Roma 2:8 - Sura Malelaha

⁸ Agaiana ara worihe tauna au mampekiri pea watanda. Barahe mau moula peundeana Pue Ala, moula pearihe peundeanda au kadake. Ihira ina molambi karumpuNa hai pehukuna Pue Ala.

Roma 2:8 ပူးပေါင်းရင်းမြစ်များ

Roma 1:18

Hangko i suruga Pue Ala mopatongawa karumpuNa i ope-ope tauna au madosa, maroa i pekirinda ba i babehianda au kadake, lawi hinangka babehia kadake ina mohomboki tauna mampeulai paturo au manoto kana i Pue Ala.

Roma 10:16

Arami tauna au ratudu moanti bambari maroa, agaiana barahe ope-ope tauna mampoinalai bambari maroa iti. Ara lolitana nabi Yesaya hangkoia au manguli, “Pue, arahe pae au mepoinalai i bambari au kiantiahe?”

Roma 15:18

Au kuuli ide, kupobago anti kuasana Kerisitu Yesu bona tauna au barahe to Yahudi mengkoru i Pue Ala. Mengkoruhe i Pue Ala anti pobagongku hai pepaturongku,

Roma 6:17

Mangulina ngkaia kamaroana i Pue Ala, lawi hangkoia hangko damanikau mepoinalai i Yesu, napohawikau dosa. Agaiana ide-ide hangko i lalumi mpuu mampeulai paturo au rapahaweakau.

Roma 9:22

Nodo wori Pue Ala makuasa mobabehi apa peundeaNa irikita tauna. Katouana, ara tauna kadake au hintoto mpuu napokarumpu Pue Ala bona tongawa kuasaNa. Hintoto mpuuhe rahuku hawe i hae-haena, agaiana nauri nodo, sabara mani Pue Ala i tauna iti.

1 Korintu 11:16

Agaiana ane ara au mampeinao mosapuaka au kuuli ide, idemi lolitangku moula ada au kipeulai, towawine hangangaa metolombu i paminggua, hai ada iti rapeulai wori halalunta hampepepoinalai i boea-boeana. Au ntanina hangko ide, bara ara.

2 Korintu 12:20

Au kupokalanga ane laokau kusondaki kulambikau bara nodo au kupeinao hai hawena irikamu bara nodo au niharunga. Langana ane arakau au mohiho hai mombekahinai, mombekarumpui hadua hai hadua, mengkaiwongko, mombekakabosai, mombepodongkoa, mampemahile, hai au mehawu-hawu

Galatia 5:20

menomba i anitu, mampopobundu kuasa hangko i seta; mokahihi rangana, mobungka-bungka, mohiri, polo rumpu, mengkaiwongko, mosisisala hai mepopogaa-gaa,

Pilipi 1:17

Agaiana tauna au mahinahe iti, mopahawehe bambari kana i Kerisitu hangko i lalunda au kadake, lawi raunde mopakahile hanganda haduduanda. Tunggaianda bona motambai kamaparingku i lalu tarunggu.

Pilipi 2:3

Ineekau mopaioru peundeami haduduami, ineekau mampemahile. Agina mengkaiwoike hadua hai hadua, hai hangangaa taimba ranganta melumbu hangko irikita.

2 Tesalonika 1:8

Hai Iami au ina mohuku tauna au barahe moisa Pue Ala hai au barahe mampeulai Ngkora Marasa au mopahawe kahemana Yesu Amputa.

Titu 3:9

Agaiana ara worihe tauna au mombehehe hai mampombehanaingi atura agama Yahudi ba tuntukana pemuleanda. Nukaraohihe! Nupalehi peamohe i pombembehanainda au bara mobundu hai au bara moanti pewati i tauna.

Ibarani 10:27

Barapi ara au peisa taharunga, batena pearai karumpuna Pue hai api pehukuNa au rumihi, au ina mopapumpu hinangka iwaliNa.

Ibarani 11:8

Anti pepoinalaina, Burahima mampeulai hawana Pue Ala. Burahima nakakio hai natudu Pue Ala lao i tampo au karao, Nauliangaa, “Tampo au Kutudungiako ina mewali kiramu hai kiranda pemuleamu.” Mewali, kehapiri bara naisa iumba kalaoana, meangkami Burahima moula hawana Pue Ala.

Ibarani 5:9

Hai anti pengkoruNa, Yesu mewali Topehompo au bara ara kamakuraNa, hai Ia mowei ope-ope tauna au mengkoru Iria katuwo maroa au bara mokahopoa.

Yakobu 3:14

Agaiana ane ara lalumi mahina i rangami hai nipeinao mopaioru watami haduduami, ineekau mampemahile hai inee nipehangu ikamumi tauna au manoto lalumi. Lawi babehia iti mosisala hai paturo au tou.

Yakobu 3:16

Lawi ane arahe tauna au mahina hai au mohaoki peahe peundeana lalunda, batena ina ara pobungka-bungka hai mampopengaa babehia au kadake.

1 Peturu 3:1

Nodo wori ikamu towawine, hangangaa mengkorukau i tobalilomi bona ane arahe tobalilomi au bara mepoinalai i Ngkorana Pue Ala, babehiami iti ina mobaliki lalunda duunda mepoinalai. Barahe paraluu niuliangaa ba apa-apa,

1 Peturu 4:17

Hawemi tempona Pue Ala ina mobotusi kara-karanda ope-ope tauna. Hai ikita au Napoana, batena ioru Nabotusi kara-karanta. Mewali ane kara-karanta au ioru Nabotusi, manoto ina melumbu pehukuNa i tauna au barahe mepoinalai i Ngkora Marasa au hangko Iria.

Pampetudungia 14:10

tauna iti ina napaenuhe Pue Ala hai paenu au mapai ntepuu. Lempona, ina nakarumpui mpuuhe Pue Ala, hai bara ara kamaluluna laluNa irihira. Tauna iti ina rapopeahi-ahihe i lalu api au mahile i lindonda malaeka au malelaha hihimbela hai Ana Dimba iti.

Pampetudungia 16:19

Mewali, mabikami wanua au rahanga Babeli mewali talu gaana, hai magero worimi boea-boea i humalele dunia au barahe moisa Pue. Pue Ala mohurungi dosanda tauna i boea Babeli au mahile. Napaenumohe hai paenu karumpuNa: Nakarumpui ntepuuhe hai bara ara kamaluluna laluNa irihira.