Roma 2:28 - Sura Malelaha

²⁸ To Yahudi ratilehe moula Aturana Musa, agaiana karatilenda iti iami ada au rabababehi pea i watanda hai raita pea i raoa. Bara iti au mampopewalihe taunana Pue Ala.

Roma 2:28 ပူးပေါင်းရင်းမြစ်များ

Matiu 3:9

Hai ineekau mampemahile, niuli, ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi! Ane naunde Pue Ala, pemuleana Burahima peisa Napopewali hangko i watu ide.

Yohane 1:47

KamoitaNa Natanael mai mepohidupaa, mololitami Yesu kana i Natanael, Nauli, “Olou mai hadua to Isaraeli ntepuu, ia bara topodongko!”

Roma 2:17

Mewali, halalu, noumbakau to Yahudi? Arakau au mampemahile lawi mohintuwumokau hai Pue Ala? Hai niuli, “Ina nadokokau Pue Ala anti peulami i Aturana Pue au napahawemi Musa?

Galatia 6:15

Ratile ba bara, iti bara paraluu. Au paraluu iami katuwo au wou hangko i Pue Ala.

Epesu 2:11

Mewali, halalu au barakau to Yahudi, nikatuinao noumba katuwomi hangkoia. Ikamu, rauli to Yahudi: “tauna au bara ratile.” Hai to Yahudi iamohe: “tauna au ratile” lawi ratilehe moula ada agamanda, mewali rauli ihira pea taunana Pue Ala. Agaiana ada mpetile iti, iami ada au rababehi pea tauna mewali tanda i watanda.

1 Peturu 3:21

KaNahoremanda hangko i owai au molaboa dunia peisa rapopandiri ada mperiu to Sarani ide-ide, lawi ada iti moanti katuwo maroa irikamu. Ane tababehi ada mperiu iti, bara peake mobahoi watanta. Agaiana ara tunggaiata au melumbu hangko inditi. Ada mperiu iti taimba hambua pamperapita i Pue Ala bona Nabahoike hangko i dosanta. Hai anti katuwona hule Yesu Kerisitu, Naampungi mpuumoke hangko i dosanta.

Pampetudungia 2:9

Nauli: Kuisa kapari au morumpakau, hai Kuisa peahi-ahimi, agaiana katouana pebukukau i lalu pepoinalaimi. Kuisa noumba karakakabosaimi tauna au moulihe katoYahudinda. Agaiana katouana, i lalunda barahe to Yahudi; topegurunarihe Datu Tokadake.