Roma 2:29 - Sura Malelaha

²⁹ To Yahudi au nadokohe Pue Ala, iami tauna au moulahe Aturana Pue Ala hangko i lalunda hai tou-tou mpuuhe ratile i lalunda. Lempona, nadokohe Pue Ala anti pobagona Inao Malelaha i lalunda, bara anti peulanda i atura-atura au teuki. Tauna itimi au ina natoia Pue Ala. Kehapirihe bara ratoia tauna, agaiana batena napomahilehe Pue Ala.

Roma 2:29 ပူးပေါင်းရင်းမြစ်များ

Lukasi 11:39

Ido hai nauliangaahe Yesu, “Ikamu toParisi nodokau hadua tauna au mobahoi paenua hai tabo i raoana pea. Agaiana i lalumi, kadake ntepuukau hai mampokaelukau anu-anuna rangami.

Lukasi 17:21

Nodo wori, bara ara tauna au ina manguli, ‘Peita olou, itimi!’ ba: ‘Peita inde, idemi!’ Lawi poparentana Pue Ala arami i olomi.”

Yohane 12:43

Lawi raunde mani ratoia manusia pane natoiahe Pue Ala.

Yohane 4:23

Agaiana ina hawe tempona, hai katouana hawemi tempo iti, i lalu peninina Inao Malelaha ina moisa mpuuhe hema Pue Ala i katou-touana, hai ina menombahe Iria, moula rara mpenomba au naunde Pue Ala Umanta.

Yohane 5:44

Noumba pepoinalaimi Iriko, ane mampeinao peakau ratoia rangami? Bara niunde mobaliki babehiami bona Pue Ala HaduduaNa motoiakau.

Roma 14:17

Lawi i lalu poparentana Pue Ala, bara ada mpaande ba paenu au mewali patoana i peitana Pue Ala. Patoana iami lalunta au manoto, pohintuwuta hai ranganta, hai katana lalu au naweike Inao Malelaha.

Roma 2:27

Kahopoana, babehianda tauna au barahe to Yahudi ina mopatongawa kamasalanta to Yahudi, lawi nauri molambimoke Aturana Musa au teuki, hai ratilemoke moula atura iti, agaiana ikita worimi au moliungi atura iti. Hai tauna au barahe ratile, ihirari au moula Aturana Pue Ala.

Roma 3:1

To Yahudi hai tauna au barahe to Yahudi himbela pea; masalamohe ope-ope i peitana Pue Ala. Agaiana inee tapehangu bara melumbu porasinda to Yahudi hangko i tauna ntanina hai kadana mobundu petile.

Roma 7:6

Agaiana ide-ide, tekabahamoke hangko i Aturana Musa au motakake hangkoia lawi matemoke hihimbela hai Kerisitu. Mewali, barapoke moula rara au hae; moula atura-atura au teuki. Ide-ide moulamoke rara au wou; mengkoruke i Pue Ala anti kuasana Inao Malelaha.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

1 Korintu 7:19

Lawi i peitana Pue, ane ratile ba barake ratile, himbela pea. Au paraluu ntepuu, tapeulaimi hawana Pue Ala.

2 Korintu 10:18

Lawi ane mampomahileke watanta haduduanta, barake ina nadoko Pue. Agaiana ane napomahileke Pue, manotomi kaNadokonta.

2 Korintu 3:6

Ia moweingkai kapande mewali topobagoNa au mopaguru tauna i dandiNa au wou. Barahe kipaguru bona mampeulaihe atura-atura au teuki bona mewalihe manoto i peitana Pue Ala. Agaiana kipaguruhe bona molambihe katuwo au wou hangko i Inao Malelaha. Lawi ane mampeinaoke mewali manoto i peitana Pue Ala i kamampeulainta atura au teuki, ina molambike kapate, lawi bara buke katapeulaina. Agaiana ane meulake i Pue Ala anti kuasana Inao Malelaha, molambike katuwo maroa au bara mokahopoa.

Pilipi 3:3

Katouana ikitami au manoto i peitana Pue Ala lawi menombake Iria moula peninina Inaona haduduaNa, hai matana mpuu lalunta anti pohintuwuta hai Kerisitu Yesu. Barake moharunga ada au raita pea i raoa bona mewalike manoto i peitana Pue Ala.

1 Tesalonika 2:4

Bara woringkai mololita bona mopamatana peangkai lalunda tauna, agaiana mopahawengkai apa au mopamatana laluna Pue Ala, lawi Ia au moparesa lalungki hai Napoinalaimongkai mopahawe Ngkora Marasa.

1 Peturu 3:4

Pongkana kamakarami mesupa hangko i lalumi. Hangangaa maalusu babehiami hai lolitami. Itimi kamakara au bara ara katebaliana, hai au napokatana Pue Ala.