Roma 4:6 - Sura Malelaha

⁶ Paturo ide himbela hai lolitana Datu Daudi hangkoia. Lawi Daudi mampololita kana i kamorasinda tauna au nadoko Pue Ala, hai au Naimba manoto i peitaNa, agaiana bara anti kamaroana babehianda.

Roma 4:6 ပူးပေါင်းရင်းမြစ်များ

Matiu 25:19

Mahae hangko indo, mesulemi ampunda, hai mokakiomohe hawina napekune noumba karapopolumaona doina.

Roma 1:17

Hangko i Ngkora Marasa iti, taisa noumba rarana Pue Ala moimbake manoto i peitaNa, anti pepoinalainta Iria. Bara ara rara ntani, lawi i lalu Sura Malelaha teukimi node, “Tauna au manoto i peitana Pue Ala, ina molambihe katuwo maroa anti pepoinalainda.”

Roma 3:27

Mewali, barapi ara raranta mampemahile. Lawi barake nadoko Pue Ala anti kamaroana babehianta. Agaiana Nadokoke anti pepoinalainta i Pue Yesu.

Roma 4:11

Burahima ratile aminami mepoinalai. Karatilena iti mewali pea tanda kamanotona i peitana Pue Ala. Mewali, tongawami irikita Burahima mewali manoto i peitana Pue Ala anti pepoinalaina nauri barato ratile. Ido hai peisa tauli Burahima rapouma tauna au barahe to Yahudi au mepoinalai i Yesu, lawi kehapirihe bara ratile moula Aturana Musa, batena mewalihe manoto i peitana Pue Ala anti pepoinalainda au himbela hai Burahima.

Roma 4:24

Au teuki iti, batena mokanai worike. Ikita ide, nadoko worimoke Pue Ala au moimbake manoto i peitaNa, lawi mepoinalaike i Pue Ala au mopatuwo hule Amputa, Pue Yesu.

Roma 4:5

Agaiana pohintuwuta hai Pue Ala bara nodo tauna au mampedurei, lawi Naimbake Pue Ala manoto i peitaNa bara anti kamaroana babehianta agaiana anti pepoinalainta Iria au mopamanoto tauna madosa.

Roma 4:7

Nauli Daudi node: “Morasimi tauna au raampungimi babehiana au kadake hai dosana ragewomi.

Roma 4:9

Pewati au napololita Daudi iti bara pea rahumba tauna au ratile, agaiana rahumba worihe tauna au bara ratile. Lawi nodo au roomi kuuli inona, Pue Ala moimba Burahima manoto anti pepoinalaina.

1 Korintu 1:30

Pue Ala pea au mobungkahiake rara pane mohintuwuke hai Kerisitu Yesu. Anti pohintuwuta hai Kerisitu Yesu, taisami kamapandena Pue Ala: Napamanotomoke Kerisitu i peitana Pue Ala, au mopamalelahamoke, hai au mohompomi dosanta.

2 Korintu 5:21

Kerisitu, bara madosa, agaiana napahimbela Pue Ala tauna madosa hai Napahaleangi dosanta. Tunggaiana Pue Ala bona ikita au mohintuwu hai Kerisitu raimbamoke manoto i peitaNa.

Galatia 3:14

Tunggaiana Yesu mate rapaku i kau bona tauna au barahe to Yahudi peisa worihe molambi pewati au nadandi Pue Ala i Burahima. Pewati iti tahumba anti pohintuwuta hai Yesu Kerisitu. Mewali, ane mepoinalaike i Yesu Kerisitu, molambike Inao Malelaha au nadandimi Pue Ala.

Galatia 4:15

I tempo iti, matana mpuu lalumi. Agaiana ide-ide, iumbami kamatanami iti? Hangkoia, kuisa mpuu, halalu, ane ara ba apa pea au kuparaluu, barana nipokabohia. Mogalori matami haduduami, ane kepeisa nidungkiki hai niweina, bara ina nipokabohi.

Epesu 1:3

Tatoiami Pue Ala, Umana Amputa Yesu Kerisitu, au mowatike hai hinangka pewati au maroa hangko i suruga, anti pohintuwuta hai Kerisitu.

Pilipi 3:9

hai mohintuwuna hai Ia. Pue Ala moimbana manoto i peitaNa, bara anti peulangku i Aturana Musa, agaiana anti pepoinalaingku i Kerisitu. Mewalina manoto i peitana Pue Ala anti kabulana laluNa, lawi mepoinalaina i Kerisitu.

2 Timotiu 1:9

Nahoremamoke Pue Ala hangko i dosanta hai Nakakiomoke mewali taunaNa au malelaha. Barake Nahorema hai Nakakio anti kamaroana babehianta. Agaiana iti Nababehi anti kabulana laluNa moula tunggaiaNa. Lawi hangko damani dunia ide rapopewali, arami tunggaiana Pue Ala mopahintuwuke hai Kerisitu Yesu anti kabulana laluNa.

Yakobu 2:18

Manoto ara au ina manguli node, “Hadua tauna meharunga i pepoinalaina, hai tohaduana meharunga i babehiana au maroa.” Agaiana kuuli: ane bara maroa babehiamu, bara ina raita pepoinalaimu iti. Hangko i babehiangku au maroa, ina kupopaitaa woriko pepoinalaingku i Pue.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.