Roma 2:22 - Sura Malelaha

²² Mouliangaakau rangami inee mebualosi, mole mebualosito worikau! Niuli mokahihikau anitu, moapari hai arakau au mopanangka anu-anu hangko i lalu sou penombaa i anitu?

Roma 2:22 ပူးပေါင်းရင်းမြစ်များ

Matiu 12:39

Nauli Yesu, “Kadake mpuukau! Mosapuaka liliukau Pue Ala! Niperapi bona Kupopaitaakau tanda kuasa. Agaiana bara ara tanda kuasa au ina rapopaitaakau. Au ina rapopaitaakau, batena pea tanda nodo au mewali i nabi Yunu hangkoia.

Matiu 16:4

Kadake mpuukau! Mosapuaka liliukau Pue Ala! Niperapi bona Kupopaitaakau tanda kuasa. Agaiana bara ara tanda kuasa au ina rapopaitaakau. Au ina rapopaitaakau, batena pea tanda nodo au mewali i nabi Yunu hangkoia.” Roo indo, Napalehimohe.

Markus 11:17

Roo indo, Napaturohe, Nauli, “Bara pae niisa apa au teuki i lalu Sura Malelaha? Pue Ala manguli node: ‘SouNgku ina mewali sou pekakaea au rapake tauna hangko i humalele dunia.’ ‘Agaiana ikamu, nipopewaliri sou pogulua topebagiu!’ ”

Suro 19:37

Lawi tauna iti, niantimohe mai, agaiana baratohe mosilakai sou penombaata ba mopapakoi hangana anitunta.

Roma 12:9

Nipokaahi rangami hangko i kabulana lalumi, nikaraohi babehia au kadake, hai nibabehi au maroa.

Yakobu 4:4

Halalu, bara hintoto ane mopalehike Amputa hai moulake babehia au kadake i dunia ide. Niisami halalu, ane mampeulaike babehia au kadake i dunia ide, batena mampopewalike watanta iwalina Pue Ala. Hambela mani kuuli: hema au mounde babehia au kadake, ia au mampoiwali Pue Ala!