahopoa.

1 Korintu 15:45

Ara teuki i lalu Sura Malelaha au manguli, “Tauna au nguru-nguruna napopewali hai napatuwo Pue Ala iami Adama. Agaiana Kerisitu peisa rauli Adama au kahopoana. Iami au moweike katuwo maroa au bara mokahopoa.”

Ibarani 9:27

Himbela hai manusia au rapatoka hambela pea mate, hai roo indo hangangaa rabotusi kara-karanda.