Roma 4:17 - Sura Malelaha

¹⁷ Ara lolitana Pue Ala i Burahima au teuki node, “Kupopewalimoko umanda bosa tauna i humalele dunia.” I peitana Pue Ala, Burahima mewali umanta ope-ope lawi Ia mepoinalai i Pue Ala. Hai Iami Pue Ala au mopatuwo hule tomate hai mopaara apa au bara mani hambela ara, nauri hai lolitaNa pea.

Roma 4:17 ပူးပေါင်းရင်းမြစ်များ

Matiu 3:9

Hai ineekau mampemahile, niuli, ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi! Ane naunde Pue Ala, pemuleana Burahima peisa Napopewali hangko i watu ide.

Yohane 5:21

Nodo UmaNgku mampopearo tomate hai moweihe katuwo, Iko wori mowei katuwo i hema pea moula peundeaKu.

Yohane 5:25

Tou mpuu lolitaNgku ide: ina hawe tempona hai katouana tempo iti hawemi, tomate ina mohadi wotuna Anana Pue Ala, hai ihira au mohadi wotuNgku ina molambi katuwo au wou.

Yohane 6:63

Inaonami Pue Ala au mowei katuwo. Kamaroho manusia bara mobundu. Lolita au Kupahaweakau mesuwu hangko i Inaona Pue Ala hai katuwo.

Suro 15:18

Nodomi pangulina Pue au mopakanoto tunggaiaNa hangkoia.”

Roma 3:29

Hai bara pea to Yahudi au napokaahi Pue Ala, agaiana mampokaahi worihe tauna au bara to Yahudi.

Roma 4:18

Katouana barapi ara peharungana Burahima moana lawi saemi. Nauri nodo, Burahima batena pea mepoinalai hai meharunga i Pue Ala, alana ia mewali umanda bosa tauna i humalele dunia. Lawi hangko damani ara anana Burahima, modandimi Pue Ala iria, Nauli, “Kabosanda pemuleamu ina nodo kangkaiana betue i langi.”

Roma 4:2

Ane rapana Burahima mewali manoto i peitana Pue Ala anti babehiana au maroa, peisa mampemahile. Agaiana bara ara pongkana Burahima mampemahile i lindona Pue Ala, lawi ia bara mewali manoto i peitana Pue Ala anti babehiana au maroa.

Roma 8:11

Pue Ala mopatuwo hule Yesu anti kuasana Inao Malelaha, hai Inao Malelaha iti au maida i lalunta. Mewali, kehapiri watanta mate, batena napatuwo huleke Pue Ala anti kuasana Inao Malelaha au maida i lalunta.

Roma 9:11

Hangko damanihe rodua anangkoi iti mesupa hai raisa mobabehi apa pea au maroa ba au kadake, Napileimohe Pue Ala dati rauli Napileihe anti babehianda agaiana Napileihe moula peundeaNa haduduaNa.

Roma 9:26

“Hangkoia Pue Ala mouliangaahe tauna au ara i hambua tampo: ‘Barakau kiraNgku.’ Agaiana hambela tempo, Pue Ala au tuwo ina mouliangaahe, ‘AnaNgkumokau!’ ”

1 Korintu 1:28

Naoaka mopileihe au tepaiwoi tuwonda, au rakakabosai hai au bara mobundu i peitana manusia bona manoto kadana mobundu au napomahile manusia.

1 Korintu 15:45

Ara teuki i lalu Sura Malelaha au manguli, “Tauna au nguru-nguruna napopewali hai napatuwo Pue Ala iami Adama. Agaiana Kerisitu peisa rauli Adama au kahopoana. Iami au moweike katuwo maroa au bara mokahopoa.”

1 Timotiu 6:13

Mewali Timotiu, i lindona Pue Ala au mopatuwo hinangkana, hai i lindona Kerisitu Yesu au mopahawe notoNa i Pontiu Pilatu kuuliangaako:

Ibarani 11:12

I tempo iti Burahima sae ntepuumi; katouana barapi ina memule. Agaiana nauri nodo, anti pepoinalaina, Burahima mopaara bosa pemuleana au bara peisa teimba kabosanda. Kabosanda nodo kangkaiana betue i langi hai wungi i wiwi ntahi.

Ibarani 11:3

Anti pepoinalainta, taisa langi hai tampo Napopewali Pue Ala hai lolitaNa pea. Mewali, ope-ope au taita, mewali hangko i apa au bara peisa taita.

Ibarani 11:7

Anti pepoinalaina, Noho mengkoru i hawana Pue Ala. Pue Ala mouliangaa kaina arana owai meumbala au molaboa dunia. Mewali, kehapiri bara mani naita pewalina, hawana Pue Ala napeulaimi hai nababehimi duanga mahile bona ia hai towawinena hai anana bara mate maliso. Ope-ope tauna i dunia rahuku, agaiana Noho anti pepoinalaina, ia Naimba Pue Ala manoto i peitaNa.

1 Peturu 2:10

Hangkoia, barakau taunaNa, agaiana ide-ide mewalimokau taunaNa. Hangkoia, barakau Napokaahi, agaiana ide-ide molambimokau pepokaahiNa.

2 Peturu 3:8

Arahe tauna au manguli, “Mahae gaga kahawena hule Pue Yesu.” Agaiana, ikamu halalungku au kupokaahi, hampaka ide inee mpuu naliu inaomi: i lalu peitana Pue, hasabu parena himbela pea hai hangalo, hai hangalo himbela pea hai hasabu parena. Katouana Pue bara mokaweweangi popabukeina dandiNa. Anti kasabaraNa irikamu, ido hai bara mani hawe ide-ide. Bara naunde Pue ane ara hadua tauna au rahuku. PeundeaNa bona ope-ope tauna menoso hangko i dosanda.