Roma 3:31 - Sura Malelaha

³¹ Mewali, naimbamoke Pue Ala manoto i peitaNa hangko i pepoinalainta pea, bara anti pampeulainta atura au nauki Musa. Agaiana inee tapehangu atura iti bara tou, lawi hai pepoinalainta, mopakarohori atura iti.

Roma 3:31 ပူးပေါင်းရင်းမြစ်များ

Matiu 3:15

Agaiana nahanai Yesu, Nauli, “NuriumoNa. Hintotomi au nubabehi ide bona tapabukei ope-ope peundeana Pue Ala.” Hangko indo, nariu mpuumi.

Matiu 5:17

“Inee nipehangu tunggaiana kamaiNgku ide bona mogeroNa Aturana Pue Ala au nauki Musa hai paturonda nabi hangkoia. Bara mai Kugero. Agaiana MairiNa mopabukei Atura iti.

Matiu 5:20

Mewali, Kuuliangaakau, ane niunde bona mewalikau taunana Pue Ala, hangangaa nipeulai peundeaNa, hai peulami hangangaa meliu hangko i peulanda guru agama hai toParisi.”

Lukasi 20:16

Batena topokadipura bondena iti maihe napapate, hai bondena ina naweihe tauna ntanina.” Karahadina tauna bosa ngkora pandiri iti, mololitamohe i Yesu, rauli, “Inee mpuu hawe mewali nodo! Ikita to Yahudi, barake ina nahuku Pue Ala nodo topokadipura bonde i lalu ngkora pandiriMu iti!”

Roma 10:4

Katouana Kerisitu mopabukeimi Atura iti bona Napakanotoke i peitana Pue Ala anti pepoinalainta Iria.

Roma 3:4

Kehapiri ope-ope tauna modongko, batena tou lolitana Pue Ala. Takatuinao apa au nauli Datu Daudi hangkoia. Nauli node, “bona tongawa kamanotoMu i hinangka NgkoraMu hai menangiKo ane raparesaKo.”

Roma 3:6

agaiana bara tou. Lawi ane rapana Pue Ala bara manoto, Ia bara peisa mampohuda-hudaa kara-karanda ope-ope tauna i alo pebotusi i kahopoa dunia.

Roma 4:14

Ane rapana, tauna au moula Aturana Musa molambi apa au nadandi Pue Ala, lempona pepoinalainta i Pue Ala bara mobundu, hai dandiNa bara ina mewali.

Roma 7:22

I lalungku kuunde Aturana Pue Ala.

Roma 8:4

Tunggaiana Pue Ala mobabehi iti bona mewalike tauna au manoto i peitaNa nodo au naperapi i lalu Aturana Musa. Ide-ide barapoke moula peundeana lalunta au kadake, lawi moulamoke peundeana Inao Malelaha.

1 Korintu 9:21

Ane mopahawena Ngkora Marasa i tauna au bara moisa Aturana Musa, mewalina nodo hadua tauna au bara moula Aturana Musa bona kuantihe mepoinalai i Kerisitu. (Agaiana inee rauli: bara kupeulai hawana Pue Ala. Mengkoru liliuna i hawana Kerisitu.)

Galatia 2:19

Lawi hangko i Aturana Musa, kuisa kamasalangku. Hintoto mpuuna rahuku mate. Bara mpuu ara rarangku mewali manoto i peitana Pue Ala i lalu pampeulaingku Aturana Musa. Ido hai kukabahami pampeulaingku Aturana Musa bona mampeulaina peundeana Pue Ala. I peitana Pue Ala, matemona hihimbela hai Kerisitu, lawi Ia matemi mopahuruna.

Galatia 2:21

Pue Ala mopamanotomoke i peitaNa hangko i kabulana laluNa. Mewali, bara maroa ane tasapuaka kabulana laluNa iti. Ane rapana, peisake mewali manoto i peitaNa anti peulanta i Aturana Musa, iti lempona kapatena Kerisitu bara ara bunduna.