Roma 3:19 - Sura Malelaha

¹⁹ Hangko i Aturana Musa, taisa kadana ara tauna au manoto. Hai taisa ope-ope i Aturana Musa, mokanaihe to Yahudi au rawei atura iti. Mewali, bara ara hadua tauna au peisa mampololita kamanotona. Ope-ope tauna masalamohe i peitana Pue Ala.

Roma 3:19 ပူးပေါင်းရင်းမြစ်များ

Yohane 15:25

Agaiana batena nodo bona tepabukei apa au teuki i lalu Sura Aturanda au manguli: ‘Nauri bara ara salaNgku, rakahihiNa.’

Yohane 8:9

Karahadina tadulako to Yahudi lolitana Yesu iti, padu ngkandiimohe hadua-hadua, mepongka hangko i tosae hawe i au mangura. Kahopoana, opemohe padu; Yesu pearai hai towawine iti au ara indo.

Roma 1:20

Kehapiri kamakuasana Pue Ala au monono hai kamahilena tuwoNa bara peisa taita, agaiana ope-ope iti peisa taita hangko i hinangka au Napopewali hungka i pewalina dunia. Mewali, bara ara manusia au peisa manguli, “Bara wongkoia kuisa kaarana Pue Ala.”

Roma 3:2

Ngkaia mpuu rasi irikita to Yahudi, hai mahile pobunduana! Kaisa-isa, i toYahudimi Pue Ala mopahawe NgkoraNa.

Roma 3:23

Lawi madosamoke ope-ope, hai barake hintoto molambi kiranta i lalu peawana Pue Ala.

Roma 3:4

Kehapiri ope-ope tauna modongko, batena tou lolitana Pue Ala. Takatuinao apa au nauli Datu Daudi hangkoia. Nauli node, “bona tongawa kamanotoMu i hinangka NgkoraMu hai menangiKo ane raparesaKo.”

Roma 3:9

Mewali, node: ikita to Yahudi, bara meliu kamaroanta hangko i tauna ntanina. Lawi nodo au kuuli inona, ope-ope tauna batena masala, lawi ikita ope-ope madosamoke, maroa to Yahudi maroa tauna ntanina.

1 Korintu 1:29

Mewali, ido hai bara ara tauna au peisa mampemahile. Bara ara hadua au peisa manguli, “Anti kamapandeku, ido hai napileina Pue Ala.”

Galatia 3:10

I lalu Sura Malelaha hangkoia teuki node: “Hema-hema au bara mampeulai hinangka parenta au teuki i lalu Aturana Musa, batenda napaharara Pue Ala.” Mewali, halalu, taisa: ane ara tauna au napeinao mopamanoto watana i peitana Pue Ala anti pampeulaina Aturana Musa, batena ina harara i lindona Pue Ala. Lawi hema pae au peisa mampeulai ope-ope hai au bara ara kamasalana?

Galatia 4:21

Halalungku, ikamu au mampeinao moula Aturana Musa, nipehadingi lolitangku! Ina kupakanotoakau apa au teuki i lalu Sura Aturana Musa.

Galatia 4:5

Pue Ala motudu AnaNa mai i dunia bona mokabahake hangko i Aturana Musa hai peisake mewali anaNa.

Galatia 5:18

Mewali, ane naninimoke Inao Malelaha, barapoke tetaka i Aturana Musa.