Roma 4:18 - Sura Malelaha

¹⁸ Katouana barapi ara peharungana Burahima moana lawi saemi. Nauri nodo, Burahima batena pea mepoinalai hai meharunga i Pue Ala, alana ia mewali umanda bosa tauna i humalele dunia. Lawi hangko damani ara anana Burahima, modandimi Pue Ala iria, Nauli, “Kabosanda pemuleamu ina nodo kangkaiana betue i langi.”

Roma 4:18 ပူးပေါင်းရင်းမြစ်များ

Lukasi 1:18

Nauli Sakaria i malaeka, “Noumba kakuisana katouna au nuuli iti? Lawi saemona. Apa mani towawinengku, sae ntepuu worimi.”

Suro 27:25

Idomi hai hangangaa nipakaroho lalumi. Lawi kupoinalai mpuu pewalina apa au Nauliangaana Pue Ala.

Roma 4:17

Ara lolitana Pue Ala i Burahima au teuki node, “Kupopewalimoko umanda bosa tauna i humalele dunia.” I peitana Pue Ala, Burahima mewali umanta ope-ope lawi Ia mepoinalai i Pue Ala. Hai Iami Pue Ala au mopatuwo hule tomate hai mopaara apa au bara mani hambela ara, nauri hai lolitaNa pea.

Roma 4:19

Agaiana i tempo iti, tinuwuna Burahima hungkumi hangatu parena. Hai barapi maroho watana lawi sae ntepuumi. Nodo wori Sara towawinena, ia lalo hai sae ntepuu worimi. Nauri nodo, pepoinalaina bara makura. Batena naharunga liliu kaina arana anana.

Roma 5:5

Hai ane meharungake i Pue Ala, peharunganta iti bara ina mepakanawo, lawi ope-ope au taharunga hangko Iria ina mewali. Taisa iti, lawi tongawa ahina Pue Ala i lalunta anti pokalena Inao Malelaha au Naweike.

Roma 8:24

Ide-ide, tekabahamoke hangko i huku dosanta anti peharunganta i Pue Ala. Taharunga kaina Naweinta ope-ope au Nadandiake. Hai ane meharungake, lempona bara mani tahumba apa au taharunga iti. Lawi bara ara hadua tauna au moharunga anu-anu au nahumbami.

Ibarani 6:19

Peharunganta ide nodo besi pantio kapala tahi au mewali pekingkiata au maroho bona dati marugi pepoinalainta. I lalu Souna Pue Ala, ara rindi bana au mohomboki rara manusia datihe peisa mesua i lalu Hologa au Malelaha Ntepuu. Agaiana ikita, barapi ara au mohomboki raranta hawe i lindona Pue Ala.